راعي العجرا والرومنسيه والفول

[راعي العجراء]

السلام عليكم ورحمة الله وبركاته
اليكم هذه السالفه
قبل كم سنه طلعت انا والمدام نتمشى بالسياره في قمة الرومنسسيه
تونا شباب هالكلام قبل عشرين سنه او اكثر او اقل
قلت لها قبل مانروح للبيت نبي ناخذ عشانا ونجلس بحديقه والا على رصيف نسولف شوي ونتعشاء ونكمل باقي سواليفنا
قالت مايخالف وانا اسفط عند ذاك الفوال واخذ صحن فول قلابه وصحن فول جره وببسي كولا
واحطهن بالسياره وارجع وامسك سرا عند الخباز التميس اللي ريحته تجيب سارحات امس
المهم جيت وركبت بالسياره
ويارومنسيه ماكملت يوم جيت ولا خاطرها ماهوب زين وصوتها ابح وانا ماخبرت اني مسوي شي يكدر خاطرها غير اني وقفت عند الفوال وسرا الخباز
قلت يمكن ماتبي الفول
سالتها وش فيك عسى ماشر ياام جلنبو
ماتبين فول
قالت بس ودني للبيت قلت للبيت لبيت بس ودي افهم نوع الخطا اللي سويته
المهم هي طول الطريق ساكته ماتحكي وانا ان شغلت بالتفكير يارب وش سويت وصلت للبيت ولم اصل الى معرفة الغلط اللي ازعلها
رومنسيتنا من فتحت باب السياره وهي محوله قبلي وين راحت مدري المهم ان الرومنسيه هجت
من فتحت الباب
المهم دخلت البيت معي الفول والخبز والببسي نسيته بالسياره
قلت لها وش مكدر خاطرك يوم جالنبو
قالت مابي شي
يابنت الحلال علميني ريحيني
قالت منهي منى جوغم وش عرفك فيها
قلت يبنت الحلال منى هذي ماعرفها هي سوريه والا مصريه
قالت مدري ولكن بينكم مراسلات وهدايا
قلت منى مرسله لي هديه
قالت ايه
قلت منى جوغم ماعرفها حتى اخذ منها هديه
يابنت الحلال اذكري الله وتعشي بس
قالت انت تبي تسكتني
قلت طيب وين الهديه خليني اشوفها
قالت بالسياره
قلت طيب وش نوع الهديه
قالت شريط مكتوب عليه منى جوغم
قلت الشريط معي بالسياره
قالت ايه
قلت روحي جيبيه وانزل انا وياها للسياره يوم عطتني الشريط
اطالع فيه ولا فعلا مكتوب عليه منى جوغم
قالت شفت منهي منى قلت مدري
واطالع بالخط يوم جتني الذهانه وان اضحك ضحك لما صارن رجليني اليسرى محل اليمنى
قلت هذا هو قالت ايه هذا
قلت يابنت الحلال
هذا مكتوب عليه اغنية محمد عبده في الجو غيم
نقطة الفا صايره بين الفا واليا وطالعه نون
واللي يشوفها يقراها منى حتى اليا ماحطيته
بلى من زين الخط يابوجلنبو
حتى خطي ماعرفت اقراه زين
والحين اشغل الشريط واحط اغنية في الجو غيم
وهي تضحك وتتاسف زاد ماخبر وراي شي يكدر الخاطر
عاد وش يرجع الرومانسيه من جديد التحويله من السياره ياسرعها والرجعه من قل مارجعت بالسهوله يبيلها حول كامل حتى ترجع
وانا ادخل البيت وانا اقول الله يرحم حال هالدميجه اللي مابراسها كوره قصدي رومانسيه
والقراده تدور اهلها
انتهت السالفه
وقبل الختام
سبحانك اللهم وبحمدك لا اله الا انت استغفرك اللهم واتوب اليك

مع تحيات
راعي العجرا
مكشات

[قوافي ( أم نهار )]

عليكم السلام ورحمة الله وبركاته
حيا الله ابو جلمبو
منى جو غيم، غيبت الرومنسيه والوناسه صارت منسيه..
لكن رومنسيه وفول !!! ماتلام ام جلمبو لو فهمت غلط،،
هذا وانتم مابعد اكلتو والمفهوميه شطحت أجل لو أنتم أكلتوه !! كان وش صار ؟؟غياب ورى الشمس والمسئوله منى جو غيم عن خراب جوكم الفولاوي..
وسع الله صدرك بالعافيه والمواقف اللي مثل هذي لها طابع خاص وجميل ،،اسعدك الله بالدارين..
تحياتي وتقديري واحترامي
..قوافي..

