الفرعة يا أهل الثلاجات

[صاحب الذود]

السلام عليكم ورحمة الله وبركاتة
أخواني الأعزاء.

ابي اركب ثلاجة في الشاص ولا عندي خلفية عنها
وابيكم تفيدوني ماهي افضل نوع في الثلاجه وماهو افضل نوع مقوي كهرباء من البطارية الى 220


وابيكم تنصحوني يا أهل الخبره

[خالد5566]

صباح الخير اخي العزيز
انا اشوف ثلاجات الرماية افضل من ناحية الجلد
وقوت تحملة


اما الي عند السنيدي لك عليها اشتريت ثلاجة وفليزر باليوم الي انا اخته او استعملته واليوم الثاني رجعتة لهم صارة ثلاجة بدا ماتكون افليزر

[ابوحسام9]

اخوي صاحب الذود الرماية 60لتر فرار ممتازة وسعرها مناسب لاكن اذابغيت ثلاجة العمر انصحك بثلاجة الهدف ماينس فورتي جنوب افريقية مقاس 60 لتر ماتصرف كهرب وعازل قوي وتصلح للشاص يعيبها الثقل والسعر غالية ولاكن تستاهل الاقتناء

[صاحب الذود]

طيب يا اخوان فيه نوع يقاله ابو طمره

[صاحب الذود]

غريبه مافيه احد يفيدناء

[بن معدل]

الطمرة يالاخو تمام من ناحية استهلاك الكهرب وميزته الثانية انها خفيفة والمقاس انت وشهوتك عيوبها انها فيبر من برا يعني لازم تحافظ عليها وانصحك بالطمرة 40 لتر فرار

[ركان]

ياصاحب الذود فيه نقطة مهمة الا وهي الحجم اللي انت تببيه أذا كان الحجم المطلوب وسط يعني تشيلك تويس لباني مع البارد 20 علبة تقريباً عليك بالطمرة اللي هي ثلاجة waeco ويكو أم فرار سعة 40 لتر سهل عليك تشيلها وتزلها خاصة وان سيارتك شاص بس حط لها طربال . وهي موجودة عند المرباع في القصيم لكن سعرها غويلي 3600 ريال ، أرجو أني أفدتك ، تحياتي لك وللجميع .

[صاحب الذود]

طيب فيه نوع فيبر وستيل وش الزين منها

[ابوحسام9]

اخوي صاحب الذود نصيحة اخ لاتعدى ثلاجتين الاولى الطمرة فرار 40 لتر تلقاها عند السنيدي او جنوب افريقية ماينس فورتي 60 لتر رح للهدف ورح للسنيدي وقارن اذا سيارتك جيب شاص خذ الجنوب افريقية لانها تتحمل المطبات وقوية ولاكن يعيبها الثقل واذا صالون خذ الطمرة لان الطمرة تخدم داخل السيارة اكثر بسبب ضعف العازل ولاكن لايعيبا ضعف العازل كثيرا وثلاجتين ممتازات