المساعد الشخصي الرقمي

مشاهدة النسخة كاملة : مشورتكم في بترول 97


GMC89
06/06/2013, 06:52 AM
السلام عليكم ...

اخواني قررت ان شاء الله اشتري بترول موديل 97 - 96 و ودي بمشورتكم للي جربه او عنده خبره عنه

_ هل دبلاته قويه ويتحمل
_ هل خراباته واعطاله واجد
_ هل المكينه حرارتها ترتفع بسرعه مع الزحمات وغيرها
_ افضل البخاخ ولا الكلبريتر من ناحيه العزم واقل تكلفه صيانه وارخص قطع غيار
_ هل قطع الغيار متوفره (غاليه او معقوله )

واللي عنده اي ملاحظه ياليت يذكرها وهل تنصحوني بالربع او كامل ؟

ولا هنتوا جميعا .................... جزام الله خير
أنصر نبيك
06/06/2013, 08:37 AM
راح يستنزفك ويأكل مالك وقطع غياره نار وتجلس تصلح وتغير وتبدل وفي الاخير تبيعه بخسارة
اترك عنك مقولة القديم لايعلى عليه اصبر حتى يفرجها الله وخذ جديد مجرد نصيحة
sgl2002
06/06/2013, 11:36 AM
ممتاز مافيه خلاف


بس وين تحصل النظيف ، انا اضمن لك ان مافيه نظيف ابدا خاصه الباترول


لذلك حاول تدور شي متعوب عليه من ناحية النظافه

والباترول فيه شيئين : الحرارة وجنزير الدبل اذا الموتر مكروف بتحصل هالمشاكل فيه واذا الموتر محشوم مابتحصلها فيه
GMC89
06/06/2013, 05:19 PM
الله يبيض وجيهكم جميع

الحراره الطبيعيه كم تاصل ؟

والدبل دفرنس ماهوب جنزير ولا لا؟

ووش الافضل كلبريتر ولا بخاخ ؟
التعـ King ـديل
06/06/2013, 07:43 PM
_ هل دبلاته قويه ويتحمل
( اقوى دبلات ودفرنسات في النيسان )
_ هل خراباته واعطاله واجد
( اذا خذت نظيف ماراح تتعب معه لكن وين النظيف ؟؟؟ )
_ هل المكينه حرارتها ترتفع بسرعه مع الزحمات وغيرها
( النظيف حرارته ربع مع الزحمه وبدون )
_ افضل البخاخ ولا الكلبريتر من ناحيه العزم واقل تكلفه صيانه وارخص قطع غيار
( الكلبريتر ماتلاقي نظيف والبخاخ حلو وافضل من ناحيه العزم والصرفيه )
_ هل قطع الغيار متوفره (غاليه او معقوله )
( قطع الغيار معقوله بس فيه بعض القطع اللي ماتحتاجها دائما غاليه مثل كمبروسر المكيف والرديتر والدينمو )

واللي عنده اي ملاحظه ياليت يذكرها وهل تنصحوني بالربع او كامل ؟
( انصحك بالكامل ممتعه سواقته )
.. PATROL ..
06/06/2013, 08:26 PM
_ هل دبلاته قويه ويتحمل
افضل دبل دبل الباترول بس مشكلته الوحيده الجنزير اذا سليم ازهل الباقي
_ هل خراباته واعطاله واجد
على حسب نظافته ورجلك لكن عادة خراباته حليله وبسيطة
_ هل المكينه حرارتها ترتفع بسرعه مع الزحمات وغيرها
النظيف حرارته واقف وبحر وبزرحمة ومشغل المكيف الربع تقريبا واذا مشى اقل من كذا بكثير
_ افضل البخاخ ولا الكلبريتر من ناحيه العزم واقل تكلفه صيانه وارخص قطع غيار
البخاخ احسن اصفى ولا يغثك بالشتاء لاشغلت السيارة واقل صرفية
_ هل قطع الغيار متوفره (غاليه او معقوله )
القطع متوفرة وسعرها معقول بس في قطع سعرها غريب مثل النسافات حول 800 ريال
sgl2002
06/06/2013, 10:02 PM
حرارة الباترول الطبيعية فوق الشرطة الثانية بشوي هذا اذا كان واقف وبالزحمه والحرارة ٥٠


اما اغلب الاحيان والطبيعي في الجو المعتدل قبل الشرطة الثانية بشوي


البخاخ ممتاز لكن البساطه في الكلبريتر

احرص ع النظيف واذا بتاخذ من ٩٨ وفوق تراه اكثر تماسك
abo naser 1
06/06/2013, 10:47 PM
_ هل خراباته واعطاله واجد
اذا قطعة الاستهلاكية مغيرة ومصيون ومحركة نظيف مايطلب ابد ويشيل خرابة مايوهق

_ هل المكينه حرارتها ترتفع بسرعه مع الزحمات وغيرها
اذا هي سليمة والراس سليم نالعب فيه ومامسح ولا دبل وجة حرارة نايمة


