افضل دربيل

[فزاع العنزي]

حياكم الله اخواني اعضاء (( مكشات ))
اعتذر عن ازعاجكم وحاب اسأل اهل الخبره الله لايخلينا منهم ولا من اللي ما عندهم خبره
انا حاب اشتري دربيل سايس ولا ادري وش افضل نوع مع العلم ان فيه واحد من الشباب شرواكم يبي يجيبه من المانيا نفسها لانه متواجد حالياً هناك, فالسؤال وش افضل نوع لاهنتو وكذلك وش مقاسه لاني شفت ارقام كثيره .
تقبلوا تحياتي

[الماهر2000]

اخى الكريم السلام عليكم ورحمة الله وبركاته حسب خبرتى الكبيره بالدرابيل ولله الحمد انصحك بالسايس 50-7 طيب وممتاز ثنيا الدربيل السوار فسكى الوكيل بالرياض الهدف مقاس 10- 40 احسن من السايس لكن سعره مرتفع اسال الله لك التوفيق

[lion arar]

حياك الله يأبن وائل عليك بالزايس 7-50ربل كلاسك سيد الدرابيل -بس اعتقد ان سعره مايفرق عن سعره عندنا .واشوف انك تشريه من هنا احسن لآن الدرابيل يحكمها شوفك ومناسبته لك ولازم تقارنه مع عدة درابيل بنفس الوقت حتىتلاحظ الفرق

[مؤسسة المحيط]

اذا قررت على دربيل اتصل بي مايصير خاطرك الا طيب / 0532085008

[alzahir]

افضل الدرابيل سوراسفيسكي EL او ٍSLC بعده السايز الديلايت والفكتوري, وهي اغلى الدرابيل وهناك انواع اخرى من نفس هذه الشركتين ممتازه وارخص وتؤدي الغرض اما مقاس الدربيل فحسب حاجتك في استخدامه. كلما كبر الرقم الصغير كل مازاد الزوم وكل ما كبر الرقم الكبير كل ما اتسعت مساحه الرؤيا وانت لك الخيارفي اختيار مقاس الدربيل

[alzahir]

اخي الفاضل ترى مافيه ذاك الفرق بين درابيل السوارسفيسكي ELو ٍSLC الا في الوزن فقط والفرق مايذكر 30قرام فقط واحد مصنوع من المقنيسيوم وواحد من الالمنيوم

[سوح الشمال]

هلا أخوي
1- zeiss 7x50 *T West Germany
2- zeiss 8x56 T*P هذا اذا حصلته لاتشاور لايوجد من فئته ماهو أصفى منه
صناعتهن West Germany ألمانيا الغربية جميعهن ربل
هذا اذا رغبتك بالسايز
أما دربيل السوارفسكي عليك ب 10*42 el
وان احببت تفاصيل أكثر رقمي تحت

[alzahir]

اخي سوح الشمال مع احترامي وتقديري لرأيك بالنسبه لسوارفيسكي EL لا يفرق عن ٍSLC الا بالوزن 30قرام لصالحEL لأنه مصنوع من الماقنيسيوم و SLC من الألمنيوم والباقي زي بعض اما بالنسبه للسايز 7×50 ربل و 8×56 ديلايت و 15×60 افضل من 10×40 وعن تجربه واختلاف الرأي لا يفسد للود قضيه تحياتي للجميع

[markeeez]

ما شاء الله

[فزاع العنزي]

يا هلا بالذيابه.
الله يبيض وجيهكم ويرحم والديكم على الردود الوافيه والشافيه وعزالله انكم ما قصرتم ابد.
انا لقيت هذا الدربيل في نفس الموقع حق الشركه عطوني رايكم لاهنتم. بسراحه لقيت انواع كثيره. اسم الدربيل ((. CONQUEST HD 10x42

موقع الشركه. http://sportsoptics.zeiss.com/hunting/en_us/binoculars/conquest-binoculars/conquest-hd-binoculars.html#Models

تحياتي للجميع

[سوح الشمال]

هلا اخوي فزاع
النوع اللي ذكرت طيب وتوه داخل السوق انا استخدمته فترة طيبة
وعليه صفاوة ممتازة
وكان لي موضوع عنه وقد عرضته للبيع
وتم بيعه
http://www.mekshat.com/vb/showthread.php?t=573412

[alzahir]

يا فزاع ها الدربيل كينقويست الفاكتوري والديلايت والتيراافضل منه وانا اقول لك هذا الكلام من واقع تجربه ومعرفه بكل انواع السايز والسوارزفيسكي

[خيال الصفراء]

صراحه استعملت زايس conquest HD 8X32 وللامانه وزن الدربيل اعلي من وزن الدرابيل المنافسه و يوجد فيه حراره علي العين اما الليكا ULTRAVID افضل عدسه واستعمال وفيه درابيل MINOX ممتازه جدا وصراحه افضل درابيل استخدمتها فالبروده علي العين والسعر والكفاله وياتي منها HD.طبعا كل شخص ويختلف استعماله الدربيل المناسب له

[طرقشون]

عندي دربيل zeiss conquest 12x45t* اخو الجديد كانك تبيه درز لي رساله

[alzahir]

شف السوارس فيسكي اللي انا معلن عنه