المساعد الشخصي الرقمي

مشاهدة النسخة كاملة : وين الفاآاآهم يالشقردية بالجمس ؟!


وحداني بعرعر
10/06/2013, 11:18 PM
يالربع يالسنافية..

تكفون وانتم كفو لها ..

طآب خاطري من الجمس وعفته بسبب علة خفية !

موتري صالون 91// 454

حولت فيره من تماتيك الى عايدي.. وماشي مثل العسل..لكن بعد كم شهر الموتر صار يقطع ويكتم ولايقبل الدعسة ويطفي ويدخن أسود ولا هو صافي واحيانا ادوس له غصب ويطلع نار مع شكمانه ويرمي !!


كل الورش يقولون ماندري وش بلاه !

والغريب إذا دخلت عليه ردميه وبطانيج ينطلق كنه فيه سدد وانفك !

جزاكم الله خير هذا اللي أقدر أقدمه لكل من يساعدني برايه السديد ..
ابو محمد 276
10/06/2013, 11:29 PM
مشكلتك كهربائية شيك على الشاكوش تبع الديلكو والمغناطيس اللي داخلة .
ma144
10/06/2013, 11:44 PM
شف الشخلات في الحكمان تسبب كتمه ممكن
ksak
12/06/2013, 08:35 AM
صحيح مشكلتك بس بالديكو ( خروج النار من الشكمان مع صوت الانفجار )
اسدهم
12/06/2013, 07:07 PM
شف يمكن عندك سلك. اذا جاه اهتزاز شبك وصار ذيب وذا جيت علا القار صار>>>>>>><≥<<<
وحداني بعرعر
13/06/2013, 12:20 AM
اليوم شغلته بشوف موضوع بلف الهواء الداخل والفلتر.. ولما اشتغل شوي قبل افك القربة أشوف البنزين يخر من تحت القربة ويضخ على المكينة وصار فيه لهب ..لس الله لطف وسلم وطفيته !! :(
MSAN
18/06/2013, 04:20 PM
حلابات والا بخاخ..؟؟؟؟؟


تاكد من توصيلات البنزين ولياته


والحمد لله على السلامة
خشير الذيب
19/06/2013, 05:32 AM
زي ماقالو النشاما كهرباء مافيها كلام ولاكن شف لك وقت وانت فاضي وتابع اسلاك الموتر وخصوصا اللي حول الحلابات والديلكو واسلاك الكمبيوتر اللي في الطبلون وان مريت على الكمبيوتر فكه وركبه ثاني مره لايكون ماهو راكب صح والا الغبار والصدى يعزل توصيل الكهرب وان شاء الله تطيح على المشكله
كمبيوتره فوق الدرج اللي في الطبلون فك الدرج وتلقاه فوقه والله يعينك وييسر لك
الرعاك
19/06/2013, 05:34 AM
اتوقع والله اعلم ان مشكلتك في الكلبريتر
لان الدخان من زود ضخ البنزين واتوقع ان ابرة الكلبليتر غير مضبوطة
حاميش
21/06/2013, 04:23 AM
الموتر حلابات

ولكن شيك على الدينمو والأسلاك الموصله له

مشكلتك كهرب ( سلك منجرح من أسلاك الدينمو ) شيك
ls1.5700
21/06/2013, 02:21 PM
وعليكم السلام ورحمة الله وبركاته

اخوي صاحب الموضوع
موترك لايوجد فيه احتراق كامل يعني
قد يكون احد اسلاك البواجي مايوصل زين او المشكله في الديلكو
ولاكن شيك عليها بنفسك
شغل الموتر وافصل اسلاك البواجي على واحد واحد
وشوف فيه شراره او لا
اذا مافيه شراره قد تكون المشكله من الديلكو او الكمبيوتر فيه عطل او احد البلوف مسكر
جرب تفحصهم بنفسك واذا ماطلع معك شي
رد علينا وان شاءالله نحل المشكله
egil4949
23/06/2013, 11:29 AM
اسلام عليك افحص الحلابات ممكن فيهم مشكلة ويضخون بانزين زيادة اوهلي يخر تحت الثلاجة والديلكو يبي عيار وسلامتك