مشورتكم بارك الله فيكم في ترهيم مكينة ls1

[ابوتركي83]

السلام عليكم ورحمة الله وبركا
اخواني مشورتكم في ترهيم مكينة ls1 على باترول ربع طبعا ناس كثير يقولون ترهيمها ما يضبط من نا حية الاعطال والمشاكل وناس قليل يقولون ناجحه وضابطه معاهم
فياليت تشورون علي طبعا الاداء معروف لهالمكينه بس ودنا اللي عنده خلفيه اي الكباتن المعروفين اللي يضبط شغلها ويبعدك بعد الله ان شاء الله عن هالمشاكل اللي تعرفونها
لاني صراحه متخوف من موضوع المشاكل بحكم اني مو قريب من الكباتن
والله يحفطكم ويرعاكم وسامحوني على الاطاله.

[abo naser 1]

وش نوعية أستخدامك

[ابوتركي83]

استخدام السياره لغير القنص غالبا محيط السياره 50 كيلو طعوس ومراقي في منطقه تطعيس وكشتاات اوقات الاجواء المعتدله والشتويه طبعا المنطقه عندنا اوقات الشتاء يكثر فيها التطعيس والكشتات
والله يحفظك ويرعاك.

[abo naser 1]

ااذا هذا أستخدامك وقريب ومعك موتر ثاني للأستخدام اليومي فهذا جو المرهم

اذا وفقك الله بمحرك نظيف مامشى واجد قبل ماتركبه على الموتر تصونة تنظف الثلاجة تغير سبرنقات وأصياخ وجلد بلوف جديدة طقم وجيه طرمبة ماء طبعاً هذا الي يبي يشتغلك تشرط عليه لأن الي جايب المكينة في الغالب صاحب الموتر والكرج يركبها دايركت الا المنصح فيهم

ثانياً من ناحية المشاكل اذا التجليس والتحويلة ومجموعة الكلتش من علب وكلتش وفحمة موزونه صح بأذن الله ما تواجه مشاكل وكذلك الظفيرة مختصرة صح وماهي ميبسة من الشمس مع كتاوتات أصلية
هذي أهم شي والباقي بأمكان أي ميكانكي صيانتها وبأذن الله اذا شغلك مرتب ما تحتاج الا كل موسم تشييك وصيانه خفيفة واذا تبي المحرك يعيش معك غير الزيت بأستمرار لا تناظر العداد لأن أستخدامك اداء عالي وعليك بالزيت الخفيف لاتقرب 50-20
وكل كراج وله طريقته ونوعية القطع الي يشوف أنها أفضل أهم شي التحويلة و الكلتش ومجموعته لا تتعبث فيها الا من قبل مختص

عندي موتر ولله الحمد له حول سنتين أغلب الاستخدام في النفود بيني وبينه 100 كيلو ماسبق انه عطلني او شلته بسطحا لعطل مفاجئ مع ان ترهيمي في كراج غير معروف
الأعطال الي واجهتها
1- تقطع اول مارهمت الموتر والسبب الظفيرة يابسة الأسلاك تكسر غيرتها وله فوق السنة
2- تهريب طرمبة الماء فيها ضربة من الموتر المشلح المكينة منه غيرتها أضن ب 200 ريال
3- عدم التعشيق بشكل نهائي أثناء الوقوف السبب علبة الكلتش السفلية قديمة شريتها ب 110 ريال
4- انكسار سبرنق وانعوج البلف وتم تغييره مستعمل من الأرض في الورشة
واذا تبي كراج من ناحيتي أشوف توب بور أبو علي الجديعي بشقراء شغل مرتب لحام ارقون خياطة يصون المكينة قبل التركيب شغله مجرب المواتر الي مجلسها مرغوبة عند البيع والله يعينك أحسب 25 الف وفيها

وفي الأخير الأعطال على رجلك مافيه أشكاليه تطرب عمرك بس تعرف متى تعطيه ومتى ترفق عليه وتناظر وتحسس وتعايير وتشيك على الموتر بنفسك لتكتسب لو بعض الخبرة

[ابوتركي83]

ااذا هذا أستخدامك وقريب ومعك موتر ثاني للأستخدام اليومي فهذا جو المرهم

اذا وفقك الله بمحرك نظيف مامشى واجد قبل ماتركبه على الموتر تصونة تنظف الثلاجة تغير سبرنقات وأصياخ وجلد بلوف جديدة طقم وجيه طرمبة ماء طبعاً هذا الي يبي يشتغلك تشرط عليه لأن الي جايب المكينة في الغالب صاحب الموتر والكرج يركبها دايركت الا المنصح فيهم

