جديد فالبنادق . واحتاج دعم المجربين .

[skymagna]

السلام عليكم ورحمة الله تعالى وبركاته ...

وبعد

يا اهل البنادق انا جديد فموضوع البنادق :D . وطلبت من واحد خوي بندقية صيد . وقلي اختار النوع وانا اجيبها لك جديده او مستعمله اختار وماعليك :eek: .. وبصراحه احترت بين الخيارات الكثير........... !! ومدحكم لبعض البنادق . وذمكم لأخر ..

وفالنهايه استقر الرئي على 3 انواع هي كالتالي بالترتيب ان وجدت

1 - بريتا اكستريما 2
2 - وينشستر سوبر sx3
3 - بينيلي بس مافراسي نوع معين

واتمنى منكم الفايده والافاده :good2:

شكرا

[تساهيل1]

عفوا
بس تراك اخطيت الترتيب في نظري طبعا

ابي اعيده لك
1-سوبر بنلي بلاك ايقل 2
2-ونشستر
3-اكستريما

طبعا قبل كل شي حط في جيبك فوق 18 الف ريال

وبالتوفيق

وعليك بالبنلي اذا تقوا فلوسها
موفق
ومبروك مقدما

[أبيك]

أحسنت الاختيار وفعلا هي من أفضل البنادق ... بس وأنا أخوك فكر فيها يعني الله أكبر يا الصيد الي عندك الغزلان تطامر قدامك والوعول تطرد عشان تحط ال ١٦ وانت طالع .. الصيد عندك محدود على أنواع معينه من الحيوانات .. يعني بقيمتها تجيب لك اربع انواع تفي بالغرض .. مجرد رأي والله ينفع لك فيها مقدما ..

[شمالي و الهوا غربي]

انا انصحك ان لاتخذ بندق بسعر غالي
لان مثل ماهو معروف الصيد قليل جدا ولا يسوا
احيان تقنص وترجع والبندق بجرابه ’ الا اذا انت من النوع اللي يحب التباهي
فاشتر اغلا واحدة بالساحة. وثاني يوم قم بالتبختر بين المنتديات وقل باركولي
انا شريت البندق الفلانيه.

[skymagna]

تسلمو شباب على الردود والنصائح

بس بصراحه نويت اشتري وعارف الاسعار

وبالنسبه للأخ :: شمالي والهوا غربي .. الموضوع ماهو صيد او تبختر . ياخي اغلب الناس عندهم اسلحه وسيوف مشترينها ب20 الف وفوق . ولا استعملوها ابدا

وبالنسبه للبنادق انا افضل اقتنائها لانها تطرب من كل النواحي . مسكتها وشكلها ورميها .

وانا ماني من الناس الي يقول باركولي اشتريت بندق .

بس تكفون ياشباب . دلوني على المريحه فيهم من ناحية اعطال و تنظيف .

وسلامتكم

[احساس الجروح]

توكل على الله وخذ اكستريما 2 ولا تشاور

[ابو مقعد511]

وبالنسبه للبنادق انا افضل اقتنائها لانها تطرب من كل النواحي . مسكتها وشكلها ورميها .



بس تكفون ياشباب . دلوني على المريحه فيهم من ناحية اعطال و تنظيف .

وسلامتكم


سلام عليكم ،،،،،، خذ لك اكستريما 2 كانك تبي المواصفات اللي ذكرتها ،،،،

[بو حجل]

نوعية صيدك من الطرائد هي اللي تحدد بندقيتك;)

اذا انت راعي طيور مثل القميري والحجل او الصفاري او ماشابهه من احجام فلا اعتقد ان البريتا والبانيللي لازمة على الصياد

واذا كانت طريدتك من الاحجام الكبيرة

الرهو(الكرك) بط وبر و ارنب وغيره من الاحجام التى يلزم استخدام نوعية معينة من الفشق خذ الايطالية وانت مغمض

لانة تفرق في سبطانتها 2/1 _3 وتتحمل جميع انواع الضغوط من الفشق


الثلاث الانواع المذكورة ااااااااااااااااااااافضل مافي السوق من جودة ومتانه

[XML FLASH]

من زمان ادور على شوزن و انت ماشاء الله عليك تختار بين 3 انواع
اللهم لا حسد
لا تنساني اذا حولك بنلي او رمنقتون ماكس
اهم ما في الموضوع رقمها حق بلدها و ليس ممسوح

[skymagna]

يعطيكم العافيه على الردود . ومن الواضح ان الاغلبيه متجهين للأكستريما 2 . وخلاص نويت عليها بأذن الله

بالنسبه لك يا XML FLASH ابشر . وتراك فالبال ان شاء الله

[الشمروخي]

اكستريما ولاتشاور وزين مااخترت الله يوفقك للزين ثم ونشستر واخر شي بنلي بس خذ سوبر سبورت او كوردبا

[بيكال الوشم]

يا بعدي تركد تركد اذا انت ناوي تشتري شوزن
خذلك Benelli Super Sport
واذا ما لقيتها او سعرها صار غالي عليك خذلك Browning Maxus Sport
و بعده هالثنتين دور لك Beretta A400
مجرد نصيحة و ابداء رأي من اخو نااااصح لأخوه

[ابوعاشة]

