المساعد الشخصي الرقمي

مشاهدة النسخة كاملة : حبيت استفسر عن ورشة سوافي بالرياض هل هي جيده للتمديد فيها


أبيك
07/06/2013, 05:16 PM
السلام عليكم اعتذر عن هذا الخطأ الغير مقصود


حبيت استفسر عن ورشة سوافي بالرياض هل هي جيده للتمديد فيها ؟؟

واتمنى من الاداره تعديل العنوان شاكر ومقدر
ابوخالد
07/06/2013, 10:53 PM
حسب تجربتي لثلاث سيارات أقول ماشاء الله شغلهم مميز وبخبره فنيه عاليه ولاجربة غيرهم والشباب ما يقصرون
أبيك
08/06/2013, 09:04 AM
أجل بتوكل على الله .. لاهنت يبو خالد
جراند شروكي
08/06/2013, 02:22 PM
انا مجرب سيارتي عندهم ومركب بطاريه اضافيه لديهم بصراحه ما حصل معي اي ملاحظات الى الان ولله الحمد ،،،،،
الضرغامي
09/06/2013, 04:51 AM
http://www.mekshat.com/vb/showthread.php?t=357519 ادخل هالرابط وان شاء الله اني افدتك
عبون الجواء
09/06/2013, 08:14 AM
انا مجرب سيارتي عندهم ومركب بطاريه اضافيه لديهم بصراحه ما حصل معي اي ملاحظات الى الان ولله الحمد ،،،،،

انا كذلك نفس الشيئ بالتوفيق لك
تقبل تحياتي ابو صالح
أبيك
09/06/2013, 08:52 AM
الضرغامي ... كلامك رجعني خطوتين ورى .. يعني الدعوا فيها كهرب وتمديد وماهي ناقصه شغل رديئ .. وقطع رديه ... وأنا لي خبره بشغل الكهرب .. راح اطلب من راعيه يخليني اطلع وش هو بيركب .. أن رفض .. ف دراهي في جيبي وقطعه عنده
مكشاتي111
09/06/2013, 10:08 AM
اخوي بالنسبة لورشة سوافي ترى فيه البديل

ورشة ابو سليمان المنديل شغل بامانة تركيب بطارية اضافيه

وتمديد وهذا جواله 0504472382 والله يشهد علي مابيننا صلة قرابه
* ابو باسل *
09/06/2013, 10:42 AM
اخوي بالنسبة لورشة سوافي ترى فيه البديل

ورشة ابو سليمان المنديل شغل بامانة تركيب بطارية اضافيه

وتمديد وهذا جواله 0504472382 والله يشهد علي مابيننا صلة قرابه



هو نفسه صاحب ورشة سوافي هههههههه
ريحه الخزامى
09/06/2013, 01:36 PM
الموضوع فيه نفض غبار ل موضوع قد طرح من قبل

وارجو احسان النيه ، وعدم قطع الارزاق

الله يهدي الجميع
manaf
09/06/2013, 01:44 PM
من تجربتي بسبب تمديد بطارية اضافية سببلي التماس في الظفيرة واجبرت على تغير الظفيرة والاغاء الفكرة من اساسيها
راعي بوضاء
10/06/2013, 03:42 PM
والله يالربع السوافي مشهوره بس من تالي صار شغلهم لك عليه اعرف واحد مركب عندهم بطاريه اضافيه ومحول وماطور هواء ولمبات والله ماكملت شهر المحول خرب والماطور الي يهرب والمبات طفا كم وحده والله لا يخسر. والسعر نار فوق 2500 وكله صيني
خيال الغلبا
10/06/2013, 04:01 PM
انا اشتغلت عندهم سيارتين

مواد تجاريه وصينيه ونفسيئة سيئة وتعامل سيء

وشغل لك عليه

طع شوري وانحش

واسعار خياليه استغلال وجشع
اثري
12/06/2013, 09:14 AM
الحقيقه أن سوافي شغلهم مرتب والسيارات اللي شفت شغلهم فيها من تركيب بطارية أضافيه ولمبات للكبوت مبدعين في التمديد وعملية التوزيع ووضع الفيوزات ليتنا نحصل من يشتغل صح لو سعره الضعف عن الغير
مـاجـد الحـمـيـد
12/06/2013, 10:55 AM
بالنسبة لي . . فلي تجربه جداً جداً جداً ناجحه مع ورشة سوافي . . فقد عملت لديهم تمديدات للشاص وتركيب ثلاجه وبطارية إضافية . . ولم تواجهني أية مشاكل . . حتى يومنا هذا . . مع العلم أني عملت لديهم التمديدات قبل ( ثلاث سنوات ) . .

