المساعد الشخصي الرقمي

مشاهدة النسخة كاملة : ناقش الطيّب وعاتب باعتدال .:. يقنعك بالحـــــق والا تقنعــــــه لابن عويف


بن عويف
13/06/2013, 11:25 PM
تحيه طيبه للجميع

بن عويف يمسيكم بالخير ويقول


المــــواقف تظهـــر عيـال الحــلال
وتظهــر اللــي لابسيــ ن الاقنعـه

اشهــد ان الطيب وعلــوم الرجال
روس يرفعهـــا وروسـ ن مخنعــه

واشهد ان الكلمـه اللي ما تقـــال
آآجعتنــي يــوم ســـاق الموجعـــه

ومن تحــرك داخله عني ســـــؤال
مرحبـــا به لا حضــرني بسمعــه

والجــدال يسمج اصحاب الجدال
والقــــروم تعــــاف راع اللعلعــــه

نـــاقش الطيّـب وعاتـب باعتـــدال
يقنعـــــك بالحـــــق والا تقنعــــــه

وفي ختام القاف ياواف الخصال
راعــي الطــالات حـــذرك تكمعـه

يا تجــي له مثـــل مـا وده وقـــال
او تجــنّب عنهــ خلّـــه فــ سنعـــه

بندر بن محمد بن عويف
صافى السريره
14/06/2013, 06:29 PM
اشهــد ان الطيب وعلــوم الرجال××
روس يرفعهـــا وروسـ ن مخنعــه

واشهد ان الكلمـه اللي ما تقـــال××
آآجعتنــي يــوم ســـاق الموجعـــه


صح لسانك وطاب فالك يابندر على هالقصيدة الجزلة الغزيرة في معانيها
راعي العجراء
14/06/2013, 07:52 PM
صح السانك يابن عويف على هالابيات السنعه
بارك الله فيك
بن عويف
15/06/2013, 03:42 PM
اشهــد ان الطيب وعلــوم الرجال××
روس يرفعهـــا وروسـ ن مخنعــه

واشهد ان الكلمـه اللي ما تقـــال××
آآجعتنــي يــوم ســـاق الموجعـــه


صح لسانك وطاب فالك يابندر على هالقصيدة الجزلة الغزيرة في معانيها


ارحب يا اخوي العزيز " صافي السريره "
وصح الله بدنك ولاهنت
اسعدني تواجدك اسعدك الله
مدهـوش
16/06/2013, 05:57 PM
ابداع ليس بغريب


كم يروق لي ان ارى ما تدونه لنا ويبوح به الصدر

بيوت محبوكه وسبوكه

وقاف جميل ومعنا واضح وطيب وسديد


تقديري لك على ما بحت به
س.س.التميمي
24/06/2013, 12:55 PM
صح لسانك وطاب فالك يابن عويف على هالقصيدة الجزلة
واحد درويش
28/06/2013, 01:36 AM
ابداااااع متواصل :


وفي ختام القاف ياواف الخصال
راعــي الطــالات حـــذرك تكمعـه

يا تجــي له مثـــل مـا وده وقـــال
او تجــنّب عنهــ خلّـــه فــ سنعـــه

#####

أقول سقها على روس الطوال
خل الدويني الي يشرب مدمعه
صدقان الرخا قصيرين الحبال
طول الزمان ولا فيهم منفعه
خذ في منطق الرجال مرسال
يعطيك علمه والا بيان سنعه
اما عقابن مكانه روس الجبال
والا بومتن مايفارق مضجعه
ودنياك تبغى وسيعين بال
اسفه ردي النصيب ولاتكمعه
الردي شاف في كسر فنجال
بلوى حتى في منامه تفجعه


واحد درويش مر من هنا
بن عويف
10/07/2013, 04:01 PM
صح السانك يابن عويف على هالابيات السنعه
بارك الله فيك


ارحب يالامير
وصح الله بدنك ولاهنت
على هالحضور الطيب
بن عويف
10/07/2013, 04:04 PM
ابداع ليس بغريب


كم يروق لي ان ارى ما تدونه لنا ويبوح به الصدر

بيوت محبوكه وسبوكه

وقاف جميل ومعنا واضح وطيب وسديد


تقديري لك على ما بحت به


ارررحب يالغالي العزيز
يبن مدهوش
حضورك عندي ايضاً يروق لي
ويطربني وينشنش راسي
فلا شفتني محضّـرٍ بقصيدة
فحضـّر لا تبطي
ولاهنت
بن عويف
10/07/2013, 04:07 PM
صح لسانك وطاب فالك يابن عويف على هالقصيدة الجزلة




