حرارة سفاري فتك [الأرشيف]

ابومشخص

11/06/2013, 02:41 AM

السلام عليكم ورحمة الله وبركاته

عندي مشكلة يا اخوان وابي مساعدتكم
موتري فتك 2005 وتزيد حرارته في الصيف اذا كانت السرعة فوق 160

سويت تسييخ وغيرت بلف الحرارة وغيرت السيور وغيرت مروحة المكينهمع كلتشها
وبالاخير شريت رديتر جديد وغطاء الرديتر اثنن هم غيرت واحد منهم .. وراحت الحرارة وبعد 3 شهور رجعت

الان رجعت من جديد فكيف تشوفون الحل يعني عقب سرعة160 تبدا ترتفع اخفف السرعة تنزل

كل شي غيرته الا طرمبة الما هل لها دخل بالموضوع

وموقعي الدمام

sgl2002

11/06/2013, 04:32 AM

هل فيه وصخ بموية الرديتر ، لانه يمكن الرديتر انسد

وحيد الجلاوي

11/06/2013, 11:29 AM

اخوي تاكد من تماتيك المروحه هل
هو اصلي ولا لا وان شاء الله امورك بالسليم

سفاري 95

11/06/2013, 11:59 AM

اكيد طرمبه الماء لها دور كبير في الحراره وشيك عليها
شغل السياره واذا حميت فك غطاء اللديتر وشوف المويه اذا هي تدور معناه ان الطرمبه صالحه
وتاكد من الاغطيه حقت اللديتر ... والله يكتب لك اللي فيه الخير

فتك08

11/06/2013, 01:20 PM

ياخوي ترتفع شي بسيط إذا موترك تماتيك في الصيف و أنت متعدي140

حتى لو أجهدت الموتر في طلوع مثل القدية مثلا أو أي طلوع أقصر من ذلك

راح تلاحظ الحرارة ترتفع شي بسيط...يعني تجي على الخط الثاني...

لكن ماقلت لنا أنت وين توصل الحرارة بالضبط...

حدد أكثر حتى يبين إذا فيه مشكلة...

عموما الفتك التماتيك من واقع تجربة من توصل حرارة الجو40درجة تتغير

علومه من ناحية الحرارة...في الزحام و الوقوف الطويل تتعدى الخط الثاني بشي

بسيط و في الخطوط خصوصا إذا جلدته تلمس الخط الثاني و من يوم تريحه و ترخي

على الدعسة تشوفها تنزل تحت الخط الثاني بحاجة بسيطة....

ابومشخص

12/06/2013, 01:14 AM

sgl
وحيد الجلاوي
سفاري
فتك
الله يجزاكم خيرعلى الردود
بالنسبه لنظافة الماء نظيف واخضر اصلي وتماتيك المروحة مغيره وكاله للكن موضوع الرمبه مافهمته كيف يدور الماء اناعنديبالفتك غطيان اثنبن للماء واحد يمين المكينة قربة وواحد فالرديتر اذا فتحت الغطا اللي بالرديتر يدور الماءلكن اذا فتحت الغطيان الاثنين يطيش من جهة الرديتر
وموتري قير عادي وحرارته بعد السرعه ترتفع لين النص وتستمر بالارتفاع لين تقرب الاتش واذا خففت السرعه نزلت
كنها طبلون ماكنها امبير حرارة ههههههههه طبعا تحت 160 حرارة طبيعه
الغطيان انشالله بغيرها وكذلك الخراطيش الكبار الاثين احتمال انها تنسفط مع الحرارة والممشى معا انها اصلية وشكلها الخارجي مو مبين انهاا تعبانه
واللي عنده يا اخوان منكم حلول اخرى يقدر يفيدنا فيها مايقصر

قرناس حائل

12/06/2013, 04:09 AM

sgl

وموتري قير عادي وحرارته بعد السرعه ترتفع لين النص وتستمر بالارتفاع لين تقرب الاتش واذا خففت السرعه نزلت
كنها طبلون ماكنها امبير حرارة ههههههههه طبعا تحت 160 حرارة طبيعه
الغطيان انشالله بغيرها وكذلك الخراطيش الكبار الاثين احتمال انها تنسفط مع الحرارة والممشى معا انها اصلية وشكلها الخارجي مو مبين انهاا تعبانه
واللي عنده يا اخوان منكم حلول اخرى يقدر يفيدنا فيها مايقصر

هذا طال عمرك بطاعته ( الخراطيش ) بدلهن وأن شاء الله تدعي لي

صارت مع ناس كثير هالحركة وطلعت الخراطيش وأكثر مايكون الخرطوش العلوي

تحياتي لك