طلـــــــــــب أستشــــــــــــــــــاره مــــــــن راعيــــــــــن الجــــموس

[راعي المعرض]

السلام عليكم ورحمة الله وبركاته
اللهم بلغنا رمضان ويسر لنا صيامه وقيامه






:s:s:s:s:s:s:s:s:s:s:s:s:s:s:


اخواني اعضاء منتدى مكشات الكرام عندي استشاره في موضوع ولا أستغنى عن اراءكم ومقترحاتكم خصوصاً اهل الخبره بالجموس القديمه

اخواني الأعزاء انا بعت سيارتي وأبي موتر بر وصندوق بنفس الوقت وداخل مزاجي الجمس المصحف القديم موديلات الثمانينات وحصلت واحد موديله 85 مصفح قطع 25 دبل ويوم جزمت ابشريه طبعاً الموتر نظيف ماشاء الله قالي واحد من الشباب لا يفربك هاالموتر مافيه اكثر من خراباته ويقول انا المصفح معروف بكثرة الخرابات اذا كانت ناوي تشتري جمس حوض قديم خذ لك مفخذ ازين من المصفح طبعاً انا داخل مزاجي المصفح اكثر
سؤالي لكم الله يحفظكم هل كلام الرجال صحيح بكثرة خرابات المصفح وأن المفخذ افضل منه

شكراً جزيلاً لكم مقدماً

[راعي المعرض]

99 شخص قرأ الموضوع ولا واحد يفكر يحط كلمه ولو جبر خاطر ولا سلام من بعيد

[مدهوش]

الفقع حول الرقه والمصفح هو المفخذ والعكس صحيح الفرق بينهم الصندوق فقط وكلهن مامن صمله لا المصفح ولا المفخذ لكن اذا عازم على رايك توكل على الله واشتر سواء هذا او هذا

[بيتهوفن]

بالمختصر المفيد
الجمس شيخ لكنه يخليك تتعرف على كل أهل الصناعية وبياعين القطع

بالعربي ابعد عنه واشترلك شاص ولا هايلكس دبل أحسن واريح وبياع

[راعي المعرض]

الفقع حول الرقه والمصفح هو المفخذ والعكس صحيح الفرق بينهم الصندوق فقط وكلهن مامن صمله لا المصفح ولا المفخذ لكن اذا عازم على رايك توكل على الله واشتر سواء هذا او هذا

والله ياخوي مدهوش ودي بالجمس يعني الفرق بس بالصندوق ولا المحركات نفس بعض
شكرا لك اخ مدهوش

[راعي المعرض]

بالمختصر المفيد
الجمس شيخ لكنه يخليك تتعرف على كل أهل الصناعية وبياعين القطع

بالعربي ابعد عنه واشترلك شاص ولا هايلكس دبل أحسن واريح وبياع

اخي بيتهوفن انا رجال ارفق على الموتر منب من الناس اللي يوجورون على المواتر وبعدين انا اذا جزمت ابدور موتر ناهي ونظيف ماعندي استعداد ازين هالخجم:p

اما بالنسبه للشاص فهو غالي ما اقدرعلى قروشه
اما الهايلكس ماش جربته ما جازت لي

اشكرك اخ بيتهوفن

[مكشات ماركة]

العلم طال عمرك كلهم نفس الشئ سوا مصفح او مخصر مجرد شكل للصندوق والجمس ما عليه كلام
انصحك بالنظيف والمكينه السنعه فرق السنين له دور
454 مكينه جباره