اررحب يا شيخ تميم

صح الله بدنك وطيب الله حالك وفالك
والشهر عليك مبروك وحضورك شرفني
وعلى تأخر الرد بايحني
احترامي العميق
بن عويف
10/07/2013, 04:19 PM
ابداااااع متواصل :


وفي ختام القاف ياواف الخصال
راعــي الطــالات حـــذرك تكمعـه

يا تجــي له مثـــل مـا وده وقـــال
او تجــنّب عنهــ خلّـــه فــ سنعـــه

#####

أقول سقها على روس الطوال
خل الدويني الي يشرب مدمعه
صدقان الرخا قصيرين الحبال
طول الزمان ولا فيهم منفعه
خذ في منطق الرجال مرسال
يعطيك علمه والا بيان سنعه
اما عقابن مكانه روس الجبال
والا بومتن مايفارق مضجعه
ودنياك تبغى وسيعين بال
اسفه ردي النصيب ولاتكمعه
الردي شاف في كسر فنجال
بلوى حتى في منامه تفجعه


واحد درويش مر من هنا


منتب درويش
الا والله شاربن عقلك
ومرحبااا اخو وعزيز وغالي
وصح الله لسانك على ما جادت به نفسك
ولاهنت
يوسف الخليفة1
11/07/2013, 11:01 AM
وأنت يخير أخي الفاضل بن عويف

صح لسانك
واحد درويش
11/07/2013, 11:39 AM
لاهان مقدارك يابن عويف

درويش يابن عويف وأقل الدراويش

هرجي تسمعه وفعلي تشوفه

منت ابخص مني بنفسي

الله يحماك

وصح بدنك ..

ودمت سالما وغانما ..



######

نشتري قرب الطيبين القروم

والردي في سوق بقعا نبيعه

مايستوي طيًب العلم ورخوم

كلن مقاسه يجي من صنيعه

أحدن رقا رقا فوق النجوم

واحدن مكانه بالطمان الوضيعه

أنت ماشفت الرخص بالثوم ؟؟

والعود الازرق عزيزن مبيعه؟

(كلمات درويشية ) يوم درويش كان هنا
بن عويف
11/07/2013, 12:02 PM
وأنت يخير أخي الفاضل بن عويف

صح لسانك


ارررحب يبو عبدالله
والشهر عليك مبروك
وصح الله بدنك
بن عويف
11/07/2013, 12:06 PM
لاهان مقدارك يابن عويف

درويش يابن عويف وأقل الدراويش

هرجي تسمعه وفعلي تشوفه

منت ابخص مني بنفسي

الله يحماك

وصح بدنك ..

ودمت سالما وغانما ..



######

نشتري قرب الطيبين القروم

والردي في سوق بقعا نبيعه

مايستوي طيًب العلم ورخوم

كلن مقاسه يجي من صنيعه

أحدن رقا رقا فوق النجوم

واحدن مكانه بالطمان الوضيعه

أنت ماشفت الرخص بالثوم ؟؟

والعود الازرق عزيزن مبيعه؟

(كلمات درويشية ) يوم درويش كان هنا




الدرويش عندنا هو الخبل
ولذلك قلت انا منتب درويش
وقلت شاربن عقلك يعني عقلك راجح

ولكن مثل ما تفضلت
انت ابخص بنفسك
وفقك الله

وصح لسانك على
ابياتك دامك نزلتها في موضوع جديد بجيها ردها هناك
بأمر الله
واحد درويش
11/07/2013, 01:23 PM
الدرويش عندنا هو الخبل
ولذلك قلت انا منتب درويش
وقلت شاربن عقلك يعني عقلك راجح

ولكن مثل ما تفضلت
انت ابخص بنفسك
وفقك الله

وصح لسانك على
ابياتك دامك نزلتها في موضوع جديد بجيها ردها هناك
بأمر الله

أنا عارف قصدك يابن عويف ..
وشارب عقلك ماتبي شرح
ودرويش ماتبي شرح
وعلوم الطيب شبعت شرح
الله يرحم من عقبها لنا ولكم
الحي الله يطول عمره والميت الله يرحمه

###

ومن معاني درويش على ماتفضلت
هو الرجل الي على قد حاله حضوره مثل غيابه .. بسيط ولايتدخل بأحد وأي شي يقنعه .. تعطيه كف والا تعطيه جيب لكزس كلها عنده سواء .. انسان بلا هوية .. وعايش مبسوط يغني ويمسي بمكان ويصبح بمكان وعايش بمعنويات عالية


###

درويش بانتظار رد النفيعي .
بن عويف
12/07/2013, 01:29 AM
ههههههه
يا حي خشمك يا الغالي حياااه

ولاهنت وتشرفت بك عسا عمرك دهررر