تركيب مروحة الشفط للمكيف الصحراوي

[900]

مرحباً بالجميعإخواني المكشاتية حياكم الله


الموضوع ان عندي مكيف صحراوي كبير نص حصان
وقام يحوس وكل يوم يخرب فيه شي
قلت مالها الا التعديل
وقد سبق ان رأيت في حضرموت مكيفات صحراوية مركب لها مروحة شفط
وصناعة حضرمية
وممتاز
وأيضاً احد إخواننا المكشاتية قام بزراعة قلب لمكيفة الصحراوي
المهم أني قمت وافك كل اللي داخل المكيف وبعض المسامير مصدية
وقصيتها بالمنشار
وخذيت مقاسات الفتحة اللي بالمكيف
ورحت لسوق الكهرباء واشتريت مروحة شفط حديد كورية
ومفتاح اللي يتحكم بالكهرب يزود وينقص ماليزي
وجبت قش جديد
وركبت كل شي والحمد لله بيدي ووبلحالي وكانت النتيجة أكثر من رائعة
هدوء جودة ضمان وإبداع وتوفير كهرباء
http://http://i.imgur.com/JIflyMF.jpg
http://http://i.imgur.com/TBvaHcs.jpg
http://http://i.imgur.com/MSOmEK8.jpg
والسلام عليكم ورحمة الله وبركاته

[أبوسعد111]

وعليكم السلام ورحمة الله وبركاته

الصور ماطلعت ؟ّ!

ولكن زين ماسويت :good2:

- أنا نصحني كهربائي بأن لا أركب دايمر (منظم سرعة للمروحة) وقال خلها مباشرة أفضلك لانه بعد فتره يتعطل
- لو أنك ركبت مروحة ماركة KDKA وراد الحقباني بالغرابي بالرياض أقوى دفع للهواء وضمانها عند وكيلها طبعا سعر الكورية أرخص

- هل ركبت غطاس ماء بدل الدينمو من عند محلات السباكة والكهرباء بحدود 20 ريال يدوم معك أكثر من الدينمو العادي القديم.

بحفظ الرحمن

[900]

http://www.alm5zn.com/upfiles/QgK57177.jpg (http://www.alm5zn.com/)

http://www.alm5zn.com/upfiles/whB57177.jpg (http://www.alm5zn.com/)

http://www.alm5zn.com/upfiles/7Am57177.jpg (http://www.alm5zn.com/)

[900]

وعليكم السلام ورحمة الله وبركاته

الصور ماطلعت ؟ّ!

ولكن زين ماسويت :good2:

- أنا نصحني كهربائي بأن لا أركب دايمر (منظم سرعة للمروحة) وقال خلها مباشرة أفضلك لانه بعد فتره يتعطل
- لو أنك ركبت مروحة ماركة KDKA وراد الحقباني بالغرابي بالرياض أقوى دفع للهواء وضمانها عند وكيلها طبعا سعر الكورية أرخص

- هل ركبت غطاس ماء بدل الدينمو من عند محلات السباكة والكهرباء بحدود 20 ريال يدوم معك أكثر من الدينمو العادي القديم.

بحفظ الرحمن

هلا بك

وشاكر ردك ومرورك

اما بخصوص المروحة فنصحني بها احد الشباب صاحب محل بسوق الكهرب
واعتقد مكتوب غلى الكرتون ضمان 5سنين

واما الغطاس فمركبة من قبل

تحيايس لك ولجميع الاخوان:good2:

[اثير الصحراء]

السلام عليكم
اهلا اخوي 900
ماشاء الله تبارك الله زين ماسويت
المكيف الصحراوي متعب وصيانته غثيثة
لكن مع مروحة الشفط تقل طلباته وخراباته
اخوي لو سمحت كيف ربطت المروحة بهيكل المكيف
وكم سعر المروحة والمفاتيح وتبريده وشلونه عساه زين ..
لي كم يوم وانا ناوي اسوي هالمروحة لكن مالقيت كهربائي فاضي


تحياتي ..

