امطار وخيال وصياح الكروان من فرخ الشيهان

[C_J_O_JI]

بسم الله الرحمن الرحيم
السلام عليكم ورحمة الله وبركاته
قال تعالى (وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ) (الأعراف:31)
(لا للصيد الجائر)
.......................
قبل البدء بالتقرير اود ان اشكر جميع من قام على هذه المسابقه
سواء منضم وداعم ولجنه حكم
وهذا ليس بمستغرب عليهم
ولا اقول الا كم قال ابن فطيس
بيض الله وجهه راعي الفكره = عزالله انها تنحسب لحسابه

التقرير مختصر في الصور والتعليق ولعلي استعجلت في ذلك من باب رد جزء من جميل اصحاب المسابقه ليكون محفزآ لباقي اخواني المتسابقين للمشاركه
واعتذر ان كان حصل قصور

في البدايه تعلمون مدى ولع الصقار بمقناص الطير وماله من نكهه خاص لديه
لذلك تكرر الاتصال بأخويانا وتحفيزهم على مقناص الكراوين خصوصآ بعد انتهاء مقناص الوحوش
وتم الاتفاق على المقناص في يوم من الايام وكانت مده المقناص اربعه ايام
صباح يوم الانطلاق والطيور المشاركه

http://im42.gulfup.com/XvRey.jpg (http://www.gulfup.com/?YE2y5O)


انطلقنا وكان الموعد في اول محطه
وهنا اتذكر بيت شعر لمحمد بن فطيس

على الوعد فأول محطة طوابير =وفي كل موتر عزبة فوق قسام



كملنا نواقصنا وشيكنا المواتر وعلى بركه الله انطلقنا

اثناء الطريق جاتنا هاك المزنه المبروكه

http://im37.gulfup.com/HVuk2.jpg (http://www.gulfup.com/?8xfXhU)

كملنا طريقنا بعد ما توقفنا بعض الوقت من شده المطر

والحمد لله الفال طيب مطر وغيم وجو عليل
هزعنا عن الخط وتوجهنا شرق على حروه المطر
اجتمعنا وتشاورنا وامرنا علينا
وكانت هذي اخر نقطه تجمع

http://im39.gulfup.com/LSCjc.jpg (http://www.gulfup.com/?bXaxYR)


انطلقت القافله

http://im41.gulfup.com/Iv3zS.jpg (http://www.gulfup.com/?Njpl9y)


وصلنا ارض المقناص وكانت مربعه يالله لك الحمد

http://im32.gulfup.com/HGIhe.jpg (http://www.gulfup.com/?Vt7fab)


وهذه بعض من صور القاع


http://im38.gulfup.com/m2NdA.jpg (http://www.gulfup.com/?3rj2ys)




http://im32.gulfup.com/Lw3Cm.jpg (http://www.gulfup.com/?uiUKMF)


اخترنا هالطعس للممسى

http://im39.gulfup.com/7q8mm.jpg (http://www.gulfup.com/?TIR476)


اصبحنا واصبح الملك لله وتوجهنا للجهاز
وفي الطريق مرينا بالبل وكانت سارحه

http://im32.gulfup.com/ulJBi.jpg (http://www.gulfup.com/?Xo8VEu)


وفجأه الا اللي يأشر بنور السياره
ويراسل اميرنا واحد من العيال رح يمه شف لا يكون متعطل
راح خوينا يم الرجال وسلم عليه
رحب راعي البل بخوينا وقال تعال عاوني بالخلفه احلبها لكم
وما قصر حلب لنا الخلفات الطيبه والحليب السكر ما شاء الله الله يبارك له في حلاله

http://im39.gulfup.com/Ebkw5.jpg (http://www.gulfup.com/?u2Awjj)

كثرنا بخيره وتوجهنا يم الجهاز
والا عنده جره واحد

http://im37.gulfup.com/RnEck.jpg (http://www.gulfup.com/?fWzQ9k)

وابشر العيال بالجره والا واحد من العيال يصيح يقول
طارت ..طارت
والا هي ثلاث كراوين
وقعت ..وقعت
ويقدموني العيال بالهدد بيض الله وجيههم
وافرد واحد منها واهد القرناسه
وماشاء الله عوايدها ما تخيب ظني فيها

http://im34.gulfup.com/Y8N3e.jpg (http://www.gulfup.com/?GTAEGz)

