تناسيم بيبان الباترول

[فتى دآورد]

بسم الله الرحمن الرحيم

السلام عليكم ورحمة الله وبركاته

يا جماعة الخير عندي باترول 96 ومشكلتي تنسيم الهواء مع البيبان لدرجة اني ما أسمع اللي جنبي لا صرت ماسك خط ولا أسمع الرادو . الباب يرج يعني لو تناضر مع زاوية الباب والموتر ماسك خط تشوف الشمس والسماء وكل شي ههههه

لاهنتم اللي جرب ورشة ممتازة يوزن البيبان ويضبط التنسيم بالرياض يعلمني الله يجزاكم خير

[سلاطين]

صباح الخير أخوي
شفلك ورشه زينه يفكون الابواب ويودونها للمخرطه عشان يظبطوون الفصالات حقت الابواب بعدين يركبونها هذي كل الشغله وتأكد من ربلات مجرى القزاز اذا تعبانه غير من الصناعيه القديمه تايلندي حلوو انا مجربه المتر ب 25 ريال

وبالتوفيق يالغالي

[راعي الرود]

وش رايك تمر ورشه النويصر ؟

تخليهم بس يشيكون لك على الابواب و يركبون ليات على الجلد و يوزنون لك الابواب و اشرط عليهم ان ما صلحت ما يستلمون ريال واحد عاد اهم ماعليهم سمعه ورشتهم لأنها تنافس بن مرضاح اللحين ولا يبي اي شيء يضره

[فتى دآورد]

طيب لاهنت عطنا وصفها

[abo naser 1]

السلام عليكم

ودى أقولك غير وغير بس ما فيه فائدة هذا مشكلة بدي القديم 97 ونازل مهما غيرت ووزنت تخف المشكلة للآكن لاتنتهي خصوصاً اذا انت بخط ومقابلك هوا سوف تستمر في شوف السماء والشمس لأن الموتر ما يشوف الا العلالي وش نسوي راسه عالي
مافيه حل من وجهة نظري الا أبواب جديدة مع الربل والورد والفصال وهذي صعبة ومكلفة الأبواب القديمة مع الضغط والسرعة ماعاد تتحمل تتفتح من فوق الحديد الي تمسك فيه القزازة من الأعلى ضعيف ومع الوقت يصير بأمكانك تلعبه بيدك اذا نزلت القزازة

[abu-turki2009]

ورشة النجيبان بعنيزه يضبطونها لك
وهذا رقمه / 0507265182 احمد كفيل

[فتى دآورد]

ورشة النجيبان بعنيزه يضبطونها لك


وهذا رقمه / 0507265182 احمد كفيل


الله لا يهينك يا ابو الحبيب ولا يهونون الربع

[هاوي بلادي]

هذا موقع لي ورشة النويصر

تفضل اخوي :

http://alnwaser.com/
يسرنا ويزيدنا شرفا زيارتكم لنا



المملكة العربية السعودية (http://www.mekshat.com/vb/#)
الرياض المنطقة الصناعية (http://www.mekshat.com/vb/#)
خلف محلات باقدر شمالا (http://www.mekshat.com/vb/#)
جوال رقم : 0505232097
هاتف رقم : 014480233

[قناص مزاجي]

عندك هذي الورشه انا اشتغلت عندهم شغل ممتاز جدا وسعر معقول
تربيط عام
الرياض الصناعيه القديمه
اشراف المهندس ممدوح الكردي تلفون 0552951319 -0114889918

[ولد ابانمي]

بسم الله الرحمن الرحيم

السلام عليكم ورحمة الله وبركاته

يا جماعة الخير عندي باترول 96 ومشكلتي تنسيم الهواء مع البيبان لدرجة اني ما أسمع اللي جنبي لا صرت ماسك خط ولا أسمع الرادو . الباب يرج يعني لو تناضر مع زاوية الباب والموتر ماسك خط تشوف الشمس والسماء وكل شي ههههه

لاهنتم اللي جرب ورشة ممتازة يوزن البيبان ويضبط التنسيم بالرياض يعلمني الله يجزاكم خير



يالامير انا مثلك قبل كان يرج رج الله لايوريك ازعااج مره قالولي ركب لي صحراوي فالفراغ الي بالجلد ماش ماركب لكن هاك اليوم مريت الغرابي جاني يمني قال ابركب لك زي الفلين متين على البييان ودبلها حتى الباب الي ورا الزبده صكت الباب صارت قويه ولاعاد به رجه مثل اول ولله الحمد ولا كلفني 25 ريال نصيحه جربه قبل ماتخرط وحوسه

[faisal400]

ورشة النوصير
مرتين اجيهم وللأسف ماأستفدت شي
لكن حقانين يقولون لك مانضمن لك .. انت وحضك
تبي تشرط عليهم وتقول اذا ماضبطت ماتخذون ولاريال .. قالو خذ سيارتك وتسهل بس