اخوي سكاي نصيحة مني لك اخذ بنلي وانصحك اول شي في الرفايلو جميلة جدا ورميها طرب وتنومس لو تعلقها في مجلسك
وبعدها عليك بالسوبر بلاك ايقل تو لك ولزمن يبعدي هذي منوة كل قناص ومايعذربها الا الي ماجربها وماقدر يشتريها

[بلاتين]

انصحك من تجربه اذا تبي حرارة رمي وقل تنظيف وتتحمل وقليلة اعطال بنلي ريفالو فل شوك تجي بدون شوكات ٣٠ وحتي الي بشوكات ممتازه ٣٠ فيه منها مديلات اجملهن الديلوكس تجي فضيه منقوش عليها نقوش فخمه
ميزتها تجمع كل شي ولاكن مخزنها مقفل تقدر تفتحه يكلف شوي


الواحد يحب يقتني البندق الي تطرب عينهرانصحك خذ جديد

هذا رابط فيه صوها شف اخر وحده هي الديلوكس
http://gun-knife.ru/component/k2/item/97-benelli-raffaello.html

[بيكال الوشم]

يا شباب لو جينا للشكل و المنظر و المظهر الخارجي لا تتعدا Benelli Black Eagle Limited شكلها تحفه ماهي شوزن و تشخص فيها بالمجالس
لكن تبي شوزن كاملة و الكامل الله مثل ماقالو الشباب بنلي رفايلو ديلوكس لكن لا تاخذ فول تشوك خذلك ماصورة فيها تشوكات
وانا انصحك نصيحة اخو خذلك Benelli Super Sport ان كانك تبي نصيحتي خذها شكلها طرب و خفيفة و رميها ما يحتاج
الله يوفق الجميع ...

[الشمروخي]

اسئل مجرب ولاتسائل طبيب الان عندي ولله الحمد بنلي ريفال من الاولات ضوق ١٨.٣ طول ٣٠ فل تشك
وعندي براونق من الجدد وكان عندي برتا اكستريما ٢
البنلي رميه على الجوالين خذ ولد والصيد واقع وبعيد ماتجيبه وعارف رميي صح ورميه قرار لاتهفي ولاشي زمه شعره الواقع بعيد بشجر او بالارض منب قايل طيار واقع ماتجيبه ونادر تصوبه كود اقرب للصيده عكس البراونق والبرتا ارمي وانا مطمئن وواثق وشريت ام حبه ونشستر ويمكن اركبه على البنلي لان رميه اطيب او اخليه لاني احب بنلي ماهي كره بس انا منصح لك كرمي برتا وبراونق ونشستر اطيب
هذي صورت البنلي
http://img442.imageshack.us/img442/9103/j7j8.jpg
http://img824.imageshack.us/img824/8145/r1ya.jpg

وبراونق ١٨.٨ وسعه واطيب وبرتا ١٨.٦ وكذالك اطيب عندي الان ومجرب لين شبعت البنلي الريفال ذي وكان قبل عندي المزخرفه من الجدد بنلي ارمي بالبنلي مع البراونق مسافه عشرين متر البنلي الم حلبي طبعا على لوح كبير لاكن رجعت ٤٥ ورميت بهن ولمت الحلبي البراونق اكثر قاعده يلم الحلبي قريب بيلم بعيد خطاء من تجربه والونشستر نفس البراونق وكذالك البرتا رمي بعيد اطيب واخف رجف وانظم للحلبي لا واذا بترمي بارقام كبيره تحت الصفر ابداع لاتنعصر بوسط الماصوره زي بنلي

خذ ونشستر او اكستريما ونم

[الشمروخي]

http://img834.imageshack.us/img834/692/alvr.jpg
شف الصوره ذي والقاعده ذي وارقد براونق اول شركه تصنع ام خمس وصنعت ام شجره بضوق بعضهن ١٨.٣ وبعضهن ١٨.٤ قديماً وكل اهل الترهيم يغلونهن

الان براونق ماتصنع الا ١٨.٧ وفوق طبعاً مع التطور والتجارب عرفوا ان الوسع ببدايه الماصره اطيب وانظم والحلبي اكثره حار وسريع بالهواء

وولمعلوميه بنلي السوبر سبورت المعدله بشركت برايلي والاغلى من العاديه ماصورته ١٨.٦ زي البرتا ؟؟؟؟!! بس ماجت عندا ابد

[make me cry]

ماشاء الله عليك اخي الشمروخي,,
كلامك مقنع جداا والصور توضح
تحياتي لك

[راعي الشبب511]

×خذلك Benelli Super Sport×

[ابوسليمان33]

خذ اكسترم 400 من شركة برتا ولا اوتو 5 من شركة براوننق والاخيرة عندي افضل نظام بنلي وحرارة ماصورة بس عيبها الارتداد قوي شوي يعني لازم يكون جسمك نشيط يتحمل

[عآشق الbaikal]

مبروك مقدما وتاكل من صيدها

[تميم2222]

اما عن الرمي البعيد فالونشستر والبراوننق تصفط البنادق في رميها علما بان جهاز ونشستر يعتبر اسرع جهاز. في بنادق الرش. ام خمس الي. يومنا هذا او بنلي. كد ومد لكن السوق لك عليه شوي. وانت لك حريه الاختيار

[ابو وليد999]

اكستريما لاتقول ماقلت لك نصيحة من اخ الله يرزقني بوحده