[حمد69]

وعليكم السلام ورحمة الله وبركاته
هلا بالغالي ابو جلمبو
ههههه ...موقف ما تحسد عليه، الشرهه على إلى كتب على الشريط بالأردو
وطير الرومانسية، هذا حالهن الضعيفات حلتهن مثل الحالة الجوية دوم متقلبة
ناقصات عقل ودين..هذا واحد من الربع ما خذ حرمته دولة اوربية وركبوا القطار
وكان جنبه حرمة اوربية طبعا شافت حرمته معه ولنهم عرب سولفت معه ..
المهم حرمته حرقت فيوز واول محطة هي محولة على وين يا حرمة:eek: ما تعرف شرقا من غربا استغرب من هذا التصرف وحول وراها
هاه، ما هذه محطتنا الحرمة على الوضع الصامت.سايلنت..
يقولها مت يالله نرجع القطار قبل لايقول الريس فاتكم القطار فاتكم القطار:D..
قالت له ليش تكلمها..قال: خلاص خلاص ما عاد اكلم احد ويرجع هو وياها لكن ما نفس الرومنسية :(..
المشكله فيوزاتهن دبلكيت.. تشاينا بالمرة يحترقن
دمت في حفظ الرحمن
ومشكور على السالفة

[ذيب الفقارة]

يقطع بليسك يا أبو جلمبو

رومانيسية وتفطرون فول !!!!

مع أم جلمبو حق تزعل

واحمد ربك انها ما صبته فوق راسك

أحسن لو أخذت فطور كبسة ولحم حاشي

تحياتي

[ابو اسامه 2]

ههههههههههههههههههههههههههههه


http://i.imgur.com/ZjwGWCG.jpg

[ناصر العلي]

وعليكم السلام ورحمة الله وبركاته
حياك ربي ياأبوجلنبو
ياسلام عليك
صحن فول قلابه وصحن فول جره وببسي كولا وخبز تميس وعلى رصيف
أشهد بالله قمة الرومانسية
آه ياأجـــ:heart:ــــمل وعـــد.....آه صابتك عين الحسد:D
أقول أنت متأكد إن الحريمة زعلت علشان منى
أخاف إنه أمّلت بعشوةٍ مضبوطة بمطعم وجلسة على أضواء الشموع ووردة حمراء بوسط مزهرية بينكم...وآخرته فول ورصيف
الله يسعدك يالغالي بالدارين
تحياتي و تقديري
مع السلامة

[مريقب العيفار]

الله لا يهينك يا راعي العجرا

الشاهد ان قلبك خضر

[راعي العجراء]

عليكم السلام ورحمة الله وبركاته
حيا الله ابو جلمبو
منى جو غيم، غيبت الرومنسيه والوناسه صارت منسيه..
لكن رومنسيه وفول !!! ماتلام ام جلمبو لو فهمت غلط،،
هذا وانتم مابعد اكلتو والمفهوميه شطحت أجل لو أنتم أكلتوه !! كان وش صار ؟؟غياب ورى الشمس والمسئوله منى جو غيم عن خراب جوكم الفولاوي..
وسع الله صدرك بالعافيه والمواقف اللي مثل هذي لها طابع خاص وجميل ،،اسعدك الله بالدارين..
تحياتي وتقديري واحترامي
..قوافي..


هلا ياقوافي يالله حييها
اجل شفتي طابع الرومنسيه في ليلة خرمسيه
ومع هذا ماكتملت الرومنسيه حولت مع الباب وهجت ويمكن الى الحين وهي تركض
وماهو راده الى مستفسى شهار ويمكن تعداه للعصفوريه
اشكرك على قمة حضورك
ومع السلامه

[راعي العجراء]

وعليكم السلام ورحمة الله وبركاته
هلا بالغالي ابو جلمبو
ههههه ...موقف ما تحسد عليه، الشرهه على إلى كتب على الشريط بالأردو
وطير الرومانسية، هذا حالهن الضعيفات حلتهن مثل الحالة الجوية دوم متقلبة
ناقصات عقل ودين..هذا واحد من الربع ما خذ حرمته دولة اوربية وركبوا القطار
وكان جنبه حرمة اوربية طبعا شافت حرمته معه ولنهم عرب سولفت معه ..
المهم حرمته حرقت فيوز واول محطة هي محولة على وين يا حرمة:eek: ما تعرف شرقا من غربا استغرب من هذا التصرف وحول وراها
هاه، ما هذه محطتنا الحرمة على الوضع الصامت.سايلنت..
يقولها مت يالله نرجع القطار قبل لايقول الريس فاتكم القطار فاتكم القطار:D..
قالت له ليش تكلمها..قال: خلاص خلاص ما عاد اكلم احد ويرجع هو وياها لكن ما نفس الرومنسية :(..
المشكله فيوزاتهن دبلكيت.. تشاينا بالمرة يحترقن
دمت في حفظ الرحمن
ومشكور على السالفة