[900]

السلام عليكم
اهلا اخوي 900
ماشاء الله تبارك الله زين ماسويت
المكيف الصحراوي متعب وصيانته غثيثة
لكن مع مروحة الشفط تقل طلباته وخراباته
اخوي لو سمحت كيف ربطت المروحة بهيكل المكيف
وكم سعر المروحة والمفاتيح وتبريده وشلونه عساه زين ..
لي كم يوم وانا ناوي اسوي هالمروحة لكن مالقيت كهربائي فاضي


تحياتي ..

هلا بك اخوي اثير الصحراء

المروحة ممتازة وتبريده ممممممممتاز والحمد لله والصوت هادي
اما التركيب كنت ناوي اربطها بمسامير ومالقيت ريشة الحديد للدريل وقمت ربطتها بأسيام وزبطت
والسعر يختلف حسب المقاس الفتحة اللي عندكــ
عندي مقاس الفتحة 50*50 سعر المروحة الكورية220 ريال+مفتاح ديمر ماليزي 15

واعتقد سعر مروحة45*45 180

طبعا كل ما كبر المقاس زادت القوة:good2:

والتركيب سهل ولا يحتاج كهربائي وانا اخوك لو جبت كهربائي بياخذ منك 100 اقل شي ويمكن مايزبطه لك
واي استفسار حاضرين ومستعدين
اخوك
ابو لمى:)

[ابوعبود66]

السلام عليكم
انسي مشاكل الماطور والاسعار الجنونيه له
انا عندي كم مكيف صحراوي
اول شي
فيه الحقباني شارع الكهرباء عنده انواع من المراوح
انصح ب220كهرباء
الدينمو مر شارع الريل على الملحم عنده دينموات اشكال ممتازه ومتطوره
والسعر اقل من السوق او متقارب
وتوكل علي الله

[ابأ محمد]

ماشاء الله عمل جميل وطيب ومفيد

انا مركبة من زمان وارتحت والتبريد زاد والهواء صار قوى لانى حاطه باالسطح

بس سحب الماء زاد مره وخاصه اذا صار غطاس

الشكر لك

[وطن6001]

شكرا لصاحب الموضوع يكفينينا شرف اعتمادك على نفسك
وإفادة اخوامك

[900]

شكرا لصاحب الموضوع يكفينينا شرف اعتمادك على نفسك
وإفادة اخوامك

لا شكر على واجب

وتحياتي لكـــــــ

[وطن6001]

بتعبك معي بس تحملنا
وين محل ماشريت في الرياض
المروحه الفين دوره في لوحة التصنيع او اقل
دمت لنا ذخر

[900]

بتعبك معي بس تحملنا
وين محل ماشريت في الرياض
المروحه الفين دوره في لوحة التصنيع او اقل
دمت لنا ذخر

حياك الله

ياخوك انا بحايل

ولاكن الرياض ماتضيع رح لسوق الكهرباء بالملز او الغرابي وتلقى اللي تبي

اما دورة المروحة فماني متأكد بس العلم انها قوية وغالبا لا أشغلها بكامل قوتها انقص شوي

[وطن6001]

ربي يحفظك ويوفقك

[راعي الغبرة]

جزاك الله خير اخوي
والله انك حليت كل مشاكلي بهذ الخصوص
:good2: :good2: :good2: :good2: ابقلب 4 مكيفات على طريقتك

الله يحفظك

[س.س.التميمي]

مشكور ويعطيك العافيه على التقرير وبارك الله فيك

[ذري1000]

معليش تتوقعون ان الطريقة ذي غايبة عن المصنعين
تثبيت المروحة بهذا الشكل يجعل الهواء الرطب يمر على دينمو المروحة ويسبب تلف الدينمو بسرعة انت تحتاج لمروحة معزولة وهذا لاتجده في سوقنا وهي المروحة المركبة في المكيفات الصحراوية الامريكية الموجودة في ساكو

[المتلولس]

ممتازة انا حاطها لي 4 سنوات ممتازة جداً

[وادي السرحان]

ماشاء الله

شغل عدل تشكر على الموضوع المميز

[ابوالترهيم]

ممتاز ترى ممكن تركب التايمرالمفتاح على وجه المكيف

[شنطة عده]