يالله يالي عليه الدور جهز طيرك
ويهد خوينا فرخ جير
وبسم الله عليه سم الكروان

http://im39.gulfup.com/nTXyM.jpg (http://www.gulfup.com/?R9xHCg)

الثالث منهو عنده
ويتقدم خوينا معه قرناس صاطي
مبروك يابو عبدالله

http://im31.gulfup.com/p82Gn.jpg (http://www.gulfup.com/?YAjc5l)


استانسنا وكان الفال طيب
ويش الرأي يالربع
شار اميرنا بديره قريبه وبها حروه مقناص
توجهنا ويوم وصلنا جانا ايعاز انتشروا

واخذنا شوي الا الامير يبشرنا بواحد
ويجهز طيره فرخ شاهين ويهد
سبوق ما شاء الله


http://im42.gulfup.com/DYqKp.jpg (http://www.gulfup.com/?ljIbrc)

دونا غيره ولا عينا شئ وشويات الا وهاك المزنه الطيبه جايه من غرب وصلتنا وامطرت والحمد لله
خوينا راعي القرناس يقول طيري تعب اليوم في الطرد ولا زم يتسبح

http://im33.gulfup.com/QlOKm.jpg (http://www.gulfup.com/?j5iTPm)

اميرنا: يالربع المطر شكله جنوب امس وقبله نبي نتوجه
قلنا :سم
توجهنا وجينا هالك الوادي سايل قبل يومين

وشوفت الماء شئ ثاني

http://im36.gulfup.com/Xderg.jpg (http://www.gulfup.com/?RJJTE9)

كملنا طريقنا ولاوصلنا الديره الا بالليل
امسينى وشبينى النار علينا برد ولزوم الدله والبراد وابريق الحليب بالزنجبيل يدفي البردان

http://im39.gulfup.com/p4PpF.jpg (http://www.gulfup.com/?67HxlK)


اصبحنى الصباح وكان غير

توجهنا يم الجهاز وقبل ناصله الا واحد من العيال يصيح يالربع عندي جره ارنب مصبحه وكان فيه حره ماهي بعيده منى ولا هي قريبه وحروه الارنب ممكنه لكن اقرب مالها تكون معشيه بعد المطر وعودت الحره
قال : الارنب اصبح عليها الصبح ولا يمديها تاصل الحره
وعنده طير ما شاء الله طلع وسبوق والارض بصراحه ما تساعد للمطراد
قال خوينا اببلج عن الطير وباقص وانت استقطعوا
عزالله اخذنا حول الساعه وهو يقص وحنا نستقطع وماعينا الا هو يصيح الطير طلع واثاري الارنب كل ما قربناها اجفلت وراها ويحطها الله في عين الطير
وتعال شوف الطرد
وهذي من نتائجه


http://im38.gulfup.com/6jgea.jpg (http://www.gulfup.com/?l7zZAp)


وماشاء الله على الطير ردد الارنب لين الله عانه وطرحها بعد

http://im37.gulfup.com/hyPgI.jpg (http://www.gulfup.com/?BaFf3m)



الرجاء عدم الرد
للتقرير بقيه

[C_J_O_JI]

يتبع

عودنا يم الجهاز ولا عينا عنده كراوين
وحنا ندور الا واح من العيال يصيح يالربع عندي اجوال دخل


راسلناه وقلنا يجيك من يعاونك
دورنا كراوين ولا عينى شئ


ضحينا وتقهوينا وجونا اخويانا بالغداء بيض الله وجيههم


http://im31.gulfup.com/GqAnR.jpg (http://www.gulfup.com/?cKCcMq)


الشحم لابأس


http://im36.gulfup.com/U02n9.jpg (http://www.gulfup.com/?UgDp6M)


زيناها مرقه


http://im35.gulfup.com/lsIFH.jpg (http://www.gulfup.com/?MqkHQB)


قيلنا واللي علينا بالخير
قلنا دام ماهدينا اليوم نبي نطلق الطيور
عاد اللي يهد لطيره حمام


http://im34.gulfup.com/a1duQ.jpg (http://www.gulfup.com/?rh7YO3)


