استفسار بخصوص الـ FJ الجديد

[خالد بن دعزوز]

السلام عليكم ورحمة الله وبركاته ..

حاب استفسر من اهل الخبرة بالــ إف جي الجديد ابو تانكيين بنزين
رحت للوكالة ولقيت عندهم عرض كالتالي :

FJ1 سعره 132000
FJ2 سعره 142000

والفروقات هي فقط الصاجة الامامية والهوك الخلفي والهزاز بالدبل

سؤالي هو : هل الفروقات تستحق الفرق في السعر خاصة الهزاز بالدبل ؟

مانستغني عن مشورتكم خاصة المجربين
مع العلم اني ماني راعي تطعيس

ولكم جزيل الشكر ...

[ابونبيل]

كان تبي شوري لا تشتري الافجيه تراه مو عملي مره
الميزه الي فيه ان تانكيه يمشيك 1000كيلو ماشاءالله

ولا ان جيت للبر شنطته صغيره وان جيت للركوب والنزل الباب الي ورلا شغله حتى الفل كامل مكيف فرار وقزاز السواق فقط الي ينزل بالحاله تماتك بختصار الي يحب التطعيس والسرعه بيستانس عليه اما غيره ما اظن و الحقيقه اشوف انه مايستاهل قيمته البرادو افضل لك

[manaf]

كان تبي شوري لا تشتري الافجيه تراه مو عملي مره
الميزه الي فيه ان تانكيه يمشيك 1000كيلو ماشاءالله

ولا ان جيت للبر شنطته صغيره وان جيت للركوب والنزل الباب الي ورلا شغله حتى الفل كامل مكيف فرار وقزاز السواق فقط الي ينزل بالحاله تماتك بختصار الي يحب التطعيس والسرعه بيستانس عليه اما غيره ما اظن و الحقيقه اشوف انه مايستاهل قيمته البرادو افضل لك

كلام سليم 100٪

[hadaj]

انا استخدمته عز الله انه شيخ ويعتمد عليه وترى شنطته وسيعه وتأخذ عفش كثير لكن عيبه:
الباب إللي ورا صعب شوي لكبار السن والنساء واذا جاء واحد بينزل ولا يطلع لازم تفتح له الباب الامامي

[الصخرة]

الدفلك أو الهزاز لحاله يكفي مهم جدا في حالة التعلق لا سمح الله

بدونه ما يسوى شيء حتى بالبيع

[منفلوط]

كان تبي شوري لا تشتري الافجيه تراه مو عملي مره
الميزه الي فيه ان تانكيه يمشيك 1000كيلو ماشاءالله

ولا ان جيت للبر شنطته صغيره وان جيت للركوب والنزل الباب الي ورلا شغله حتى الفل كامل مكيف فرار وقزاز السواق فقط الي ينزل بالحاله تماتك بختصار الي يحب التطعيس والسرعه بيستانس عليه اما غيره ما اظن و الحقيقه اشوف انه مايستاهل قيمته البرادو افضل لك

عز الله انك ماصدقت
الاف جي مو عملي؟؟
ياخي رح استغفر ربـك
الرجال سئل عن شي معين اما جاوبه والا لاتتفلسف

[ابونبيل]

عز الله انك ماصدقت
الاف جي مو عملي؟؟
ياخي رح استغفر ربـك
الرجال سئل عن شي معين اما جاوبه والا لاتتفلسف

جزاك الله خير على سوء ظنك بي

[باسم الرياض]

الفروقات فقط الديفلوك والارباقات اما الباقي تقدر تركبه انا مركبها بموتري وكل شي تمام التمام ولاتفرقه عن الفل كامل ولاشي شريت زر الاي تراك نفس نظام الديفلوك بس الدفرنس الامامي او معنى مانع انزلاق الزر 140ريال الهوك الخلفي ركبته 400ريال الصاجه 1200ريال وسلامتك وشريت فيش ديفلوك للزينه بس مع العلم الموتر شاريه من شهر ونص تقريبا بـ 129الف رقم واحد اللون ابيض تانكيين اخر دفعه
وسعره الحين 129بالمعارض شامل الاستماره والتسجيل ووفر 3الالف ريال للاكسسورات حقت الفل كامل وياسلام ومدام منت راعي بر وتطعيس دايم مايهم الامر اهم شي فيه دبل كاافي والاف جي ممتاز بالبر مايحتاج اهم شي تنسيم الكفرات
ومجرب موديلين مختلفه 2009 و2013 الجديد بالببر افضل بكثير حتى بدون ماانسم للكفرات ماشاءالله طيب

