سالفة: ختم التوت..قوافي

[قوافي ( أم نهار )]

http://www.al-7up.com/vb/imgcache/2/20562love.gif


مشرفينا ، أخواني ، أخواتي ، زوارنا
حياكم الله جميعاً
ونحن على أعتاب الشهر الفضيل والأستعداد كعادة كل عام تحضر ذكريات وتذهب ذكريات ..
من الذكريات الجميله،، كنت بعمر 7 سنوات وأصوم ماقدر الله لي من أستطاعه،، يوم كامل وأحيانن للعصر ،،
بنص رمضان زارنا أقارب لنا وقعدو ألين انتهى شهر رمضان لكن ولكن ولكن !!!!!
كانت كأنهم قاعدين على قلبي للأسف :eek:
عندهم بنت وولد توئم وهم كبري بالعمر لكن لأول مره بحياتي أعرف ان الكيد لا يحدد بعمر او فكر معين او نوعيه معينه من البشر ..
سألت أمهم أمي:
قوافي تصوم:mad:؟؟؟؟؟
صراحه انا أذكر ان وجهي أنصفق وش دخلها الملقوفه وكان مثل ما كنت اتوقع ..
ردت امي ايه تصوم احيانن يوم كامل واحيانن للعصر ويمش الحال باتسر تصير احسن وان شاء الله يجيه يوم تصومه كله..
ردت الحرمه لااااااااا ،، أنا فلان وفلانه الله يحفظهم ويخليهم لعينن ترجيهم يصومون لهم سنه وذي الثانيه وراه ماتصومه تسبيره:eek: والتفتت علي وعطتن كم كلمه مفاده اني احب آكل وعيب لازم اصوم؟؟؟؟؟ ياوالله القراده وش تبي ذي وخرّبةْ علي وسلطت امي لا تعطينه توت لأفطرت ولا شي ..
وانا عاد مع أذان العصر تحوم عصافير بطني ابي آكل ومتعوده تعطين الغاليه توت وكنافه واللي موجود هاك الساعه..
انغبنت وتمنيت يروحون ولكن ماباليد حيله واللي زوده زود
بنتهم مغروره ولا تلعب معي وتناظرن بطرف خشمه وتقول لي انا احلى منتس وعساه تشوفن بطرف عينه..
بيوم دخلت المقلط اللي ينامون فيه واشوف أمهم تشرب عياله توت بعود شفاط يجي مع العصير اللي من مطعم الشورمه ،، ويوم قضو وطلعو وانا اللي اروح لأمي وأقوله شفت فلانه وهي تشرب عياله توت :eek: يعني مثلي ما يصومون واثر الام وراي واسحبي أذني:
يالتسذووب عيب عيب انتي المفطره موب هم ياعيباه بس..
انقهرت وقلت الحين يمدحونهم ولا احد مصدق انهم مفطرين ،، وامهم تدافع،، بشرب مثلهم ولا هب داريين ..
عندنا كاس من كبره تقل مزهريه وانا اللي اصب توت واشرب الين صار البطن تقل تانكي وايت ورحت للمكان اللي قاعدين فيه مادريت إلا وأبوهم هه ياقوافي !!!!
ياعيباااااااااه فاااااااطره
:confused::confused::confused::confused::confused: :confused::confused:
واثر الحرمه تشرب عياله بشفاط العصير ومايطبع على براطمهم و هذا هو السر عشان مايدري أحد:good2: وانا ختم على الخشه:good: :
توووووووت
وكمل ابوهم مدح بعياله( من الطيبين) ..
مع تحيات اختكم
..قوافي..