واللي يدعي يطيره على الملواح


http://im42.gulfup.com/s0L1M.jpg (http://www.gulfup.com/?4ZuMwr)



http://im42.gulfup.com/rYNvO.jpg (http://www.gulfup.com/?SxVr0T)



واللي يعشي طيره


http://im42.gulfup.com/RS2qP.jpg (http://www.gulfup.com/?RT0Pno)


بعده غيرنا الديره واخترنا مكان الممسى
وشبينا النار ودله وبراد


http://im40.gulfup.com/nfNeC.jpg (http://www.gulfup.com/?bayE7a)


اصبحنى الصباح وجينا عند الجهاز الا عندها كراونين


تقدم خوينا راعي الفرخ الجبلي وهد
وكان افضل هدد ماشاء الله
وصادت



http://im40.gulfup.com/UEIrP.png (http://www.gulfup.com/?obEIa9)



الثاني تقدم له الامير وهد عليه الفرخ
وكالعاده ماشاء الله ما تعطيه مجال


http://im41.gulfup.com/26But.png (http://www.gulfup.com/?WcBPcL)


غيرنا الديره بعد التأكد من خلوها من الكراوين
وجينا بحروه ماهي بعيده
ماشاء الله المطره عامه
http://im38.gulfup.com/w7W8S.jpg (http://www.gulfup.com/?HdBb5P)


اخذنا بها قليل واطيح بثلاثه كرواين في مكان ما كنت اتوقع احصل الكروان فيه
مع الرغم ان الارض من حواليها وعره وممكن انها تربض بها لكن الرزق مكتوب
وابشر العيال ويجوني


ويتقدم راعي الدور معه فرخ جير اسود
مبروك صاد
لكن اذا صاد يهاوش ما تقدر تعزل منه


http://im35.gulfup.com/zR2KA.png (http://www.gulfup.com/?zXxBNW)



هذا بعد المطالب يالله طلعنا بالكروان


http://im40.gulfup.com/P8UBT.jpg (http://www.gulfup.com/?aNcLHP)



يالله يالامير جهز الفرخ الدور عندك
هد وماشاء الله طرحته


http://im41.gulfup.com/CiVCq.jpg (http://www.gulfup.com/?fHfJBk)



اللي بيهد يجهز طيره
جهز راعي الفرخ الجير وهد
الثالث بعد ما شاف الوقع في اخوانه قال ابسوي خطه
قام ينازل الطير في الارض يبي يفحمه


http://im31.gulfup.com/GDwxN.png (http://www.gulfup.com/?cBh3qc)



ونجحت خطته ونفذ بجلده


عسينا ممسانا وريحنا وتقهوينا


http://im36.gulfup.com/QDXbN.jpg (http://www.gulfup.com/?WnnogQ)


اصبحنا واصبح الملك لله
وحصلنا عند الجهاز اربعه كراوين


فردت الاول للفرخ
وهديت وكنت خايف لجل الارض ماتسمح بالمطرد والطير ما تكبس بالارض
لكن الحمد لله انفكت العقده ونزلته من السماء وصادته بالارض


http://im34.gulfup.com/eXD2O.jpg (http://www.gulfup.com/?zsyU1j)


جهز خوينا واميرنا طيرته وهدها
ولا تعليق
ماشاء الله صايده


http://im37.gulfup.com/yo9uO.jpg (http://www.gulfup.com/?8vMR2w)


الثالث وانتبه يارعي الطير لا تخلي الكروان ينازل الطير في الارض
قال توكلنا على الله وهد


مبروك صايد



http://im36.gulfup.com/KGER8.jpg (http://www.gulfup.com/?rDYHkQ)



الرابع تقدم خوينا راعي الفرخ الاسود وهد


ماشاء الله مبروك
http://im31.gulfup.com/OLwHT.jpg (http://www.gulfup.com/?2ZDQ8R)



يرجى عدم الرد
للتقرير بقيه

[C_J_O_JI]

يتبع


قيلنا وعينا خير وكان الجو براد
تناشطنا وتشاورنا قلنا مالها الا كراوين وتكتمل
توكلنا على الله
دوجنا وخذينا شوي الا واحد من العيال يبشرنا بثنين
قلنا مبشر
توجهوا اخويانا يمه


http://im35.gulfup.com/aVETK.jpg (http://www.gulfup.com/?OZ6ozy)