[صياد الجبل]

انصحك نصيحه خذلك جديد وكاله وخذ الفل كامل عشان لما تركبه ترتاح نفسيا ماتقعد تغير وتبدل وتركب وتسوي وتتقروش

خذلك الفل كامل 142 ومبروك مقدما

وتراه موتر كفو مابه عذروب

[محب القلوب]

يفيدونك الشباب

[ميدو666]

(اللي ماجرب الاف جي لايحكم عليه)
افضل موتر ويصبر وخراباته قليله بالحيل بالعربي حق كرف نقصه الوحيد طريقة فتح باب الراكب الخلفيً
خذا من واحد كان مجرب الاف جي موتر عملي جدا

[خالد بن دعزوز]

جزاكم الله خير جميعا وما قصرتو ....
بيض الله وجيهكم .. كفيتوا ووفيتوا ...

[has-120]

أخوي الأسعار في نزول
حاليا الفل كامل تانكي كبير موجود بـ 134 ألف
عند معرض اليحيى

[صالح ابو لمار]

اخوي الكريم ..

الفرق يستحق ويستاهل الفل افظلك ..
والمثل يقول اسال مجرب ولا تسال طبيب

اخوي انا معي 2011 من هو جديد وللعلم متزوج وعندي 2 وشغاله
والموتر مريحني مره لا بخط ولا بديره
عيبه الوحيد فقط التانكي وعدلوه بالجديد

اخوي اذا تبي شور مجرب خذ فل ولا تندم ابد الدفلك وال اي ترك والصاجه والهك كلها تبي تحتاجها
الصاجه حماية للسيارة من تحت
الدفل لك غني عن التعريف خاصه لو تعلق الموتر
واخوه ال اي ترك

اما من ناحية الموتر ممتاز جداً جداً
بالقياده وبالخط
وبالبر ..
الموتر عملي ولا تاخذ كلام شخص ما جرب كلها اشاعه او سمع
لو فيه شي ما مسك سعره بسوق
اتكل على الله وخذ فل ولو تبي تجرب موتري ترا تحت امرك ..
لكن تعطين دوره بموترك الجديد ..

امزح عليك ..

[GX8v]

انا معي اف جي فل 2009 من وكالته وماخليت محل والله ان اكثر استخدامي بر ومكاشيت ونفود ماشالله عليه والحين ماشي 200000 وماغيرت فيه شي ولله الحمد قوى وصبر واذا بتعذرب فهو بابه الخلفي واما ماشوفها شي مجرد ميزه في الاف جي بيمتاز عن غيره من السيارات وعلى فكره تراني احمل عليه شنطة عزبه وثلاجه وحطب و3 فرش لف لرحلات ويشيل برااااحه ماعليك من كلام الناس الي ماجربوووه والحين افكر ابيعه وطق ابو تانكي اكبر

نصيحه دامه براسك طق الفل وريح عمرك لانك اذا شريت العادي بتحسف اذا شفت الفل الكماليات تختلف ولها رغبتها ونت بكيفك

[تطنيش]

الفروقات فقط الديفلوك والارباقات اما الباقي تقدر تركبه انا مركبها بموتري وكل شي تمام التمام ولاتفرقه عن الفل كامل ولاشي شريت زر الاي تراك نفس نظام الديفلوك بس الدفرنس الامامي او معنى مانع انزلاق الزر 140ريال الهوك الخلفي ركبته 400ريال الصاجه 1200ريال وسلامتك وشريت فيش ديفلوك للزينه بس مع العلم الموتر شاريه من شهر ونص تقريبا بـ 129الف رقم واحد اللون ابيض تانكيين اخر دفعه
وسعره الحين 129بالمعارض شامل الاستماره والتسجيل ووفر 3الالف ريال للاكسسورات حقت الفل كامل وياسلام ومدام منت راعي بر وتطعيس دايم مايهم الامر اهم شي فيه دبل كاافي والاف جي ممتاز بالبر مايحتاج اهم شي تنسيم الكفرات
ومجرب موديلين مختلفه 2009 و2013 الجديد بالببر افضل بكثير حتى بدون ماانسم للكفرات ماشاءالله طيب



