المساعد الشخصي الرقمي

مشاهدة النسخة كاملة : تكفون يا ا لقناصين لاتخيبون ضني فيكم


ولـد الدوادمي
29/09/2006, 01:35 PM
السلام عليكم ورحمه الله وبركاته

والله ياشباب انا مبتدي بالطيور وابي فزعكم ولاتخيبون ضني فيكم والله الله بالفزعه

عندي سوالين ..؟

1\ يصلح اعلف الطير من الحمام حق البلد الي بالديره نفسه اصيده واعلفه وهل اعلف الطير الحمامه كامله ولا نصفها

2\ كم سعر الشيهانه وهي وحش الجبلي على كم والمثلوث على كم وشرط ان المقاس يكون 12 ونص*12ونص أو 13*13

والسلام عليكم ...
جيتك يابعد حيي
29/09/2006, 02:10 PM
هلا وغلا فيك أخوي الدوادمي وحياك الله معانا صقار مبتدي وأنشاء الله نتمنى نفيدك..........
بالنسبه لعلف الطير من الحمام البلدي وغير البلدي هو علف ممتاز للطير وحنا مانعلف طيورنا الا منه بس بشرط يكون سالم من الامراض ، وأذا كان طيرك رابطه مابعد دعيته يفضل أنك تنوع له مابين الفري والحمام واللي تجود به يدك مثل لحم الحاشي الصافي ولا قوانص دجاج وعلى فكره يمدحون قوانص الدجاج وأنا بصراحه ماجربتها...

أما بسعر الشيهانه الجبلي بمقاساته اللي انت ذكرة تتراوح من 1000 إلى 1500 ريال
وأتمنى لك التوفيق أخوي ولد الدوادمي
ولـد الدوادمي
29/09/2006, 02:15 PM
جعل ربي يسلمك اخي صفوق لاكن انا محصل شيهمه قبل فتره 12 ونص*12ونص بــ500 ريال

وناضروها وفحصوها صقارين ومدحوه والله وهي سليمه 100%

اما من ناحيه احوم الحمام الامراض الي ينخاف منها مثل ايش وهل انت تعلف الطير من لحم الحاشي وغير كذا لازم يكون طازج

وفيه سوال ؟ يصلح اعلف الطير لحم الجربوع ؟

وارسلي ايملك على الخاص لاهنت
جيتك يابعد حيي
29/09/2006, 02:27 PM
سعر الشيهانه يتفاوت حسب السوق وحسب الطلب على الشيهانه ، وبعدين سعر الشيهانه ماشاء زين
وبالنسبه لأمراض الطيور أغلبيتها تكون ظاهره بالحمام ماني عارفها حتى أعددها لك بس تشوفها من تمسك الحمامه.
ولحم الجربوع مفيد للطير جدآ
وأما عن سؤلك عن لحم الحاشي نعطي الطير من لحم الحاشي بس مانعطيه ألا بالربطه بس نعطيه على فتراة متفاوته ، ومهو لازم يكون اللحم طازج يعني تقدر تعطيه لحم مجمد بس أهم شي أنه يذوب الثلج ويدفى العلف وبعدين تقدمه للطير ( أحذر من العلف البارد للطير ) تراه يذبحه أعيد واقول لازم يدفى اللحم بعد التثليج.
م-ت-ن-ا-ث-ر
29/09/2006, 09:08 PM
نوع علف الطير من كل اللحوم بعيد عن المثلج وزى ما قال الربع خليه يذوب الثلج وتدفا العلفه ولا تخيس وقيمة الجبليه من12.50الى13من1000الى 1500والجبلى الكبير 13.50من2000الى3000الف وتفقد الطير قبل ماتاخذه والله يوفق الجميع
ولـد الدوادمي
29/09/2006, 11:19 PM
ياجعلكم بالجنه والحمدلله ماخاب الضن
عــــجــــاج
30/09/2006, 06:09 AM
بسم الله الرحمن الرحيم

الشيهانه المثلوثه الفرخ تشبك في ينبع واجد منها و إلى امس انباعت وحده من المثاليث ب1800 ريال وياصل سعرها إلي مافيها كسور ريش
ب2000ريال .
القناص الغبر
30/09/2006, 08:08 AM
السلام عليك ياخوي
اول شي معاك اخوك القناص الغبر من قطر
حمام البلد يصلح انك تعشيه الطير بس اكون خالى من الامراض يعني مهب محكور في
شبك واذا بتصيد مايصلح انك تعشي الطير من صيد مرمي بشوزن لانه في صتم وصيب الطير
ارداد في الرئه اما على الحمامه اذا بتعشيه الطير لازم اذا كانت حمامه كبيره يعني مهب فرخ اتشل العظم
عشان مايصيب الطير جرح او اللتهاب في الفرسه
اما على لحم الحاشي اذا بتعشيه الطير لاتكثر تراه اغث الطير ومرات يقذفه الطير وخاصه الشاهين
اما على الجربوع تراه علاج لفرسة الطير وانا انصحك فيه بصراحه خاصه طيور المقيض
واذا بتعشي طيورك جرابيع عطه الجربوع كامل تراه انظف الفرسه وبتشوف روباجته بعدها
ويعطيك العافيه
ولـد الدوادمي
30/09/2006, 06:03 PM
جزاكم الله خير بس هل يصلح اداوم على علف الطير من الجربوع ولازم اشيل عضم الجربوع

واذا علفت الطيرمن الحمام لازم اشيل العضم