وانا بقيت مكاني وراي ارض وعره ان زبنها الكروان الا انا قريب منه


حاولوا يفردونها عن بعضها لكن فيها واحد فسقان
ويطير من عندهم ويرقبونه يوقع ويوم ابعد عنهم وهو يعزم
الا هم يصيحون
جاك..جاك
واخذ الفرخ على يدي واحول من السياره الا هو ناصيني مرتفع
واهد الفرخ وماشاء الله تعطيه لحوق طيب وتعلقه


http://im41.gulfup.com/UAJKF.jpg (http://www.gulfup.com/?pD32c6)


ويجني واحد من العيال اعزله ..اعزله


قلت :سم
قال ابيه ارسله مهمه
قلت : عساه يطير بس
قال ماعليك عندي ابدسم شاربه اليوم وبكره


وهذا هو بكل شموخ يقول فكوني بس


http://im33.gulfup.com/4zOR2.png (http://www.gulfup.com/?USJKme)



ونروح للثاني ويهد راعي القرناس
وماشاء الله قبضه حديديه


http://im38.gulfup.com/oqmVM.jpg (http://www.gulfup.com/?pgkeik)


امسينا وهذي الطيور بعد كر وفر
ماقصرت


http://im38.gulfup.com/howgn.jpg (http://www.gulfup.com/?YuU0o5)



اصبحنا على بركه الله


http://im36.gulfup.com/7zGUz.jpg (http://www.gulfup.com/?MVdFGf)


وجينا الجهاز وحصلنا ثلاثه كراوين


ويجهز خوينا راعي مهاوش فرخ جير
ونفرد له واحد
قال طيروه خلوه يرتفع
طيرناه وارتفع الكروان وهو يهد وماشاء الله تبارك الله


علقه مبروك من التعب ماقدر يهاوش


http://im36.gulfup.com/eYIhi.jpg (http://www.gulfup.com/?KOo02U)




فردنا الثاني وهد راعي القرناس وعلى طول ماشاء الله طرحه


http://im38.gulfup.com/bCS0D.jpg (http://www.gulfup.com/?nNnZlT)


راعي الطير ينسر لطيره ونسى ماربط سبوقه ويوم عزل الكروان منه والطير يسبر له شئ ويكفح الطير طالب هدد ولا ندري ويش طالب
واخذ الدربيل الا الكروان طاير على حد الارض
ونلحقه وهذا راعي الطير من العجله طاح بالرباظه


http://im40.gulfup.com/yl0la.jpg (http://www.gulfup.com/?BOyQ06)


واجي للطير الا هو طارحه ماشاء الله
وكأنه يقوله ليش تنحاش


http://im34.gulfup.com/bK7fS.jpg (http://www.gulfup.com/?51W1Ri)


دوجنا بعدها ولا عينا شئ
قيلنا وقلنا نبي الغداء كبسه كراوين


هذ بعض الحصيل اللي بنزين به الغداء


http://im39.gulfup.com/mEC5x.jpg (http://www.gulfup.com/?1FAOPR)



وهذ ماشاء الله شكله كان ناوي ياخذ لفه على الكره الارضيه


http://im31.gulfup.com/ta6R7.jpg (http://www.gulfup.com/?CyLhot)


استلمها متخصص كبسات الكراوين وما قصر


http://im37.gulfup.com/kUUXM.jpg (http://www.gulfup.com/?gYf9o7)


ويلك يالجوعان ياويلك ويل


http://im40.gulfup.com/KGe8S.jpg (http://www.gulfup.com/?wuLam0)



تفظلوا الله يحييكم


http://im33.gulfup.com/6O4Hj.jpg (http://www.gulfup.com/?8yOfHe)


اللهم لك الحمد
تسلم يمينك يابو بندر


http://im41.gulfup.com/JkU8K.jpg (http://www.gulfup.com/?yzdY2p)



يرجى عدم الرد
للتقرير بقيهِ

[C_J_O_JI]