ثانياً من ناحية المشاكل اذا التجليس والتحويلة ومجموعة الكلتش من علب وكلتش وفحمة موزونه صح بأذن الله ما تواجه مشاكل وكذلك الظفيرة مختصرة صح وماهي ميبسة من الشمس مع كتاوتات أصلية
هذي أهم شي والباقي بأمكان أي ميكانكي صيانتها وبأذن الله اذا شغلك مرتب ما تحتاج الا كل موسم تشييك وصيانه خفيفة واذا تبي المحرك يعيش معك غير الزيت بأستمرار لا تناظر العداد لأن أستخدامك اداء عالي وعليك بالزيت الخفيف لاتقرب 50-20
وكل كراج وله طريقته ونوعية القطع الي يشوف أنها أفضل أهم شي التحويلة و الكلتش ومجموعته لا تتعبث فيها الا من قبل مختص

عندي موتر ولله الحمد له حول سنتين أغلب الاستخدام في النفود بيني وبينه 100 كيلو ماسبق انه عطلني او شلته بسطحا لعطل مفاجئ مع ان ترهيمي في كراج غير معروف
الأعطال الي واجهتها
1- تقطع اول مارهمت الموتر والسبب الظفيرة يابسة الأسلاك تكسر غيرتها وله فوق السنة
2- تهريب طرمبة الماء فيها ضربة من الموتر المشلح المكينة منه غيرتها أضن ب 200 ريال
3- عدم التعشيق بشكل نهائي أثناء الوقوف السبب علبة الكلتش السفلية قديمة شريتها ب 110 ريال
4- انكسار سبرنق وانعوج البلف وتم تغييره مستعمل من الأرض في الورشة
واذا تبي كراج من ناحيتي أشوف توب بور أبو علي الجديعي بشقراء شغل مرتب لحام ارقون خياطة يصون المكينة قبل التركيب شغله مجرب المواتر الي مجلسها مرغوبة عند البيع والله يعينك أحسب 25 الف وفيها

وفي الأخير الأعطال على رجلك مافيه أشكاليه تطرب عمرك بس تعرف متى تعطيه ومتى ترفق عليه وتناظر وتحسس وتعايير وتشيك على الموتر بنفسك لتكتسب لو بعض الخبرة

الله يعطيك العافيه اخوي ما قصرت
بالنسبه للخبره في الميكانيكا موجوده بس شغل الترهيم ما عندي خبره فيه وصراحه حمستني والله لكن تنصحني ارهم السياره عند مين وياليت لو ترتبهم بالافضليه عشان يكون فيه خيارات لي
والله يحفظك ويرعاك.

[abo naser 1]

الله يعطيك العافيه اخوي ما قصرت
بالنسبه للخبره في الميكانيكا موجوده بس شغل الترهيم ما عندي خبره فيه وصراحه حمستني والله لكن تنصحني ارهم السياره عند مين وياليت لو ترتبهم بالافضليه عشان يكون فيه خيارات لي
والله يحفظك ويرعاك.


وانا أخوك السؤال هذا صعب ولو تطرحه في المنتدى كلاً بيقولك الصمعاني وبدر الحمد لشهرتهم في هذا المجال وكلهم خبرة ومافيهم قصور وشهادتي مجروحه فيهم

لآكن الي انصحك فيه الجديعي بشقراء ثناء من الكباتنة على شغله وترتيبة رأيت الكثير من المواتر تجي بسطحات للرياض لتفصيل هدرزات شغله جداً أعجبني وترتيبه ومواتره مرغوبة عند البيع متمكن واقف على شغله لديه عمالة خبرة

[ابوتركي83]

وانا أخوك السؤال هذا صعب ولو تطرحه في المنتدى كلاً بيقولك الصمعاني وبدر الحمد لشهرتهم في هذا المجال وكلهم خبرة ومافيهم قصور وشهادتي مجروحه فيهم

لآكن الي انصحك فيه الجديعي بشقراء ثناء من الكباتنة على شغله وترتيبة رأيت الكثير من المواتر تجي بسطحات للرياض لتفصيل هدرزات شغله جداً أعجبني وترتيبه ومواتره مرغوبة عند البيع متمكن واقف على شغله لديه عمالة خبرة

مشكور اخوي ابو ناصر الله يعطيك العافيه كفيت ووفيت.

[.. PATROL ..]