[النبهاني]

وعليكم السلام ورحمة الله وبركاته
حيا الله قوافي
شكل هالمره سقيمه والا صايمه وتكذب وتظلم على شان تمدّح عياله
وانتي حطيتي بعض حرتك بالتوت
لأني اتوقع بعض الحره حطيته به بعدين بس ماعلمتيني
مشكوره يا أخيه

[حمد69]

وعليكم السلام ورحمة الله وبركاته
بالمهلي ياخيتي
انتي ما عليك لوم ولا لزوم لأنك صغيرة، سبع سنين ساقط عنك التكليف..
لكن اسغرب من هذه الولية ليش تسذب وشو له
وهي صايمة والكذب يفطر الصائم، وتخلي دوبها بدوب طفلة..لا وبعد فبيتهم
يا غريب كون اديب..
شوف كيف المكر تشرب عيالها بقشة حتى ما يبان التوت على فمهم .. لكن زين سويتي يوم انك شربتي توت وخليتي علامة الجودة على فمك..ههههه
قبل فترة ذكرت لك كتاب اسمه مذكرات اميرة عربية
للأميرة سالمة بنت سعيد بن سلطان او إميلي روث أو إميلي تويتي كل هذه الأسماء لنفس الشخصية كتاب جميل جدا ...يعني لما تفك مش حتى تصك برنجرز.. ههههه
يعني لما تفتح الكتاب ما راح تخليه لحد ما تكمله لانه به مواضيع شيقة ..
الكتاب يحكي كل شيء عن الحياة في تلك الفترة أي في القرن الثامن عشر.. وبسرد قصصي رائع وسلس..
سألي العم قوقل عن مذكرات اميرة عربية ربما تجدي نسخة الكترونية
بس لو تحصلي الكتاب افضل..
عذرا على الإطالة
لك كل التقدير والأحترام
أخوك حمـــــد

[وحيد قلاسكو]

هههههههههههههههههه زواركم مهم صافين اللي تفكيرهم وصل الى مستوى الكذب ...لالالالالالالا وعلى الاطفال .....غفر الله لهم مالقو التفاضل الا بالاطفال وبالكذب.........هالنوعيات تغبني

[(هزاع)]

ياااااحلوها من ذكريااااات
كانو الاااااهل يقولون لنا وحنا صغار
صومو للضهر وفطرو وااااابتسر مثله يسير يوم ههههههههههه
كاااااانو يدربونااااااااا على الصيااااااااااام
الييييين دخلنا ااااااااالمدرسه ثم صاااااااااااااار علم ثاني
به مطرق للمفطر وحرمااااااااااااااااان من لذااااااااايذ الطعاااااااااااااااام
......................
مشكوره ياقوافي
الله يطول بعمرك ويعطيك بالصحه والعافيه

[راعي العجراء]

انتي متاكده ياقوافي ان الام تسقيهم توت مع افاميهم
يمكن تصل جيك التوت مع اذانيهم حتى مايبين عليهم اثر
انتي مابرقتي باذانيهم زين
يمكن تشوفينهن حمر من الداخل تقل رميه خرازه بثنادي طير
وانت يالغافله تشربين التوت بكاس مزهريه والخشه صايره تقل قوس الرحمه بالمقلوب
واصل الرقبه والجبهه
دمتي مبدعه ياقوافي سوالفك لها طابع خاص مبدعه بالقديم والجديد
مع السلامه

[أبوسليمان السهر]

وعليكم االسلام ورحمة الله وبركاته
حيا الله الفاضلة
قوااافي
هههههههه
راحوا الطيبين
من برا هالله هالله ومن جوا يعلم الله
أجل صاروا عليك نشبة بالحلق ،الله يعوضك خير ،
مواقف رائعة لاتنس أبداً
جزاك الله خير وحفظك من كل سوء.

[قوافي ( أم نهار )]

وعليكم السلام ورحمة الله وبركاته







حيا الله قوافي
شكل هالمره سقيمه والا صايمه وتكذب وتظلم على شان تمدّح عياله
وانتي حطيتي بعض حرتك بالتوت
لأني اتوقع بعض الحره حطيته به بعدين بس ماعلمتيني
مشكوره يا أخيه


الله يحييك ويبقيك ابو سالم
الاقرب سقيمه علمت عياله الكذب بالشهر الفضيل
ونست اهم شي رب العالمين ..
اهم شي عنده المظهر ولين الحين التعامل مع احفاده بنفس الطريقه ودايم هم غير البزارين..
:D:p:) صح حطيت بعض الحره مب كله بالتوت..
الله يهديك يابو سالم احرجتن ،،الواحد ما يصلح يسوي طيب ومغلوب على أمره ،،خلاص بعلمك بس لا تعلم احد اسمع وانا أختك:
شبيت شرخ من اللي شارينهم استعداد للعيد وجدعته على بنته وهي قاعده تلعب بعروستي :f وبغت تشب جديلته وقعدت تنافظ له اكثر من ساعه ،،أمانه ما سويت أكثر من ذا شي http://www.coolq8y.com/style/smiles/images/Messenger/coolq8y-com%20(25).gif (http://www.k44l.com/vb/t12791.html) ..
العفو وانا من يشكرك ويشكر حضورك الجميل بارك الله بك واسعدك بالدارين..
تحياتي وتقديري واحترامي
..قوافي..

