إستشاره هامه في تركيب العازل الحراري من أهل الخبره

[alamri111]

السلام عليكم ورحمة الله

الأخوه الأعزاء في هذه ا المنتدى الغالي أنا على وشك إستلام سيارتي الجديده إن شاء الله
باجيرو 2012 فل كامل وأرغب في تركيب العازل الحراري من الأنواع العالميه ذو الجوده العاليه وأيضاً تركيب البطانه العازله للصوت والحراره في الأرضيه والسقف فأرجو من الأخوه الكرام ذوو الخبره تزويدي بأفظل الأنواع في هذا المجال ومحلات تقديم هذه الخدمه في

كل من الرياض وجده ولكم جزيل الشكر والعرفان

[alamri111]

أفاااا

وين الردود محتاجين فزعتكم قبل نتورط

[اسدهم]

امسك سرا لين يجيك واحد مطفي النور ويجاوب اول شي ثري ام الخدمه حلوه بس بعد خايسه ماعندهم مصداقيه بعد

[راعي الرود]

Drive 7

3M

:)

[:: AhMaD ::]

بأعرض عليك تجربتي :)

أنا ركبت على سيارتي عازل حراري من 3M ..
والحقيقة ما كان يهمني العزل الحراري بقدر ما تهمني الخصوصية ..
وكنت بأركب تظليل عادي ، بس مشكلته كل سنة تقريباً لازم تجدده ..
فاتجهت لـ 3M لأنها كانت أرخص شي لقيته تقريباً ..

بعد ما ركبته ، عرفت قيمة العزل الحراري ..
والحمد لله اللي وفقني لتركيبه ، ولو استقبلت من أمري ما استدبرت لاتخذت نفس القرار ولا ندمت عليه ولله الحمد ..

النوعيات أو الشركات الثانية ما أقدر أفيدك فيها لأني ما جربت منتجاتهم ..
أنا ركبت الـ 3M لأن سعرها كان معقول بالنسبة لي (اكسبديشن كلفني مع حماية الشمعات الأمامية 1800 ريال تقريباً) .. وضمان عشر سنوات على العازل .. وخمس سنوات على حماية الشمعات ..

ركبته في جدة في محل على طريق المدينة النازل .. نسيت اسمه .. ولو حبيت جبت لك اسمه ورقم تلفونه عندي في كرت الضمان ..

والله يكتب لك اللي فيه الخير ..

[bosalih]

اخي الفاضل .. اذا تبحث عن تضليلة عازلة شف موقع http://www.cobone.com/deals/riyadh