مشكلة بالفورتشنر ارجو مساعدتكم

[جبل بركوك]

بسم الله الرحمن الرحيم

السلام عليكم جميعا :

ياجماعة الخير عندي مشكلة بموتري وهو اني اذا كنت بالنفود ودعست على الموتر وبرقى طعس او مرقى وعجز موتري يرقاه وجيت افك الدعسة يطفى الموتر :( مع انه توماتيك فما ادري وش السبب ؟؟

سألت واحد من الشباب قال عادي هذا نظام بالموتر اذا فكيت الدعسة بقوة يطفى عشان مايريوس وهو بـــ d ومادري وش يخرب عليك ؟؟

ياشباب تكفووون اللي عنده علم يفيدنا وهل صدق اللي قالي والا عندي شيء يبيله تصليح لأني بديت اوسوس :D

الموتر : فورتشنر 2011 تماتيك

[جبل بركوك]

لا اله الا الله

[ابوراكان تبوك]

بعض الجيوب التماتيك يفصل القير اذا حمي فأحتمال عندك بالفورتشنر نفس النظام لحماية القير انا اعرف انه موجود في الجكسار والفكسار 2007

[sgl2002]

طيب اذا كنت ماسك خط وجيت عند نقطة تفتيش وفكيت رجلك يسوي نفس الحركة؟


طيب اذا رقيت الطعس وعيا موترك يرقاه وفكيت رجلك من البنزين امسك بريك بسرعه ، اذا ما طفى معناه كلام خويك صحيح

[عقووول]

اخوي والله ما ازل عليك وتراني حلفت علشان ماتوسوس وتخسر

عندي فكسار موديل 2000

وجيب لكزس لاخوي 2004

وجيب لكزس 2007

وكلها اذا طلعت نفود وماقدر يطلعها اول ماترفع رجلك يطفى

هذا بالنسبة لل 8 سرندل للفكسار واللكزس من موديل 98 الى 2007

اما الفوتشنر اتوقع مثله

[XTERRA -2010]

عادي جدا هاذا نظام امان بالموتر فقط و موجود في اغلب المواتر