اتفق معه م قصر الله يعطيه العافيه

[عاشق غماره]

أخوي الأسعار في نزول
حاليا الفل كامل تانكي كبير موجود بـ 134 ألف
عند معرض اليحيى



طيب اخوي ما تدري بكم القير العادي عندهم؟؟

[هداج تيما]

اللي يقارن الاف جي بالبرادو...مثل اللي يقارن البرتقال بالتفاح.

هذا (اف جي) شبابي ..يناسب العزاب ..والعوائل الصغيرة..وراع البر المحترف واللي كثيرة كشتاته بالأماكن العسرة.

اما البرادو فسيارة عائلية كبيرة ومتكاملة، وتصلح للبر.

[ابن صبر]

السلام عليكم
اخي انت ماذكرت لنا انت وش استخدامك انت راعي قنص ولا راعي ديره ولا راعي اطعوس وعندك عائلة ولا لا
انا ابي اقولك عن تجربة واحد من العيال معاه fj 2011 مشاء الله المتر عزم وما عليه بس على كلامه انه ما يصلح الا للشباب وحق طعوس مو حق قنص ووعره يعني موتر شبابي ورياضي ما يقتنيه الا الشباب وانت شف الي يصلح لك ولستخدامك

[XRAY MAN]

إذا الإف جي مايصلح للبر أجل وش إلي يصلح

أستغرب من بعض الردود بصراحه !!

والشنطه صغيره بعد ؟!

الموتر للبر ومصمم لما يسمى ال OFF ROAD أكثر من البرادو والاندكروزر والفورتشنر

أنصحك تاخذ الفل كامل ترا الدف لوك مهم جدا جدا

[Light of live]

اخوي ..

اول شي حط ببالك ان الأف جي موتر مخصصته شركة تويوتا للأوف رود .. علشان كذا تلقى وسائل الترفيه والفخامه فيه مو ذاك الزود لأن الشركه هدفها من يوم طلعوا سلسلة اف جي انه للأوف رود يعني مخصص للبر فقط ..

الأف جي موتر يطربك .. تبيه في البر جاك سواء كان تطعيس ولا مقناص ولا اي شي ..

تبيه في الديره جاك ..

شنطته تكفي اغراض كشتة اربع اشخاص بالراحه .. اذا عرفت تستغل المساحه الموجوده ..

تركب طبق + تانكي ماء اللي يجي خلف المرتبه الثانيه + تحاول في المستقبل انك تغير المساعدات الخلفيه الى مساعدات أولد مان علشان اذا حملته واجد ماينزل

والحين نزلوا منه تانكي مزدوج .. يعني لآتشيل هم البنزين لو تبي تقطع الربع الخالي من شماله الى جنوبه " صيغة مبالغه " ..

يمشيك التانكي عن تجربة الناس اللي نزلوا التقارير 1200 كيلو بالراحه ..

وروح يآبطل مآيهزك ريح ..



عيوبه في نظري :

1- الأشخاص في المرتبة الثانيه رآح يعانون شوي من ناحية النزول والركوب .. والأشخاص المتينين ماشاء الله راح تكون فكرة انه يركب ورى فكره سيئه جداً بالنسبة له ..

2- ممشاه في السفر متعب شوي .. راح تحس ان الهواء يصفق بوجهك بسبب تصميم القزازه الأماميه ..

3- كفرات الوكاله "الدنلوب" مامدحوها اهل الأف جي .. علشان كذا يغيرونها ..



انا يا محدثك معي كرآون فكتوريا 2007 وان شاء الله في القريب العاجل راح اخذ اف جي قير عادي أبيض جديد .. الله واعلم متى بس ان شاء الله من سنه الى سنه ونص واهو معي ..


اتمنى اني افدتك ..