[خوي مخباته]

عميدة خيمة السوالف الشعبيه " الاخت : قوافي "


مشكووووووره
ذكريات حلوه , والذكريات الواحد ماينساها وخـآصة اذا كانت لطفل وانظلم فيهـــآ !
................................... تحيـآتي وتقديري واحتراماتي ...................................

[قوافي ( أم نهار )]

وعليكم السلام ورحمة الله وبركاته

بالمهلي ياخيتي
انتي ما عليك لوم ولا لزوم لأنك صغيرة، سبع سنين ساقط عنك التكليف..
لكن اسغرب من هذه الولية ليش تسذب وشو له
وهي صايمة والكذب يفطر الصائم، وتخلي دوبها بدوب طفلة..لا وبعد فبيتهم
يا غريب كون اديب..
شوف كيف المكر تشرب عيالها بقشة حتى ما يبان التوت على فمهم .. لكن زين سويتي يوم انك شربتي توت وخليتي علامة الجودة على فمك..ههههه
قبل فترة ذكرت لك كتاب اسمه مذكرات اميرة عربية
للأميرة سالمة بنت سعيد بن سلطان او إميلي روث أو إميلي تويتي كل هذه الأسماء لنفس الشخصية كتاب جميل جدا ...يعني لما تفك مش حتى تصك برنجرز.. ههههه
يعني لما تفتح الكتاب ما راح تخليه لحد ما تكمله لانه به مواضيع شيقة ..
الكتاب يحكي كل شيء عن الحياة في تلك الفترة أي في القرن الثامن عشر.. وبسرد قصصي رائع وسلس..
سألي العم قوقل عن مذكرات اميرة عربية ربما تجدي نسخة الكترونية
بس لو تحصلي الكتاب افضل..
عذرا على الإطالة
لك كل التقدير والأحترام

أخوك حمـــــد


حياك ربي اخوي حمد وياهلا ومرحبا
ساقط التكليف واهلي ما ألزموني بشي لكن ذالسلطه سامحها الله..
تسذب عشان عيالي غير!! وبصراحه انا اعتبره تخلف عيالها مثل عيال غيرها وبطريقتها هذي ما احسنت بشي وألومها على تصرفها..
شفت في بيتنا ورمضان وتسذب !!؟؟ وبصراحه لين الحين مافهمت ليه..
:D:D:D شربت ابي انتقم لنفسي لكن برضو فشلت والختم كان شاهد على الافطار:) وهي حرمه كبيره وتعرف تتصرف لكن تصرفها غير صحيح ومازالت مع أحفادها على نفس الحال ..
اشكرك أشكرك على تعريفي على كتاب
(مذكرات اميره عربيه)
كتاب شيق وجميل وقرئت منه الكثير من العم قوقل
وفعلاً يستحق ان يقرأعدة مرات لا مره واحده واعجبني كثيراً..
الكتاب ماحصلته دورت بمكتبات عندنا بالرياض لكن لم اجده وللأسف ليس الكتاب الوحيد اللذي اتمنى قرائته ولم اجده وقرئته من قوقل وحملت الكتاب وطبعته عندي منه نسخه الان ..
متصفحي ملك لكل من يحضر ويقف به ولم تطل بل أسعدتني بردك الكريم حفظك الله..
تحياتي وتقديري واحترامي
..قوافي..

[مريقب العيفار]

شكرا قوافي على هالسولافه

لفت انتباهي ان الام تفسد اخلاق اولادها

[قوافي ( أم نهار )]

................

