المساعد الشخصي الرقمي

مشاهدة النسخة كاملة : وين القى نبات المرخ


ابو عادل1
29/09/2006, 03:07 PM
السلام عليكم ورحمة الله وبركاته
الشهر مبارك اعاده الله علينا وعليكم بالخير والعزة والامن والامان وتقبل منا ومنكم صيامه وقيامه وصالح الاعمال
السؤال يا أخوان عن نبات المرخ اين يباع في الرياض؟
ابو عادل1
30/09/2006, 01:48 PM
ياشباب مكشات وينكم
منتظرين الراي
أبوسالم2006
30/09/2006, 03:17 PM
اخوي ابوعادل المرخ نبات رملي ويتوفر بعض الاحيان في الشعبان ذات البيئه غير الرمليه

ارجو اني افدتك اخوي ابوعادل
أخوك ابوسالم
ابو عادل1
30/09/2006, 09:53 PM
تسلم اخوي ابو سالم وماقصرت
اشكرك على المعلومة
عاشق البران99
30/09/2006, 10:00 PM
وعليكم السلام ورحمة الله وبركاته :

إذا كنت تبي المرخ عشان الحنيذ يوجد بديل له وهو عسبان النخل الرطبه .
ALBDRANE
30/09/2006, 10:04 PM
انا اعلمك اقرب مكان ونا اخوك اذا كنت تعرف شعيب الاوسط يوجد فيه بكثره يبعد 60 كيلو غرب الرياض
ابو عادل1
30/09/2006, 11:51 PM
اخوي عاشق البران 99
مشكور على المرور وجزاك الله خير على المعلومة ولكن هل هي مجربه
تحياتي

اخوي البدراني
مشكور ومرحوم الوالدين هل ممكن تفصيل الوصول الى شعيب الاوسط من شمال الرياض

وعلى العموم بيض الله وجيهكم ومازل التساؤل قائما
همّام
01/10/2006, 12:07 AM
السلام عليكم

اللي ما يعرف المرخ

أظن هذي صورته كان مانيب واهم

أخذتها في الجنوب العام الماضي ....





http://www.mekshat.com/pix/upload/images20/mk22765_marakh.jpg
مهراس
01/10/2006, 12:51 AM
السلام عليكم

على خبري ان المرخ لا يوجد الا في سهول تهامه.

أبو فهد
afb
01/10/2006, 01:14 AM
هلا اخوى ابو عادل 1 والله مادري وشلون اقدر اخدمك المرخ عندنا بالجبيل ماله والي خاصه بمنطقة الصم والرياس وفية بعد على طريق ابو حدرية قبل محطة العسيس تبعد عن الجبيل حوالي 70 كيلو
عاشق البران99
01/10/2006, 01:28 AM
نعم أخوي ابو عادل 1 العسبان مجربها أنا والنتيجة تماااااام ... ويمكن اطعم بس لازم تكون رطبة يعني جديدة ...
ALBDRANE
01/10/2006, 03:05 AM
الا بلعون يوجد في نجد وبكثرة وشعيب الاوسط طال عمرك الا طلعت مع مفرق حفيرة نساح وتعديت نفود المحلية بيجيك مزلفت يروح يسار جنوب ينصى الظلعان تاخذ معه ويطلعك للظلعان الي قدامك وبعد ما تسهل من الرفاع يبي يجيك وادي الاوسط دور لك اي شعيب حولك واقرب واحد يجيك يسار بعد ما تمشي حول كيلو مع الردمية وتر الشعبان زينة وارضها بطحى والمرخ انا ماخذه منه مرة من المرارير وعندي صورة للشعيب كان ودك انزلها في الموضوع مستعد وسلامتكم
ابو عادل1
01/10/2006, 03:13 PM
الله يجزاكم كل خير اخواني كل باسمه لقد اسعدني مروركم وتفاعلكم أسأل الله ان يجعل ايامكم افراح وعطر لياليكم بالخير والعافية فواح وهمومكم تنزاح والرزق يسعى لكم بارتياح

الاخ همام
وعليكم السلام ورحمة الله وبركاته اخي العزيز صحيح صحيح هذا نبات المرخ الذي سبق لي رؤيته اشكر مروركم واثراء الموضوع وجزاك الله كل خير

الاخ مهراس
وانا والله مثلك كنت اظن انه لايوجد الا في الجنوب بشكل عام لكن بارك الله في الشباب صححوا لنا الفكرة جزاك الله خير الجزاءعلى المروروالمشاركة

اخوي afb
الله يثيبك ويجزاك خير ماقصرت ومشكور على المعلومات القيمة

اخوي عاش البران 99
الله يجزاك خير مادامك توصي بالعسبان كبديل عن المرخ فشورك وهداية الله اشكرررررررررررر ك من الاعماقركثيرا

اخوي البدراني
اسأل الله في هالشهر الكريم وعلى الدوام ان يجزاك خير الجزاء مشكورررررررر وماقصرت بيض الله وجهك

ولكن
هل
يوجد للبيع في الرياض او اي مكان اخر من المملكة مثلا المطابخ او المطاعم ونحوها
كحيلان 11
01/10/2006, 03:21 PM
اخوي ابوعادل المرخ نبات رملي ويتوفر بعض الاحيان في الشعبان ذات البيئه غير الرمليه

ارجو اني افدتك اخوي ابوعادل
أخوك ابوسالم


هذا الكلام
خذ بكلام ابو سالم انا اوافقه الراي والعلم ...........