هل التلميع ضروري لحماية بوية السياره ؟

[كاشت بالبر]

السلام عليكم ورحمة الله وبركاته

هل التلميع ضروري لحماية بوية السياره والمحافظه عليها ؟

سيارتي ما سويت لها تلميع من سنوات طويله 3 سنوات أو أكثر

لكن لاحظت رفرف وعروة الباب الأمامي من جهه واحده .. صارت باهته
لكن الباب الخلفي والرفرف الخلفي والتنده والكبوت مافيها شيء

صور جبتها من الإنترنت للتوضيح

http://im41.gulfup.com/q9lNT.jpg

http://im41.gulfup.com/C3lBJ.jpg


أتوقع :

1) يمكن سيارتي مرشوشه بويه

2) بسبب الإهمال قليل أغسلها

3) ما سويت لها تلميع من سنوات طويله 3 سنوات أو أكثر

4) يمكن عشان الجهه هذي دايم تجيها أشعة الشمس عكس الجهه الثانيه فيه ظلال تحت جدار البيت

5) يمكن عشاني أغسلها بالنهار ( لأن مافيه زحمه بالمغاسل الصبح ؛ والعامل يغسل السياره على طول بدون انتظار ) لكن المشكله الماء يكون حار لأن الساعه تقريبا 9 إلى 11 الصبح < سبب غير مقنع .. لأن ليش ما تضررت كل بوية السياره .. المشكله فقط بالرفرف الأمامي وشوي من عروة ( مسكة ) الباب الأمامي

6) يمكن أحد صب شيء على سيارتي وأنا ما أدري


وش رايكم هل تتوقعون تنحل المشكله هذي بالتلميع أو لازم رش بويه ؟

وماهو السبب الرئيسي من وجهة نظركم ؟

وكم يكلف تقريبا رش بويه للرفرف الأمامي ؟

[عاشق الاسكا]

السلام عليكم ورحمة الله
اخي العزيز كل الخيارات بيدك ولكن على قد فلوسك
عندك التلميع المائي مناسب للي سياراتهم لها اكثر من 8 سنين
يرجع لك السيارة تبرررررق او التلميع بمواد خاصة للتلميع لكن ما انصحك فيها

اما انك ترش السيارة بوية جديدة هذي ماهي سهلة ولا اي واحد يضبطها ومكلفه

انصحك بالتلميع المائي واشرط عليه بذهاب البهتان اللي في السيارة وسعره تقريبا 500 ريال من داخل وخارج السيارة ......

[كاشت بالبر]

السلام عليكم ورحمة الله
اخي العزيز كل الخيارات بيدك ولكن على قد فلوسك
عندك التلميع المائي مناسب للي سياراتهم لها اكثر من 8 سنين
يرجع لك السيارة تبرررررق او التلميع بمواد خاصة للتلميع لكن ما انصحك فيها

اما انك ترش السيارة بوية جديدة هذي ماهي سهلة ولا اي واحد يضبطها ومكلفه

انصحك بالتلميع المائي واشرط عليه بذهاب البهتان اللي في السيارة وسعره تقريبا 500 ريال من داخل وخارج السيارة ......

وعليكم السلام ورحمة الله وبركاته
مشكور والله يعطيك العافيه على الرد والإفاده

سيارتي موديلها 2006 يعني لها 7 سنوات ؛ اذا حسبنا من 2013

التلميع المائي أول مره أسمع فيه وبحثت بالإنترنت عنه ؛ واللي فهمته أنهم يسون صنفره للبويه ثم يلمعونها ؛ و قرأت بالأنترنت أنهم يشترطون عليك ما تغسلها بفيري وإلا بتنعدم البويه < عاد ما أدري اذا المعلومه هذي صحيحه أو لا .. لكن المغاسل اللي دايم اغسل السياره عندهم يستخدمون فيري
وأخاف التلميع المائي يشيل أو يخرب البويه المرشوشه

ان شاء الله بعد ما اغسل السياره بالمغسله ؛ بجرب ألمّع الرفرف بملمع عادي وقطن

واذا ما نفع التلميع بخلي الرفرف على ماهو عليه وبعدين أرش بويه ( الرفرف فقط ) .. لكن هل أحتاج ورقة إصلاح من المرور ؟ أو ما يحتاج ؟

سيارتي سبق أن صار لها حادث بخلفية السياره ورشيتها بويه الجهه الخلفيه فقط والحمد لله تمام لكن كلفتني كثير عند ورشه ممتازه < قبل 3 سنوات تقريبا

لكن الرفرف اللي اشتكي من بهتان لونه .. هذا مرشوش و يمكن مسمكر من يوم أشتري السياره مستعمله ( من مده طويله ) وشكل رشّهم أي كلام

الرفرف الثاني فيه تعديل لكن بدون رش أو سمكره وبويته ممتازه ما عدا بعض القشور الناتجه عن الحك بسبب الحادث

[hassan-55]

الله يعيننا وياك
عندي الجيب من كثر الوقفه بالشمس البويه صارت باااهته من جميع الجهات ومن فوق" التنده"
لونه اخضر عشبي بالليل مايبين اذا كان الموتر مغسل اما بالنهار ما ودك تناظر فيه
وديتها لمركز تلميع قال ما اضمن لك تروح مع التلميع بس نحاول
قلت اسويها بنفسي

اشتريت ملمع خشن وناعم وفركت لين ما ورمت يدي وطق عرق بكتفي مالاحظة أي تحسن
واشتريت بخاخ يلمع البدي ايضاً ما استفدت شي

شكلها تبي رش الله يعين

الله ييسر امرنا وامرك وامر كل مسلم..

[..D7oom]

التلميع باليد متعب جدا محلات الزينه تستخدم فرشه يسمونها صاروخ هي اسرع ومفعولها اقوى

[hassan-55]

^^
صدقت اخوي دحوم
فعلاً في جهاز يباع بساكو خاص بالتلميع

مثل هذا
http://www.s-oman.net/avb/attachment.php?attachmentid=563183&d=1286183469
http://www.arab-eng.org/vb/uploaded2009/125611_11316447190.jpg (http://www.arab-eng.org/vb)
http://image.dhgate.com/albu_206723798_00-1.0x0/car-polisher-car-care-tools-1-pcs-12v-7-inches.jpg (http://www.google.com.sa/url?sa=i&source=images&cd=&cad=rja&docid=bOs6Hc_o5zN_LM&tbnid=6VfDFGZTQaUMtM:&ved=0CAgQjRwwAA&url=http%3A%2F%2Far.dhgate.com%2Fcar-polisher-car-care-tools-1-pcs-12v-7-inches%2Fp-ff8080812a45e246012a46e03dec084a.html&ei=PUiyUc-TNcGQ7AaDiYCgBw&psig=AFQjCNELPS6U1Od1Aq7gdr4bcD74rpHIBg&ust=1370724797931865)

وفي قطعه تركب على الصاروخ وعلى الدريل مباشره
بأشتريها ان شاء الله ,, تفيد حتى بتلميع الشمعات

اسأل الله التوفيق للجميع..