مساعده + توضيح / كيفية شراء الطيور من بعض الدول الأوربيهَ ..

[فاارس]

بسم الله الرحمن الرحيم ..
السلام عليكم ورحمة الله وبركاته ..
مساكم الله بالخير او صبحكم الله بالخير ..

وشلونكم عساكم طيبين ..

اخواني : اخذت لي فتره وانا افكر اشريلي طير من برا مثل اسبانيا المانيا وغيرهاا ..
وقررت اشريلي طير # بس هنا المطمه : لا اعرف كيف اتواصل معهم ولا اعرف مواقعهم / بالعربي ماعندي خلفيه من كيف اوصل لهم الين اوصل الطير عندي بطرق رسميهَ ..

ف ياليت اخواني تفيدونا وخاصه اللي شرا من برا مع ذكر تجربته وافضل المزارع : وياليت رابط مواقعهم الاكترونيه للتواصل معهم وكيف الين يوصل الطير عندي ..

يكون مرجع لي انا وبعض اخواني بهالمنتدى العريق اللي بخاطره يجرب الجيره بس مايعرف كيف هههه ..

والله يجزاكم بالخير ويرحم والدينا والديكم ووالدا المسلمين اجمعين ..

[سلطان 1]

اخوي
فارس
والله وانا خوووك كأنك تبي الشور
اليا جاء معرض ابو ظبي للصيد
رح تمش هنااااك واشتر علي نضرك
ولا تروح الا اخر اياااام المعرض.

اما وش افضل المزارع فيه مزارع معروفه لكن غاليه طيورها.
فيه مزارع غيرها واثبتت نجاحها واقيامها معقوله.

اما انا والله ماقد فكرت أني اشري طير من برااا
ماشفته ولا نقلته وتمقلت منه.
يمكن احد من الاعضاء يفيدك اللي شروا من براا.

[فاارس]

اخوي
فارس
والله وانا خوووك كأنك تبي الشور
اليا جاء معرض ابو ظبي للصيد
رح تمش هنااااك واشتر علي نضرك
ولا تروح الا اخر اياااام المعرض.

اما وش افضل المزارع فيه مزارع معروفه لكن غاليه طيورها.
فيه مزارع غيرها واثبتت نجاحها واقيامها معقوله.

اما انا والله ماقد فكرت أني اشري طير من برااا
ماشفته ولا نقلته وتمقلت منه.
يمكن احد من الاعضاء يفيدك اللي شروا من براا.


الله لا يهينك على هالطله والمرور ( والشور ) ..
والله وانا اخوك يقولون حزة المعارض الطير غالي بالحيل .. وغيره بخاطري اخذ على نظري بس على صوره تقدر تقول ( ابي اشوف نظرتي ) وان شاء الله انها تصيب ماتخيب وبنغامر ..

ولبى عمرك عسى عمرك طويل ..

[قلب ذيب]

مثل ما ذكر الاخ شراء الطير من الخارج غالي وبعدين لازم تعلمه وتدهله ويمكن يفشل .
عليك بالقرناس البكر خاصه عند ربعنا هل دبي يمكن يكون غالي شوي بس الطير صايد ومضمون ولايريد علومه , اما خيارك الثاني فهو معرض ابوظبي ولو ان الشراء قبل المعرض افضل لأن المعروض من الطيور في المعرض يكون اخر مايباع وغالي شوي الاماقل .
والله يحييك في ابوظبي ونسعد اذا التقينا بك وشرفت محلاتنا .

[فاارس]

مثل ما ذكر الاخ شراء الطير من الخارج غالي وبعدين لازم تعلمه وتدهله ويمكن يفشل .
عليك بالقرناس البكر خاصه عند ربعنا هل دبي يمكن يكون غالي شوي بس الطير صايد ومضمون ولايريد علومه , اما خيارك الثاني فهو معرض ابوظبي ولو ان الشراء قبل المعرض افضل لأن المعروض من الطيور في المعرض يكون اخر مايباع وغالي شوي الاماقل .
والله يحييك في ابوظبي ونسعد اذا التقينا بك وشرفت محلاتنا .

والله ما ادري : وانا اخوك مير شكلي باجي يمكم وبنتوكل على الله / والله لا يهينك انت واخوي سلطان ..

الشرف لي طال عمرك ان قابلتك وسمرت وياك لاخلا ولا عدم عسى ربي يسعدك ..