بهذلني 3 دينموات احترقت علي في الصحراوي
وبعد ما شفت موضوع مروحة الشفط في مكشات ركبتها والله يعطيكم العافيه
الصوت هادي الى حد ما
والتبريد ثلج وصرفية الكهرب قليله
والاهم تركيب الغطاس الاسود الصغير قيمة ما تتعدى 35 ريال

[ابو عبدالرحمن 76]

المروحة عملية جدا جدا عن تجربة يعطيك العافية
وكما ذكرت الغطاس الاسود بحيث يكون قوي لان المروحة في السرعات العالية بتسحب الرطوبة من القش و ينشف فلابد من زيادة كمية ضخ الماء
انا شخصيا حاط غطاسين و ما شاء الله الساعة 1 الظهر البيت ثلج على اعلى سرعة

[wafi4sa]

بارك الله فيك
سؤال هل قوة الهواء قلت او مثل الأول
وهل ممكن نركب المروحة على مفتاح المكيف السابق
لاني والله متردد اصلح مكيف عندي للاسباب السابقة
وتقبل الله منك صيامك وقيامك

[ساهر حايل]

شغل عدل يالامير قواااااااااااااااااااااااااااااااااك الله

[ارتست]

تجربتي جيدة لكن المروحة احد قواعدها انقطمت من عند دينمو المروح وصار فيه صوت من رجة المروحة
لكن لا اعمم قد يكون دينمو المروحة مو مرصص زين من المصنع فسبب اهتزاز ورجه لين قطم احد قواعدة الاربع

[غازي الأول]

بسم الله ما شاء الله

[900]

معليش تتوقعون ان الطريقة ذي غايبة عن المصنعين
تثبيت المروحة بهذا الشكل يجعل الهواء الرطب يمر على دينمو المروحة ويسبب تلف الدينمو بسرعة انت تحتاج لمروحة معزولة وهذا لاتجده في سوقنا وهي المروحة المركبة في المكيفات الصحراوية الامريكية الموجودة في ساكو



ممتازة انا حاطها لي 4 سنوات ممتازة جداً


ماشاء الله

شغل عدل تشكر على الموضوع المميز


ممتاز ترى ممكن تركب التايمرالمفتاح على وجه المكيف



بهذلني 3 دينموات احترقت علي في الصحراوي
وبعد ما شفت موضوع مروحة الشفط في مكشات ركبتها والله يعطيكم العافيه
الصوت هادي الى حد ما
والتبريد ثلج وصرفية الكهرب قليله
والاهم تركيب الغطاس الاسود الصغير قيمة ما تتعدى 35 ريال


المروحة عملية جدا جدا عن تجربة يعطيك العافية
وكما ذكرت الغطاس الاسود بحيث يكون قوي لان المروحة في السرعات العالية بتسحب الرطوبة من القش و ينشف فلابد من زيادة كمية ضخ الماء
انا شخصيا حاط غطاسين و ما شاء الله الساعة 1 الظهر البيت ثلج على اعلى سرعة



بارك الله فيك
سؤال هل قوة الهواء قلت او مثل الأول
وهل ممكن نركب المروحة على مفتاح المكيف السابق
لاني والله متردد اصلح مكيف عندي للاسباب السابقة
وتقبل الله منك صيامك وقيامك


شغل عدل يالامير قواااااااااااااااااااااااااااااااااك الله


تجربتي جيدة لكن المروحة احد قواعدها انقطمت من عند دينمو المروح وصار فيه صوت من رجة المروحة
لكن لا اعمم قد يكون دينمو المروحة مو مرصص زين من المصنع فسبب اهتزاز ورجه لين قطم احد قواعدة الاربع


بسم الله ما شاء الله


اللـــــــــــــــــــــــــــه يعطيكم العافــــــيـــــــــــــــــــــــــــــة
وشــــــــــــــــــــــــــــــاكر مروركم وتفاعلكـــــــــــــــــــــــــــــــــــم

[مهندس مكشات]

الله يعطيك العافيه على العمل

ولكن انتبه من الرطوبة للمروحة قد تتأثر وتعمل لك التماس
حاول تشحيمها مدخل الاسلاك من الماطور التي تتعرض للهواء



وفقك الله