طيب اخوي شرايك بمكينة اللكزس

ارخص تكلفة وعملية اكثر من الثمانية سلندر

صح ان عزمها اقل من الثمانية سلندر لكن عزمها كويس مرة

واعطالها قليلة

[ابوتركي83]

طيب اخوي شرايك بمكينة اللكزس

ارخص تكلفة وعملية اكثر من الثمانية سلندر

صح ان عزمها اقل من الثمانية سلندر لكن عزمها كويس مرة

واعطالها قليلة

الله يعطيك العافيه اخوي وشكرا على مشورتك
بالنسبه لمكينة اللكزس التورك فيها ضعيف وهذا اللي انا احتاجه في الطعوس
وما دام اني برهم مكينة آخذها من قاصرها واركب اللي يطربني في الطعوس
والله يحفظك ويرعاك.

[abo naser 1]

لااله الا الله

[abo naser 1]

طيب اخوي شرايك بمكينة اللكزس

ارخص تكلفة وعملية اكثر من الثمانية سلندر

صح ان عزمها اقل من الثمانية سلندر لكن عزمها كويس مرة

واعطالها قليلة

تحية طيبة أخوي PATROL


س/هل معك موتر عليه لكزس لتتحفنا بتجربتك؟

يليت الأخوان في حال مشاركتهم في موضوع أو رأي أن يكون مشاركته تثري الموضوع بالفائدة وليس مجرد المشاركة أقراء
(صح ان عزمها اقل من الثمانية سلندر لكن عزمها كويس مرةواعطالها قليلة)
أنت لم تفرق بين 6 و 8 سرندل كلها 8 سرندل

سيارة دفع رباعي وقديمة أحط 18 الف ريال وترهيم ومشاكل عشان مكينة تمشي بالخط 220 كيلو في الساعة على موتر متطلق أعتبرها أنتحار واذا جا أستخدامها الحقيقي وشغلت الدبل نامت مافيه مقارنه نهائياً
وهل سئلت من جرب هذه المكينة كم كلتش وفحمة ركب مع الترهيم لآبد من المشاكل
كم موتر معروض عليه لكزس في كل موقع ومكان
في حال العطل في محركات الأمريكي على الأقل تصلحه وانت بارد قلبك ومطيب خاطرك منه ماتحسف عليه اذا انطربت

[عصاقيل الدخله]

اخوي ابو تركي ,,, فيه باترول نظيف وجاهز موديل 96 عليه مكينه 6 لتر موديل 2005 تحويلة قفاري الموتر متعوب عليه صورته اللي بالتوقع ... اذا لك نظر راسلني

[ابوتركي83]

اخوي ابو تركي ,,, فيه باترول نظيف وجاهز موديل 96 عليه مكينه 6 لتر موديل 2005 تحويلة قفاري الموتر متعوب عليه صورته اللي بالتوقع ... اذا لك نظر راسلني

الله يعطيك العافيه اخوي الباترول موجود عندي بس ينقصه ترهيم المكينه.
والله يحفظكم ويرعاكم.

[ابو هاجسس]

ايش يعني تحويله ياشباب هههههههه

معليييييش انا قديم من زمن الطيبين اشتري المواتر زي ماهي بدون عمليات تجميل ^ ^

[ابوتركي83]

ايش يعني تحويله ياشباب هههههههه

معليييييش انا قديم من زمن الطيبين اشتري المواتر زي ماهي بدون عمليات تجميل ^ ^

هههههه حلوة عمليات تجميل
التحويله اخوي تجي بين المكينة والقير عشان القير ياباني والمكينة امريكي ما تركب على بعض الا بالتحويلة

[سيد النشاما..]

ابوتركي
معنا سفاري رهمناه مكينة لكزس على اساس يقاوم الفتك ويروح عليه
ولكن للاسف عزمه ضعيييف مرررة مقارنة بالفتك
ومن ناحية ال ls1 هذي تستاهل صراحة من يتعب لها
لكن ...
الترهيم بشكل عام معقد وتجي ايام تكره السيارة من المشاكل اللي تصير فيها وتوصل انك معاد تعتمد على السيارة بوقت الطلعات والكشتات
اذا تبي الشور بع السيارة واخذ بدالها جمس مكينة ٨ سرندل جاهزة شد وكالة واطرب عمرك
وبيعيش معك وبيوصلك وين ماتبي ومعروفة مكاين الجمس .. وابعد عن الترهيم والls1 والامور ذي

هذا رآيي لك والله يدلك

[الكدن1]

السلام عليكم
مكاين الامريكي ماتطربك الا بتعديل داخل المكينة وتخفيف الموتر لا تقيسه على سيارنه الاصل
(الامريكي) لان قير ودفرنسات الباترول تحشر المكينه
لكن الله يعينك على زيارة الورشات
ماتسلك المكينه الا اذا كانت استخدام يومي بدون تعديل وشغل ممتاز

[الصافي9]

مشكور،،،،،،،،،

[ابوتركي83]

الله يعطيكم العافيه اخواني مشكورين على مشاراكاتكم ما قصرتم