تكفون ياشباب الفزعه

[رعّآد]

السلام عليكم ورحمه الله وبركاته
اخواني المكشاتيه
عندي جيب ربع قديم 84 فيه تفتفه وتقطيع نظفته وغيرت إصلاح راحت التفتفه وباقي التقطيع علما اخواني انا فكيت الكلبريتر وباحاول في إصلاحه ولا ادري وش اسو فيه

[حمزةعبدالمطلب]

هلا اخوي رعاد فك سلك الدعسة والمسامير الأربعة والتوصيله البلاستيك البيضاء اخوي اذا طلع الموتر في طلعه قويه يطفي والتقطيع باستمرار في الثالث او الثاني

[رعّآد]

اي والله صادق وبعد ما افكها وش اسوي فيه

[حمزةعبدالمطلب]

اي والله صادق وبعد ما افكها وش اسوي فيه




حلوه والله صادق
افصل سلك الكهرباء وتيله تحت الدعسة حقت البنزين والليات كامل هواء وبنزين
واذا خرج الكلبريتر
1. فك ماصورة البنزين اللي يركب فيها لي البنزين قبل كل شى علشان تقدر تفكها
2. فك مسامير الغطاء ونتبه على الوجه شوي شوي
3. قم باخراج المسمار حق العوامة ثم فك الإبرة تحت العوامة مباشرة بسكروب كبير ونظفها جيدا
4. فك اسبرنق الهواء الظغاط في الغطاء مباشرة في الوسط نظفه جيدا علشان يوزن معك الهواء صح
5. فك المحضر وفك الصبابات حقت البنزين ونظها جيدا
6. فك إبره الهواء وقلي كم المقاس حقها ونظفها جيدا ونظف حجرتها جيدا بالبخاخ والبنزين
7. فك صامولة العوامة الحجرة اللي اتعبي بنزين طبعا ثنتين مقاس 14
ثم ادخل السكروب من فتحة الصاموله سكروب عادي على الإبر كل فتحة لها إبرة بنزين وقلي كم مقاس الإبرة حقت كل حجرة
7. لا تنسي تنظف المجري حق التحضير للبنزين بإبرة خياطه او اي شئ
وقم بتحضير البنزين كيف انا أقول لك
عبئ حجرة العوامة بنزين ثم ادعس بالدعاسه فرها بيطلع لك البنزين من فتحة المحضر سكرها باصبعك وخل البنزين يخرج من المجري
الحاجة اللي ما فهمتها عطني خبر