هلابك يااخي حمد
الله يسعد اوقاتك بالمسرات
يااخي لاتشره على اللي كتب على الشريط
انا اللي كاتبه
وبالصراحه لو اني ماسك القلم بصبع رجلي اليسرى اعزك الله
كان خطي احسن
وبعدين انت عارف شهادة رابع في محو الاميه انتساب
ورسبت في تسعه دروس ونجحت في اثنين التربيه الفنيه والبدنيه
ونجحوني يبون اذلف عنهم 3 سنين في ثالث وخمس في رابع
وبعدين كل يوم تركب معي في السياره وماشافت شريط الكاسيت
ويوم صار جونا رومنسي مع الفول ويصير قدام عيونها
واالله من اقراده يارع العجرا
مع السلامه

[راعي العجراء]

يقطع بليسك يا أبو جلمبو

رومانيسية وتفطرون فول !!!!

مع أم جلمبو حق تزعل

واحمد ربك انها ما صبته فوق راسك

أحسن لو أخذت فطور كبسة ولحم حاشي

تحياتي





هلا بك ياعم ذيب
الا ياليتها صبت الفول على راس الرومنسيه
قبل ماتهج وهو حار
هل تتوقع ياعم ذيب وجهي وجه رومنسيه
مافيه امل ولا مزنه

[راعي العجراء]

ههههههههههههههههههههههههههههه


http://i.imgur.com/ZjwGWCG.jpg



هلا يابو اسامه
لوحه منتازه
هذي تصلح دعايه على كورنيش جده
شاكر مرورك يامشرفنا الغالي

[دلهميز]

حسبي الله عليه ( محمد عبده - طاحت كبده ) تفاول عليكم وغيم على جوكم الرومانسي

انا ما اشغل بالي الا البيبسي وش صار عليه !!

فيه شيئ ناقص بالسالفة


الله يعلم اني احبك ياراعي العجراء واحب سواليفك وعسى الله ان ما التقينا بالدنيا نلتقي في جنات ونهر في مقعد صدق اخوانا على سرر متقابلين

[راعي العجراء]

وعليكم السلام ورحمة الله وبركاته
حياك ربي ياأبوجلنبو
ياسلام عليك
صحن فول قلابه وصحن فول جره وببسي كولا وخبز تميس وعلى رصيف
أشهد بالله قمة الرومانسية
آه ياأجـــ:heart:ــــمل وعـــد.....آه صابتك عين الحسد:D
أقول أنت متأكد إن الحريمة زعلت علشان منى
أخاف إنه أمّلت بعشوةٍ مضبوطة بمطعم وجلسة على أضواء الشموع ووردة حمراء بوسط مزهرية بينكم...وآخرته فول ورصيف
الله يسعدك يالغالي بالدارين
تحياتي و تقديري
مع السلامة



هلابك ياعم ناصر هلا بحضورك
نعم كانت قمة الرومنسيه وتحولت الى قمة الحومسيه
وحاستنا ذيك الليله حوس وحومت اتسبدنا
تصدق يابو علي اني حلمت ذيك الليله من القهر
في منى جوغم
بس كان جوها غير قمة الرومنسيه بس ماعشيتها فول
عشيتها عدس بالطرشي شغل افغاني ويوم صحيت الصبح مالقيت السكري واتهمتها انها ماخذته
للمعلوميه يابو علي
اول مره ادري ان الرومنسيه تحتاج شمعات
ان احسب ان الشمعات مثل السراج تستعمل لاطفى الكهرب
مادريت انها بتدخل بعالم الفيزياء العاطفيه
مع السلامه

[راعي العجراء]

الله لا يهينك يا راعي العجرا

الشاهد ان قلبك خضر


هلابك يامريقب العيفار
ولاتهون
الشاهد ان قلبي فوشي

[راعي العجراء]

حسبي الله عليه ( محمد عبده - طاحت كبده ) تفاول عليكم وغيم على جوكم الرومانسي

انا ما اشغل بالي الا البيبسي وش صار عليه !!

فيه شيئ ناقص بالسالفة


الله يعلم اني احبك ياراعي العجراء واحب سواليفك وعسى الله ان ما التقينا بالدنيا نلتقي في جنات ونهر في مقعد صدق اخوانا على سرر متقابلين


هلا وغلا دلهميز
يالله حيوه
احببك الله مثل ما احببتني
والببسي طال عمرك في السياره صااك على اصبعه الباب من السرعه
ماقلت بالسالفه اني نسيته بالسياره
واذا فيه شي ناقص بالسالفه كمله من عندك بس لاتعلم احد تفضحنا
اشكرك على حضورك

[سامرنجد]

يعطيك العافيه ياراعي العجرا

اجل وش بيصر لو الي مكتوب على الشريط ايوووووه قلبي عليك التاع ههههههههه الظاهر من صيد امس ههههههههه