[ابو صفوق]

حيا الله قوافي العطاء المميز
هالحرمه مسكينه تصلح أكثر من ماتخرب
بعض الامهات قلوبهم مرهفات تخاف يهب الهوى بزره والنتيجه غلط ما تخدمهم
اشكرك يالغاليه على السالفه وجميله ابداعاتك وحروفك كالعاده
تحياتي
والدك

[ناصر العلي]

وعليكم السلام ورحمة الله وبركاته
سلمت أُخيه على هالسالفة
ياستار أستر
هذي الغيره وماتسوي
أجل عياله من العام يصومون
الله لايضرهم
ومن نص رمضان وهي عندكم
ياطولك يارمضان
والله لو أنا منك ياقوافي لاأغافلهم وأحط مع شراب التوت
:f:fشطيطة:f:f
http://kashefcom.com/images/dynamic_images/img_products_68.png
:D:good2::D:good2::D
بعدين عقب مايشربون بالسر تبين الفضايح
تحياتي

[قوافي ( أم نهار )]

هههههههههههههههههه زواركم مهم صافين اللي تفكيرهم وصل الى مستوى الكذب ...لالالالالالالا وعلى الاطفال .....غفر الله لهم مالقو التفاضل الا بالاطفال وبالكذب.........هالنوعيات تغبني

حياك ربي اخوي وحيد قلاسكو
ان شاء الله سعاده دائمه
زوارنا العاطفه غلبتهم زياده عن اللزوم
الشكوى لله هذي محبه بها لفه،، مثل الدب اللي صمخ وجه راعيه بحصاة عشان يهف الذباب كانت قصه بكتاب المطالعه زمان..
امين والله يسامحها ويحللها ..
اكيد تغبن لان الطريقه ذي ماتعلم إلا الكذب والتغافل،، والمحبه لها اسلوبها الصحيح لكن !!! هداها الله..
اسعدني حضورك ومرورك الكريم وردك المميز
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

ياااااحلوها من ذكريااااات



كانو الاااااهل يقولون لنا وحنا صغار
صومو للضهر وفطرو وااااابتسر مثله يسير يوم ههههههههههه
كاااااانو يدربونااااااااا على الصيااااااااااام
الييييين دخلنا ااااااااالمدرسه ثم صاااااااااااااار علم ثاني
به مطرق للمفطر وحرمااااااااااااااااان من لذااااااااايذ الطعاااااااااااااااام
......................
مشكوره ياقوافي


الله يطول بعمرك ويعطيك بالصحه والعافيه



حياك الله وياهلابك مشرفنا الفاضل
اكيد ياحلوها وحلو زمانها ومكانها..
احلى ما بطريقة الاهل تعويدنا على الصيام وتقسيم اليوم وشبكه مع باتسر يصير يوم ،،أذكر صمت يوم من الفجر للظهر ،،ويوم من الظهر للعصر،،ويوم من العصر للمغرب،، خلاص صار يوم كامل وكنت سعيده وفرحانه كثير اني صمت وهي نصها أكل وشرب ،،الله يحفظ لنا والدينا ويرحم الحي والميت منهم ..
مع دخلت المدرسه ماعاد فيه تساهيل يعتبروننا كبرنا وهي نظره لا تفهم إلا فيما بعد (النضج العقلي المبكر) ،، الحين يوصل سادس بتفكير اول ابتدائي ولو قلت شي قالو هذاك اول وهذا زمانهم اعانهم الله عليه وعلى انفسهم ..
العفو اخي الفاضل ويطول ربي عمرك برضاه وعلى طاعته ،،حفظك الله ..
اشكرك لردك الجميل وحضورك المميز..
تحياتي وتقديري واحترامي لشخصك الكريم
..قوافي..