_ افضل البخاخ ولا الكلبريتر من ناحيه العزم واقل تكلفه صيانه وارخص قطع غيار
القطع كلها وحة تقريباُ وأفضل الكربريتر الصافي


_ هل دبلاته قويه ويتحمل
مايبيلها كلام ماشفت مثيله وجنزير الدبل الشباب مكبرينها وهو لايعطلك يعطيك اشارات سنة ثنيتن انه بداء يفوت ولو ماتغيرة فقط صوت وتفويت بالدبل حسب الحالة وسعره ب 350 ريال مع شغل اليد جنزير مشدود



_ هل قطع الغيار متوفره (غاليه او معقوله )
قطع الغيار الأصلي غالي مثل مثيلاته بس فيه كثير من القطع تغيير من التشليح واذا الموتر نظيف ومصيون وصافي مايطلب

واللي عنده اي ملاحظه ياليت يذكرها وهل تنصحوني بالربع او كامل ؟
أحرص على المصيون يعني تأخذة من مستخدم نافضة من والى ويكون بدية حليو والربلالالالالات الأبواب والزجاج الديكور يكون مقبول كهربه سليم ماهو ملعوب فيه مسحب اسلاك ولاعب في الظفيرة بطنة مقبول من ربل وياي ومساعد ادفع زود ولا تأخذ موتر يحتاج صيانة

اذا عندك عايلة او راعي مكاشيت وقشان وعزب عليك بالصالون
واذا انت راعي نفود وووووعره قشرا وانت دائماً خفافي فا الربع يطربك قراد كلش ياصله وكلهن طيبات

ولتعرف الفرق بين الأثنين أنا الأن في المنطقة الجنوبية مصيف معي صالون ماقدرت أوصل لمواقع مكاشيت كنت أوصلها العام الماضي على الربع لوعورة المنطقة يحتاج موتر اقصر يدخل بين الأشجار ولا يحك او يتعلق مع الحجارة الكبيرة
hadaj
06/06/2013, 11:23 PM
اهم شي لايكون مصدوم حتى لو صدمه بسيطه تراها تأثر على السيارة
ويكون ممشاه اقل من 250الف
وعز الله انها مواتر بر وقوه في الدبل غير طبيعيه
GMC89
07/06/2013, 02:55 AM
التعـ King ـديل / .. PATROL .. / sgl2002 / abo naser 1 / hadaj


الله يبيض وجيهكم جميع ........ عز الله كفيتوا و وفيتوا ....... الله لا يهينكم

ولا يهينون باقي الاخوان



((((((((((( استفسار اخير يالاجواد كم احصل اسعرها ))))))))))))))
GMC89
07/06/2013, 06:37 PM
استغفر الله
abo naser 1
07/06/2013, 07:26 PM
((((((((((( استفسار اخير يالاجواد كم احصل اسعرها ))))))))))))))[/QUOTE]

با
لنسبة ل 6 اذا نظيف ومصيون وبودي مرشوش من 25 الى 33 حسب حالته واذا بودي وكالة من 35 وطالع للنظيف هذا سعر السوق وليس المواقع والأسعار مايحكمها الين تاقف عليها
GMC89
07/06/2013, 10:47 PM
الله يوفقك يبو ناصر عافاك الله
ابو فهد...
08/06/2013, 02:42 AM
شف الباترول بالتحمل خذ رجال بس عيبه عزمه دمار يعني بالقار تمشي مع صني
طلعة التسديه اجيها برابع امشي 180 اخر الطلعه القى هايلوكس يسقط علي
نصيحتي لك ان كنت راعي تمشي بالنفود خذه وانت مغمض واحرص على النظيف
وان كنت راعي مطامر ومراقى وهبال نصيحتي ابعد عنه وامسك عمرك وطق لك فتك
انا الحين معي ربع نيسان ابي ابيعه واطق لي باذن الله يافتك ياربع تويوتا صح ان ربع النيسان يتحمل وارسى بس يبقى حق تمشي
GMC89
08/06/2013, 06:37 AM
هلابك يبو فهد
انا طال عمرك مالي فالمطامر ولا المراقا انا راعي نفود وبالنسبه لعزم الخط انا حاط في بالي باذن الله البخاخ لانه اقوى فالعزم .... واحد من الربع عنده ربع بترول ماشاء الله لا نفودولا مراقا ولا سحب ولا تغاريز موتر يطربك ماشاء الله وانت اخبر به
الواهج
08/06/2013, 06:37 AM
ان خذيته ركب مكينة في اكس

وسلملي على شوارب الي رهمة
المسروحي
08/06/2013, 03:25 PM
والله معي 97 صالون كلبليتر ماشفت منه الا كل خير
له معي حول 3 سنوات
GMC89
09/06/2013, 02:10 AM
الله يبيض وجهك يالمسروحي انت والواهج
الواهج وانا اخوك مالي فالترهيم

قررت ان شاء الله اني اشتري اربع ابواب بخاخ فل كامل والله يكتب اللي فيه الخير