[خوي مخباته]

هلا ومليون مرحبا بعمي العووود ابووافي "" راعي العجــــــــــــــــراء "" يحفظـــــــــه ربي
الله لا يمسيــــــــك إلى برًضى والإيمان وطاعت الرحمن والله زعلت وزعل مهووب شوي واجد بالحيل بلحييل الله لا يعيـــــــــــــــده هــــــالنقيطــــــــــــــه خربت الجوا والرومنسيـــــــــــة والفول مع
الرومنسيــــــــــــــــــه كنوه مفطح او اعظم !!! اخوك الصغيـــــــــًـر { خوي مخباتـــــــــــة }
................................... تحياتي وتقديري وإحتراماتي ..............................

[الربذي]

رومنسية وفول قلابة ماتجي
وتميز نعمة بس حقت جفا وصلابة
اللهم لك الحمد نعم والله انا بخير ولايجوز نكران النعمة انا اتكلم عن نفسي
الله يسعدك يابو عجراء

[ابن فهدالشمري]

ههههههههههههههههههههههههه

يعيش ابو سروال وفنيله الي مقطع الرمنسية رايح جاي ^_^

الله يسعدك قل آمين

الحمد لله انك عرفت تقراء الخط ولا كان صارت علوم

اخوك محمد

[النبهاني]

وعليكم السلام ورحمة الله وبركاته
راعي العجراء يا الله حيوه
ودي افهم وشلون وفقت بين الفول والرومانسيه
انا اضوف ان فيه فرق بين منى وفي ما تقربهن لا نقطه ولا غيره والظن ان الدعوى به طلاسم
اعترف احسن لك
مشكور يا خيي

[راعي العجراء]

يعطيك العافيه ياراعي العجرا

اجل وش بيصر لو الي مكتوب على الشريط ايوووووه قلبي عليك التاع ههههههههه الظاهر من صيد امس ههههههههه


الله يعافيك يااخي سامر
اما لو الشريط مكتوب عليه مايوه قلبي عليك التاع
كان الحين الحرمه عند اهلها
والرمونسيه اقضيها بشهار من زود الوناسه

[راعي العجراء]

هلا ومليون مرحبا بعمي العووود ابووافي "" راعي العجــــــــــــــــراء "" يحفظـــــــــه ربي
الله لا يمسيــــــــك إلى برًضى والإيمان وطاعت الرحمن والله زعلت وزعل مهووب شوي واجد بالحيل بلحييل الله لا يعيـــــــــــــــده هــــــالنقيطــــــــــــــه خربت الجوا والرومنسيـــــــــــة والفول مع
الرومنسيــــــــــــــــــه كنوه مفطح او اعظم !!! اخوك الصغيـــــــــًـر { خوي مخباتـــــــــــة }
................................... تحياتي وتقديري وإحتراماتي ..............................


هلابك ياخوي مخباته
شاكر مرورك على السالفه

[الجرح الحزين]

[COLOR="Green"][/COLOR
وعليكم السلام ورحمة الله وبركاته
أسعد الله أوقاتك بكل خير
ماتلام اخيتي الضعيفه ام جلمبو
تمشيه ورمنسيه وبعدها الله يسامحك العشاء فول
الظاهر الفول هو الي خرب عليك يوم انه شق راسها شق وقت ماكنت واقف تحتري التميس
ونتبهت لشريط منى الجو غيم الحمدلله انها ماوصلتها ?هلها
لو ماهي تعزك وتغليك كان صار علوم
المفروض تعوضها بعشاء ازين منه
الله يسعدكم ويحفظكم لبعض

[راعي العجراء]

[/COLOR
وعليكم السلام ورحمة الله وبركاته
أسعد الله أوقاتك بكل خير
ماتلام اخيتي الضعيفه ام جلمبو
تمشيه ورمنسيه وبعدها الله يسامحك العشاء فول
الظاهر الفول هو الي خرب عليك يوم انه شق راسها شق وقت ماكنت واقف تحتري التميس
ونتبهت لشريط منى الجو غيم الحمدلله انها ماوصلتها ?هلها
لو ماهي تعزك وتغليك كان صار علوم
المفروض تعوضها بعشاء ازين منه
الله يسعدكم ويحفظكم لبعض


[COLOR="Navy"]ياهلا بك يالجرح الحزين
انتي شفتي كيف الرمنسيه عند ابوجلمبو
ماتحسين انه شخص متواضع
وبعدين تراي واعدتها بطلعه ثانيه بس هالمره ماهو فول المره على مطبق
واحد مالح وواحد حلو وواحد خانس
مع السلامه

[Al3rands]

ههههههههه رومانيه مع الفول عجزت تدخل مخي