تحياتي للجميع
عبدالرحمن.1
12/06/2013, 03:06 PM
ورشة الصبي مخرج 15 تعامل جدا راقي
web
12/06/2013, 03:49 PM
طيب يااخوان انا ابي اركب بطاريه اضافيه

وافكر بشكل جدي في القطعه حقت رفيق الدرب مافيها لاتسليك ولا لعب في الظفيره ولا شي توصله من البطاريه الاساسيه وعلى كلامهم تبدا تنشحن بعد شحن البطاريه الاساسيه

وش رايكم فيها للي جربها ( الي جرب ) فقط
طرقشون
12/06/2013, 07:15 PM
عندك ورشة ذئاب الصحراء صناعية 18 الجديدة

صاحبها عمر الزمامي يشتغل بنفسه مع العمال

دقة ونضافة وقطع ذات جودة عالية جدا واهم شي الامانة في الشغل

قل له مرسلني عليك ابوعبدالعزيز ومهوب مقصر معك ان شاء الله

وقبل تركب مرة خله ويريك القطع الي بيركبها لك ومر السوافي وقارن بينهم

0551111950

لاتنسانا من الدعاء
محمدالعريني
13/06/2013, 01:57 PM
عندك ورشة ذئاب الصحراء صناعية 18 الجديدة

صاحبها عمر الزمامي يشتغل بنفسه مع العمال

دقة ونضافة وقطع ذات جودة عالية جدا واهم شي الامانة في الشغل

قل له مرسلني عليك ابوعبدالعزيز ومهوب مقصر معك ان شاء الله

وقبل تركب مرة خله ويريك القطع الي بيركبها لك ومر السوافي وقارن بينهم

0551111950

لاتنسانا من الدعاء

ورشة عمر الزمامي انا اجزم. انها من اجود الورش في الشغل لكن غالي نسبيا
محمدالعريني
13/06/2013, 01:58 PM
صار معي موقف قبل يومين انا مسلك عند الصبي ومعي سياره ثانيه قلت بنقل الاغراض من هالسياره للثانيه
تدرون كم قال 1250 ريال
وانا مكلفني التسليك مع الادوات 1750 في اول مره
طبعا هجيت منه لانه رفع اسعاره وبدا الطمع فيهم مثل اي ورشه تنجح
ورحت لابو سليمان المنديل
وقال يكلفك النقل 400 ريال
لاحظتو الفرق ياجماعه
وتم النقل عنده واضفته مع النقل تركيب لمبة ليد اضافيه ونقل ونش بالقاعده حقته للسياره الثانيه وتعدي في قاعدة الثلاجه وكل هالشغل 950 ريال ومن احسن مايكون
abo-lma
13/06/2013, 06:47 PM
هو نفسه صاحب ورشة سوافي هههههههه




غلطان يا رجل أبو سليمان المنديل ماهوب صاحب ورشة سوافي

صحح معلوماتك
تميم2222
14/06/2013, 02:57 PM
السوافي اول الحين. ترا. يحوس في شغله. رح. لفوز باي فور. ولا الزمامي
أبيك
15/06/2013, 12:47 PM
معذرة على الانقطاع بسبب السفر ...

الحقيقه الواحد يحتار .. ورشة سوافي القدماء الي ركبوا من عندها يمدحونها .. وحديثي التركيب مايمدحونها يعني يبين ان شغله اختلف وقطعه ماهي بجودة قبل ... وكثير من الشباب مدحو ورشة الزمامي .. لاكن مشكلة مافيه تقارير بالمنتدى لواحد من الشباب مركب من عندها او يعطينا نبذه مصوره .. وانا ان شاء الله عما قريب رايح اشوف شغله واخذ جوله عنده وعند سوافي وبحاول اني انزل صور للورشتين وشغلهم
ابو عنقا
16/06/2013, 09:29 PM
السلام عليكم ورحمة الله وبركاته

ابو سليمان شهادة حق انه افضل من أي ورشة ويشتغل بأمانة وأخلاص

لي أكثر من 5 سنين وأنا مدد عنده ولا شفت أي عذروب من شغل ابو سليمان

تحياتي
ابأ محمد
17/06/2013, 12:04 AM
شغلهم ممتاز ودقه عاليه وقديمين باالشغله مره

بس العيب انهم غالين شوى وزحمه
أبوتركي الخالدي
17/06/2013, 12:07 AM
ابوسليمان ممتاز جدا

اشتغل سيارتي وسيارة خالي

العام
سيف الظفير
17/06/2013, 01:25 PM
ورشة الصبي ولا تتعداها

واكتب عنها في قوقل وشف الشغل النظيف

والنفس الراقية من صاحب الورشة
ابو الضيف
20/07/2014, 02:55 PM
بختصااار شديد اخلاق راعي المحل زفت وبذات إذا كان عنده زباين ومزحوم انا ما ادري وين المشكله لو احسن اخلاقه زي يوم كانت الورشه فاضيه او المغزى كيف اخذ فلوسك وبس يعلم الله إن اسلوبه يرفع الضغط وانا ما اهدد لا كن لولا فارق العمر وشعره الابيض كان تقاسمنا الشر يالي ياله