هل حراره الباترول طبيعيه

[نقطه مطر]

السلام عليكم
اخواني شريت باترول ربع موديل 90 وانبير الحراره بين الخطين او الربع ومع الدبل توصل النص تكفون خايف ع المكينه توها موظبه

[sgl2002]

بين الخطين هذي حرارة الباترول المعروفه

اما توصل النص فهي غريبة ومرتفعه

الرديتر شكله مسدود عندك

[نقطه مطر]

مشكور اخوي بس الرديتر جديد اردني صحن الكلتش رايح هل يمكن يكون مته لاني ملاحظ اذ غرز الموتر ترتفع

[sgl2002]

ماتوقع صحن الكلتش يرفع الحرارة لذي الدرجة


طيب انت تعرف حنة المروحة


يعني ممكن كلتش المروحة يكون خربان عندك والمروحة تدور بس ما تشبك

والدلالة على ان المروحة تعمل اللي هو صوتها المزعج الحنة القوية


وفيه طريقة ثانية انك اذا احتمى الموتر يعني وصل حرارته الطبيعية تطفيه وتنزل تفر المروحة ، اذا كانت تلف بسرعه معناه خربانه واذا كانت ثقيله مره معناته الكلتش مضبوط


لكن هل الحرارة ترتفع عند الوقوف؟

هذي الخطوة الثانية اللي ابغاك تشيك عليها وترد لي عشان ناخذها خطوة خطوة وان شاء الله اجد الحل لك

[طيار ارضي]

يالغالي شيك على المروحه والكلتش حق المروحه 90% منه كانت عندي نفس مشكلتك من غيرت المروحه والكلتش او تماتيك المروحه صارت الحراره ماتوصل الربع

[نقطه مطر]

بالنسبه لكلتش المروحه انا مثبته مع دوره المكينه
والحراره في الوقوف لمده ساعه او اكثر بين الخطين واقل شوي وفي الخط كمان
لاكن المشكله لاطب تغريزه يطيح عزمه ويسخن ع طول ويطلع صوت طقطقه في الشكمان لاسخن مثل تكسير الزجاج واحسه مكتوم

[sgl2002]

انت فاك البلف؟

رجع البلف

[نقطه مطر]

مشكور اخوي على تعاونك وبالنسبه لبلف الحراره ايه فاكه شريت اصلي بس ماركبته بركبه واشوف كيف

[ls1.5700]

اخوي اذا تطب النفود والموتر مليان هوى فـ طبيعي ترتفع الحراره
نزل هوى الموتر وان شاءالله ماترتفع الحراره
وبعدين شبك المروحه على طول يطيح عزم الموتر
ركب كلتش مروحه جديد اصلي وغير غطاء الاديتر
ترى له دور كبير برفع الحراره
بالتوفيق اخوي

[صقيل1]

شيك على الدزق ولا تنسى تغيير غطىا الرديتر يمكن يهرب وانت ما تحس فيه

[نقطه مطر]

اخوي اذا تطب النفود والموتر مليان هوى فـ طبيعي ترتفع الحراره
نزل هوى الموتر وان شاءالله ماترتفع الحراره
وبعدين شبك المروحه على طول يطيح عزم الموتر
ركب كلتش مروحه جديد اصلي وغير غطاء الاديتر
ترى له دور كبير برفع الحراره
بالتوفيق اخوي
يعطيك العافيه يجزاك بالخير الغطاء الي مركبه اصلي بس يالربع انا غيرت وجه مصوره القزوز لان الاول ينسم وركبت اصلي يومين ولحق الاول تقول المكينه فيها ضغط تهقون البلا من الشكمان ولو كان مسدود يرفع الحراره

[sgl2002]

الشكمان لو كان مسدود تشوف الموتر عزمه ردي وتحسه مكتوم

[نقطه مطر]

الشكمان لو كان مسدود تشوف الموتر عزمه ردي وتحسه مكتوم

والله ياخوك عزمه ردي بالحيل ردي ومكتوم وبالعله يمشي هو واقف يازينه زي الساعه واذا شديته بالنمره يكتم في البدايه وياشدحيله سلك

[SGL]

أخوي غير كلتش المروحة وركب أصلي خذه من الشركة مكينة4200مافيها حيل تمشي وإنت كملت الناقص مثبت الكلتش وتبغاه يمشي وبخصوص الكتمه شيك على فلتر الهوا ووجه الكزوز يوم سويته ورجع ممكن يكون في واحد من المسامير الي تثبته في راس المكينة تعبان بايز مايشد يدور مكانه

[نقطه مطر]

أخوي غير كلتش المروحة وركب أصلي خذه من الشركة مكينة4200مافيها حيل تمشي وإنت كملت الناقص مثبت الكلتش وتبغاه يمشي وبخصوص الكتمه شيك على فلتر الهوا ووجه الكزوز يوم سويته ورجع ممكن يكون في واحد من المسامير الي تثبته في راس المكينة تعبان بايز مايشد يدور مكانه

الله يجزاك بالخير شيكت ولقيت الشفه حقت الماصوره معدومه

[وحيد الجلاوي]

بين الخطين طبيعيه

تاكد من تماتيك المروحه

[محب الهيف]

او يمكن البلف مسكر

[راع الباثفندر]

جرب تغير الغطيان حقت الرديتر

[راع الباثفندر]

خذلك غطيان اصلية وان شاءالله خير

[مركز حراره]

ممكن حساس الحراره مايقرء صح تاكد انه الي جلدته سوداء

[خشير الذيب]

اشوف ان الوضع طبيعي مع ذا الجو الحار ودبل واكيد مكيف وكلتش محروق ومغرز ولاتبغاه يرتفع الى النص اذكرالله يارجال الا الله يبارك لك فيه زين ماوصل الاتش
عندنا 90 و96 الى النص مع ماذكرت نعتبره طبيعي
اما على الخط والا الوقفه وما يرتفع فاتوقع موترك مافيه الا العافيه غير كلتشه الخربان وتوكل على الله