الجزء الاخير من التقرير


بعد الكبسه انواع التخدير والكسل
اللي نام واللي يسولف ولا احد له شف في المقناص
امسى علينا الليل قم خوينا راعي المهمات يجهز الكروان لمهمه جاسوس
ركب الصفره وتبرع بالريشه بيض الله وجهه
وقال الصبح قبل الصلاه بأرسله للمهمه
امرحنا ويوم اصبحنا الا خوينا ماهو فيه
صلينا وجهزنا ومشينا
راسلنا خوينا وينك
قال: عنكم شمال حول 10 كيلوا
توججهنا ويوم وصلناه هاه وينك جاسوسك
قال: :good2::D


الا هوا في راس حره تكسر الظهر


قلنا ماهي مشكله ان كان معه اصفر العين فيهون التعب
اخذت طيرتي الفرخ وقلت بأطلع انا واثنين
والباقي ينتظرون اذا فيه شئ طيرناها يمكم وسبروها



http://im42.gulfup.com/W7GCX.jpg (http://www.gulfup.com/?fZrj8r)



يوم وصلنا راس الحره ويطير الجاسوس وواحد ثاني
واهد الفرخ وسلطها ربي على الجاسوس كنها تعرفه
وماشاء الله تلحقه وتعلقه


http://im38.gulfup.com/a3QmX.jpg (http://www.gulfup.com/?R1iDrH)


والكروان الثاني نزل غرب اخويانا


دورنا في ظهر الحره ماعينا شئ


حولنا لأخويانا وعلمناهم قالو نبي ندوره على حروه مطيره
انتشرنا


http://im35.gulfup.com/gVook.jpg (http://www.gulfup.com/?MoWg62)


والارض وسيعه ووعره مافيه الا رجليه


http://im38.gulfup.com/Rhi4R.jpg (http://www.gulfup.com/?9NXMjO)


خذنا بعض الوقت وملينا قلنا مشينا
وكان بخاطرنا نحصله لأجل واحد من اخويانا ما جانا الا ذيك الليله ودنا انه يهد


عزمنا على المرواح وكان اخر يوم في المقناص
طلعنا من الحره ويمر خوينا جنب عشره يابسه في رقه بيضا ماتتوقع ان الكروان يخلي الوعر ويجي فيها
الا يبشرنا بالكروان


http://im42.gulfup.com/w9QIU.jpg (http://www.gulfup.com/?tH3dfU)


قلنا هذا حظ خوينا
معه قرناس حر سبوق
ويجهز طيره ونطير الكروان ويلحقه والكروان يعود يم الحره
والطير معه
وحال الوعر بيينا وبين الطير ونضيعه ويشغل خوينا الجهاز ونجي الا هو صايد ما شاء الله


http://im31.gulfup.com/29LL9.jpg (http://www.gulfup.com/?ARuBjl)


وكان اخر هدد في ذيك الرحله


وبهذه الصوره اختم تقريري واتمنى ان يرتقى لذائقتكم
وتقبلوا تحياتي



http://im32.gulfup.com/idnaB.jpg (http://www.gulfup.com/?pyn1Ze)





انتهى

[عبدالله هدد]

الله يهنيكم

صايدين وفايدين

[خالد العطااوي]

مشاءلله تبارك الله
يسعدني وشرفني اني اكون
ثاني من رد على موضوعك
الأكثر من رائع تسلم يمينك
والديره ذي ,, مشاءالله تبارك الله ,,

[طيار قطر]

مشاءالله تقرير مميز والله يجمعكم على طاعته يارب

[ابو وافي00]

السلام عليكم ورحمة الله وبركاته
ماشاء الله تبارك الله
صايدين وفايدين
تقرير أكثر من رائع


احياتي:
أبو وافي..

[الكعمي]

ماشاء الله تبارك الرحمن الله يسعدك أنت واخوياك النشاما

دمت بخير ؟؟؟

[مودع الخلان]

ماشاء الله مقناص السعد صايديين وفايدين والله يديمهاعليكم

[فاارس]

ماشاء الله تبارك الرحمن : صايدين وفايدين اجواء وصيد شي لا يعلا عليه بسم الله ما شاء الله ..
وعيشتنا باجواء المقانيص ماشاء الله على سردك ..
واتمنالك التوفيق حبيبي ..