[قوافي ( أم نهار )]

انتي متاكده ياقوافي ان الام تسقيهم توت مع افاميهم

يمكن تصل جيك التوت مع اذانيهم حتى مايبين عليهم اثر
انتي مابرقتي باذانيهم زين
يمكن تشوفينهن حمر من الداخل تقل رميه خرازه بثنادي طير
وانت يالغافله تشربين التوت بكاس مزهريه والخشه صايره تقل قوس الرحمه بالمقلوب
واصل الرقبه والجبهه
دمتي مبدعه ياقوافي سوالفك لها طابع خاص مبدعه بالقديم والجديد

مع السلامه


هلابك وحياك ربي
:) من جهة متأكده متأكده !! ليه؟؟
مدري يمكن شابكين توصيله ..
لأ أذانيهم صراحه ما برقت ،،ما دريت ان اللي يفطر برمضان يشرب مع اذانه عشان ماحد يعرف ولا كان شفت واثبت بعد:D ..
فاتني اشوف ليتني كاتبه السالفه من اول عشان اقرأ ردك و امسكهم بالجرم المشهود ،،حتى لا تسول لأحد نفسه ويشرب من أذانه ثاني والدليل :تقل رمية خرازه بثنايا طير ..
قوس الرحمه هاك اليوم مدري وش اثبت غير ؟؟؟؟
من هاك اليوم وانا كرهت كاس المزهريه ..
رقبه وجبهه:eek: انا طلع لي لحيه توتيه زائد قوس الرحمه:p
الابداع بحضورك الكريم وردك الجميل بارك الله بك وحفظك..
اسعدك ربي ورفع قدرك بالدارين ونحن نسير على خطاكم الكريمه ولن نصل ماشاء الله لاقوة إلا بالله..
تحياتي وتقديري واحترامي
..قوافي..

[قوافي ( أم نهار )]

وعليكم االسلام ورحمة الله وبركاته



حيا الله الفاضلة
قوااافي
هههههههه
راحوا الطيبين
من برا هالله هالله ومن جوا يعلم الله
أجل صاروا عليك نشبة بالحلق ،الله يعوضك خير ،
مواقف رائعة لاتنس أبداً


جزاك الله خير وحفظك من كل سوء.



هلابك والله يحييك ويبقيك
ان شاء الله سعاده دائمه برضى رب العالمين
هذي هي بس الام شكله العاطفه لاعبتن به ..
آمين الله يعوضني والمسلمين خير ،،الله يهديها كرهتني بجيتهم وتفضيل عيالها بالمدح ،،تحبهم مايخالف ومعروف أم ،،لكن تطلعهم صوام ودنيا وحركات وانا أصغر قدامهم وانا اللي اصوم نص يوم من غير غش غير مقبول ابداً ابداً..
فعلاً رائعه وكل ما تذكرتها أضحك على حمقتي وعلى نفسي وصغر السن كان هو الحكم ..
ويجزاك ربي خير على حضورك الكريم وردك الجميل بارك الله بك وحفظك..
تحياتي وتقديري واحترامي
..قوافي..

[قوافي ( أم نهار )]

عميدة خيمة السوالف الشعبيه " الاخت : قوافي "




مشكووووووره
ذكريات حلوه , والذكريات الواحد ماينساها وخـآصة اذا كانت لطفل وانظلم فيهـــآ !


................................... تحيـآتي وتقديري واحتراماتي ...................................


حياك ربي ابو حمد
اشكرك كثيراً،، وانت اعطيتني لقب يستحقه جميع من بهذه الخيمه،، ويوجد من يستحقه اكثرمني،، بارك الله بك وحفظك..
العفو والشكر لك لحضورك الكريم والجميل
الذكريات القديمه جميله بما فيها وبكل صفاتها ومعانيها والحمد لله انها مازالت معنا نتذكرها ونحكيها..
اسعدني ردك المميز
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

شكرا قوافي على هالسولافه

لفت انتباهي ان الام تفسد اخلاق اولادها


حياك ربي مريقب العيفار
العفو وانا من يشكرك لحضورك الكريم
لا يا أخي الفاضل الأم لا يمكن ان تفسد أبنائها ولكن هناك من عاطفتها تزيد عن الحد وهو ما حصل مع زائرتنا عفا الله عنها ،، الأفساد كلمه كبيره أخي الفاضل ،، لكن هو مجرد دلع زاد عن الحد و بكل تأكيد العاطفه غلبتها كثيراً ومازلت أعرف هذه السيده وهي تمارس نفس الاتجاه مع الاحفاد ..
اشكرك اخي الكريم واسعدني وقوفك بمتصفحي المتواضع..
تحياتي وتقديري واحترامي
..قوافي..

