لومينا 2006 ما تشتغل

[الأمير ksa]

السلام عليكم و رحمة الله و بركاته


صباح / مساء الخير


المشكلة / السيارة لما جيت أشغلها ما تدق مالها صوت و كهربها ضعيف ادق الاشارات تومض و الانوار ما تشتغل المهم جبت اشتراك و حاولت اشركها بدون فايده و جبت اشتراك ثاني وحطيتهم فوق بعض و اشتغلت مشيت و لما وصلت مسافة عند لفة طفت تركتها و جيتها المغرب و شركتها بالعلة و اشتغلت و مشيت للبيت و انا بالطريق طفت و حطيتها بـ n و رجعت اشتغلت لحالها و بعد الكهرب يومض يعني السيارة ما تشحن لكن الغريب انا لمبة البطارية ماهي شغالة تتوقعون انها من الدينمو ولا البطارية مع العلم البطارية لها سنتين ..

في انتظار خبراتكم ,,

[كلاش2500]

شوف ونا خوك.....اذا شغلت السيارة...افصل اصبع البطارية اذا طفت الاحتمال الاول انه الدينمو مايشحن علما ان الدينمو اذا خرب تولع لمبات الطبلون والسيارة شغالة.....الاحتمال الثانى البطارية منتهية ماتقبل الشحن ...............علشان تكون في السليم ولا احد يضحك عليك....خذ البطارية وروح لمحلات البطاريات ولاتقوله الا شى واحد علشان لاتعطيه فرصة يضحك عليك...قوله نسيت النور مولع وفضالى البطارية وتطلب منه انه يشحنها والشحن قيمته خمسة ريال.....هو عاد بيشحن على اساس انها فاضية.....بعد مايشحن يشيك عليها بجهاز البطارية يعرف انها انشحنت ولا فيها خراب......اذا البطارية سليمة وانشحنت معناه ان الدينمو عندك مايشحن احتمال كتاوت ولا تغيره بدينمو جديد......

[ابوتميمي]

السلام عليكم و رحمة الله و بركاته


صباح / مساء الخير


المشكلة / السيارة لما جيت أشغلها ما تدق مالها صوت و كهربها ضعيف ادق الاشارات تومض و الانوار ما تشتغل المهم جبت اشتراك و حاولت اشركها بدون فايده و جبت اشتراك ثاني وحطيتهم فوق بعض و اشتغلت مشيت و لما وصلت مسافة عند لفة طفت تركتها و جيتها المغرب و شركتها بالعلة و اشتغلت و مشيت للبيت و انا بالطريق طفت و حطيتها بـ n و رجعت اشتغلت لحالها و بعد الكهرب يومض يعني السيارة ما تشحن لكن الغريب انا لمبة البطارية ماهي شغالة تتوقعون انها من الدينمو ولا البطارية مع العلم البطارية لها سنتين ..

في انتظار خبراتكم ,,







المفتاح قد يكون السبب.

[الأمير ksa]

تم حل المشكلة / السبب من البطارية

ما تقبل الشحن ( خربانة ) و بدلتها بجديدة و اشتغلت السيارة والدينمو يعبي تمام 14

مشكورين جميعاً و الله يعطيكم العافية يا رب

أجمل تحية لكمـ ,,