[Hamad18]

ماشاء الله تبارك الرحمن الله يجمعكم على خير
صور جميله وسرد للاحداث ابدعت ياخوي

[أبوحمود303]

ماشاء الله .. تبارك الله ..مقناص السعد .. صايدين وفايدين ..

[حصريا001]

ماشاءلله تبارك الله
صايد وفايد
عودكم الله على الصيد والفيد
تسلم يمينك

[النااااااادر]

وعليكم السلام ورحمة الله وبركاته


ماشاء الله تبارك الله

صايدين وفايدين


تقرير رااائع ومميز

بالتوفيق ان شاء الله


فالك الجنه

[سلطان 1]

ماشالله تبارك الله
صايدين وفايدين

[قلب ذيب]

مقناص كراوين طيب وصور معبره اله يوفقكم كل موسم .
ياليت ذكرت اسم القاع ومكانها ... تقبل تقديري .

[C_J_O_JI]

اشكر مروركم
وشرف لي اطرائكم

القاع يا قلب ذيب
من جنوب الليث الى جيزان

[الصقر البعيد]

ماشاء الله
امتعنا وكأننا بقلب الحدث.

[حزم الفيضه]

صايدين وفايدين

[عبدالرحمن بن ذياب]

ما شاء الله تبارك الله مقناص طيب
الله يعيده عليكم وانتم بخير وصحة و عافية

[C_J_O_JI]

مروركم شرف لي

[لبيه يمنادي]

بسم الله الرحمن الرحيم
السلام عليكم ورحمة الله وبركاته

ما شاء الله تبارك الله مقناص طيب .. من طيب راعية .. تستاهلون الصيد ياخوي وعسي ربي مايفرق جمعتكم .. وتتنومسون كل سنه وانتم بخير وسهاله

تقبل مروري

اخوك / بو مرشد

[F77]

ماشاء الله
تقرير بدرجه فاخره
واكثر اكثر من رائع
وامتعتنا الله يديم الوناسه عليك وعلى اخوياك

وننتظر جديدك

[ولد السبع]

السلام عليكم ورحمة الله وبركاته
ماشاء الله تبارك الله
صايدين وفايدين

[برق المغيب]

ماشاء الله تبارك الرحمن الله يهنيكم ويبسطكم رحلة وخوة نشاما تسر الخاطر مشكور على ماقدمته والله يجمعكم على طاعته

[قناص2000]

الله يعطيك العافية على التقرير الاكثر من رائع وجميل وصايدين وفايدين وفالكم التوفيق ياخوي

[محمد النعيمي]

ما شاء الله تبارك الله تقرير رائع الله يوفقكم

[C_J_O_JI]

الله يوفقني واياكم جميع

بيض الله وجيهكم
مروركم وإطرائكم

[ابوعزيز2007]

تقريرمميز ورائع ويستاهل 5 نجوم

[تربة الشمال]

ماشاء الله تبارك الله صايدين وفايدين يالنشماء

[C_J_O_JI]

ابوعزيز
تربه الشمال

مروركم شرف الموضوع
بيض الله وجيهكم

[البروالطير]

السلام عليكم
ماشاء الله تقرير رائع وصور طييبة وطيور خيرة
الله يوفقك بالفوز ان شاء الله
من المراتب الاولة.

[C_J_O_JI]

البر والطير
شاكر مرورك ودعوتك

[(هزاع)]

يستاهل الختم والتميز

[راعي القطامي]

أخوي وين مكانكم هذا

[C_J_O_JI]

جنوب
الساحل الغربي

[شمالي 44]

ماشاء الله تبارك الرحمن

تقرير أكثر من رائع

تسلم يمينك

الله يعطيك العافيه

[شهاب الظلام]

ماشألله تقرير ومقنآص أكثر من رائع

ومشكور لأمتاعنا في الترتيب والسرد الأكثر من مميز

تحيياتي لك .

[falconer.679]

موضوع طيب من شخص اطيب .. وخصه لقد به خوة المطاليق .. اترد الروح ... صايدين وفايدين .. والله يرزقكم الصيد الزمان هذا .. ان شاء الله

[(هزاع)]

يستحق الرفع لامتاع المتصفح