[قوافي ( أم نهار )]

................







حياني الله ترياليون الملايين ولا يسد
ارحب بي بسالفتي بارك الله بي وحفظني
اشكرني كثيراً على حضوري الكريم وردي المنقط
تحياتي وتقديري واحترامي لي
انا

[قوافي ( أم نهار )]

حيا الله قوافي العطاء المميز
هالحرمه مسكينه تصلح أكثر من ماتخرب
بعض الامهات قلوبهم مرهفات تخاف يهب الهوى بزره والنتيجه غلط ما تخدمهم
اشكرك يالغاليه على السالفه وجميله ابداعاتك وحروفك كالعاده
تحياتي
والدك

حياك الله عم ابو صفوق
هي تصلح من وجهة نظرها والتخريب كان عباره عن جرعة حنان زايده واكيد خارج عن نطاق السيطره بالنسبه لها كأم
مازالت تستخدم نفس الطريقه مع الاحفاد..
اكيد ماتخدمهم بس ماتقدر تقول ليه صار بكل بساطه الاجابه أم ..
العفو رفع الله قدرك وحفظك الباري
اسعدني وجودك بمتصفحي وردك الكريم
دمت بحفظ الله
..قوافي..

[قوافي ( أم نهار )]

وعليكم السلام ورحمة الله وبركاته

سلمت أُخيه على هالسالفة
ياستار أستر
هذي الغيره وماتسوي
أجل عياله من العام يصومون
الله لايضرهم
ومن نص رمضان وهي عندكم
ياطولك يارمضان
والله لو أنا منك ياقوافي لاأغافلهم وأحط مع شراب التوت
:f:fشطيطة:f:f
http://kashefcom.com/images/dynamic_images/img_products_68.png
:D:good2::D:good2::D
بعدين عقب مايشربون بالسر تبين الفضايح

تحياتي



حياك الله عميد الالغاز ويامرحبا أخوي ابو علي
تسلم من كل شر
غيره عمياء وصيام ترللي بمباركة عاطفه جياشه انحرفت قليلاً باسم الحنان والليونه عن الطريق الصيح للمحبه وغلا الابناء..
يصومون كذا يقولون ،، وصومون عن الراحه من نص رمضان ( وياليل ما طولك× يارمضان ماطولك )..

والله لو أنا منك ياقوافي لاأغافلهم وأحط مع شراب التوت
:f:fشطيطة:f:f
شفت او تعرف لزقة جونسن ابد هم مثل ،، ولو احط تباسكو ماراحو..
المشكله قضى الشهر وهم اللي يصومون وانا اللي فاطره وتصدق لين الحين بخاطري ليه ما كتشفوهم وخذ يامدح باذان المغرب ولا ااااا اللي صايمين دهر وهو توت بتوت وشفاط الشورما شاهد عليهم ..
الله يسامحهم
اشكرك لوقوفك الكريم بمتصفحي واسعدني ردك الجميل بارك الله بك..
تحياتي وتقديري واحترامي لشخصك الكريم
..قوافي..

[قوافي ( أم نهار )]

.......................

[Al3rands]

عجبتيني اكثر يوم رميتي الشرخ على بنتهم

[قوافي ( أم نهار )]

عجبتيني اكثر يوم رميتي الشرخ على بنتهم


حياك الله ويامرحبا
بنتهم ماخذه عروستي تلعب به وماتبين طيب ليه صار الانتقام مضاعف،،اعوذ بالله:)..
اشكرك لحضورك وردك الكريم
دمت بحفظ الله
تحياتي وتقديري واحترامي
..قوافي..

[برق العطاء]

ههههههههههههههههههههههه الله يسعدك

والان كيف الوضع؟

[قوافي ( أم نهار )]

ههههههههههههههههههههههه الله يسعدك

والان كيف الوضع؟


حياك الله اخي الفاضل
ان شاء الله سعاده دائمه برضى رب العالمين..
ويسعدك ربي بالدارين
الوضع الان مستقر والامن مستتب ..
اشكرك لحضورك الكريم وردك الجميل ،بارك الله بك وحفظك..
تحياتي وتقديري واحترامي
..قوافي..