المساعد الشخصي الرقمي

مشاهدة النسخة كاملة : ردي لابو هديل مع التحية


الجندي2005
30/09/2006, 02:21 AM
الى الأخ ابو هديل و المهلي ما يولي والبقية



ســـــلامي على اللي كتب باذلين المـــال
******************** على الجود والناموس تمشيه وتدله
ســــــــلامي لابو هديل و قدرهم بالبال
******************** والا لا هـــان المهلـــي ريس الشله
وبقيه سلامي نرسله على اللي لا زال
******************** تصــــفح بها المنتدى يازين هالـطله
صحيح لا قالوا ان الرجال زين افعال
******************** هذولا هم اللي مع السفرات ما تمله
سلايل ارجــــال تتعب تقول ارجـــــال
******************** الا تكرم لحاهم عن اللي قربهم عله

رد متواضع ارجوا تقبله
ابوهديل 8
30/09/2006, 06:19 PM
يا مرحبا فيك اخوي الجندي 2005 كفيت ووفيت بارك الله فيك وخذ الرد مني والعذر والسموحه عن القصور:

هلا مرحبا بك واستلم ردنا بالحال*****تحيه نخص ابها رجالن على المله
هلابك عزيزوقدركم مرتفع مامال *****ولايلحقك تقصير ياصاحبي لله
كلامك عسل حالي مصفى من العسال***ينومس ويبري ياجماعه من العله
شهامتك زايد فوقها للحمل شيال *****وعلمن رزينن يم مكشات تشتله
تفضل وشد الحيل بالحيل ياخيال *****وصاحب رجالن تنفعك والردي خله
لهم ميزتن قد خصها الله بهم وثقال*****رزانه وعلمن غانمن دوم مدله
وبعد عن اللي فيه وشه وزود هبال**** ليا من طرى له علم لو هو ردي هله
وياخوي يالجندي خذ العلم من خلال*** رساله تخصك كل شئ ٍ على حله

وسلامنكم
الذعذاع الحربي
30/09/2006, 07:07 PM
الاخ الجندي 2005
صح لسانك ومشكور اخوي على الرد الجميل وننتظر مشاركاتك عساك سالم

الاخ ابو هديل 8
صح لسانك على القصيده ومشاركتك أعتبرها عني والعين ماتعلى على الحاجب وعساك سالم
ابوهديل 8
30/09/2006, 07:44 PM
ياهلا بك اخوي وشاعرنا الكبير المهلي مايولي الله يعلي مقدارك ويبارك فيك طلتك تكفي الله يعطيك العافيه عزيز وغالي.
الجندي2005
01/10/2006, 02:08 AM
تسلم يابو هديل صح لسانك ولا يهون المهلي............. تحية للجميع
انا رفيقي ما هو شمـــاغ عليه عــــــقال
********************** زحول الرجال اللي على الطولات تفطن له
ان رفيقي مثل شــــــرواك طيبين الخال
********************** تســــــابق على النــــاموس وتتكل وباللــه
زمــــــانٍ قالوا ان كل وقت وفيه ارجال
********************** جمــعنا منتدى المكـــشات ويجمــــــــع الخله
انا بختصر قولي عن الجاهل وعن ختال
********************** عســــى الله يحفظ امتنا ويحفظ الله عـــــبدالله
عبدالله اقصد ابو منعب حفظه الله
مقدور
01/10/2006, 02:18 AM
ياسلااااام

امتعتونا بهاالمحاوره الرائعه
ابوهديل 8
01/10/2006, 05:07 AM
صح لسانك اخوي الجندي 2005 وشكرا ً على رحابة صدرك وردك الجميل وابشر بقصيده اخرى كما لايفوتني ان اشكر اخونا مقدور على مروره وتشجيعه ودمتم سالمين وغانمين ان شاء الله.