من يفيدنا عن الماسوره هاذي

[ma5344]

السلام عليكم
هاذي ماسوره ايطاليه تركب على السوبر مقاس 32 .
ابي واحد يفيدنا عنه وعن سعره كم تسوى .

http://im42.gulfup.com/DZCY3.jpg

http://im42.gulfup.com/uoqJj.jpg

[بيكال الوشم]

هذي ايطالية من مصنع بنلّي تجي طلبيه
و تجي بدون تشوكات
و سعرها ما يتعدا ٣٠٠٠ اذا هي جديدة
بالتوفيق

[الشمروخي]

شفت عند اهل الترهيم وشكله كشكل اصليه لاكن على قولهم باكستانيه طبعاً بالقصيم وتجي مع فلنجته بس شكله مشيوله اللي معك ورميه عادي

[هدد 444]

مستواهن وسط والطيبة قليلة يطلع ب 10 مواصير 1 طيبة وهي ليست ايطالية الاصل من مصنع البنلي
شركة بنلي صنعت اطول ماصورة 30 انش اما 32 انش مافية ... قبل لاتشتري جرب رميها وسوقها على الهدف
والله يوفقك ان شاء الله ...

[ma5344]

الله يعطيكم العافيه على الرد و جزاكم الله خير .

[بيكال الوشم]

يا شباب
اللي يقولون عن الماصورة ماهي ايطالية اصلية من شركة بنلي
من قال ان بنلي ما تصنع بنلي ٣٢ انش ؟
انا جايب من محل بنلّي اللي بالكويت ماصورة ٣٢ انش من شركة بنلي و سعرها ١٣٠٠ ريال بالكويت بمحل بنلي
و عندنا هنا ما تتعدا ٣٠٠٠


تقبل مروري ؟

[بلاتين]

هذي الماصوره تقليد للاصليه بالشكل والكتبات ، ولاكنها مهب اصليه ولا الفلنجه مهب اصليه سعرها بالفلنجه ٣ الالف تقريبا

محل الكويت مايعتبر شركة بنلي هو محل يجيب منتجات بنلي وغيرها

[الشمروخي]

المحل اللي بالكويت يجيب فيابر وتشكات ومخازن غير اصليه شاري منه تشك خارجي ٤ انش باكستاني وكذالك ينطبق على هالماصوره ومواصير البلجيك اللي عندهم ونادر يجيب اصلي من الكماليات اما قطع غيار يجيب اصلي

[المتلولس]

اخوي العيار اللي قدام لونه اخضر؟

[f 16]

لازم تجرب رميه قبل تشريه
ولاتهمك الصناعة لانه مجربه هالماصورة
وتجي زينة وشينة ووسط

[بيكال الوشم]

اقول والله يا انتم مدحدرين بعد
الحين فرع لـ وكالة بنلّي تجيني انت وياه تقول محل عادي ماهو تبع بنلّي فقط يجيب اسلحة و قطع بنلي
كان الله في عونكم

حبيبي هذا اصلية لكنها ماتجي من شد البلد على شوزن من بنلّي
هذي تجي لحالها من مصنع بنلّي مثل المواصير الفرنسية تجي لحالها بدون شوزن



يا ليت اللي يتكلم يتكلم من شي واقعي و يدري عنه

[الشمروخي]

وكيل فعلاً لاكن يجيب كلش اصلي وغيره رح شف بكم يعطيك الاصلي وبكم التجاري عنده ولاهو هالوكيل الوحيد كل اكثر وكالات الكويت كذا ولبنان وكالات وتبيع كلش رح وشف وخل الدحدره انت الله يصلح حالك انا اجيب منهم وباخصهم وللمعلومه الهدف بالكويت وهنا وكيل ويصنع فيبر وعندك اليوت يوب شف شغل باكستان بالاسلحه
والماصوره ذي لو تصنعه بنلي كان انتجوا شوزن بماصوره ٣٢ حتى اصدارتهم الخاصه الغاليه ماتعدت ٣٠
والماصوره ذي مجرب فعله لو هي طيبه كان تعدت ٣٠٠٠ سوقوا له الشريطيه ومشوه على بعض الناس

[بينلي]

[QUOTE=الشمروخي;9473896]وكيل فعلاً لاكن يجيب كلش اصلي وغيره رح شف بكم يعطيك الاصلي وبكم التجاري عنده ولاهو هالوكيل الوحيد كل اكثر وكالات الكويت كذا ولبنان وكالات وتبيع كلش رح وشف وخل الدحدره انت الله يصلح حالك انا اجيب منهم وباخصهم وللمعلومه الهدف بالكويت وهنا وكيل ويصنع فيبر وعندك اليوت يوب شف شغل باكستان بالاسلحه
والماصوره ذي لو تصنعه بنلي كان انتجوا شوزن بماصوره 32 حتى اصدارتهم الخاصه الغاليه ماتعدت 30
والماصوره ذي مجرب فعله لو هي طيبه كان تعدت 3000 سوقوا له الشريطيه ومشوه على بعض الناس[/QUOTE


كلامك صح الماصوره صناعه بكستانيه وشد البلد افضل منها بعيد

[بيكال الوشم]

يالشمروخي الله يهديك

انا و اعوذ بالله من كلمة انا ماخذ منه مواصير رفايلّو و يقول هذي مواصير من مصنع بنلّي اصلية بلد

و اسعارها ماخذها الماصورة الوحدة ٢٧٠٠
وش تقول بهالكلام
و اتوقع شركة بنلي او احد فروعها ماراح يجي فيها غش بالسلعه وانت تعرف الشي هذا زين
لأنه لو غش و رفعت عليه قضيه راحت سمعته و جته غرامها مالها اول ولا تالي و سمعته عنده اهم من الغرامة

[الشمروخي]

امين ويهدي الجميع خذ كل الكلام لاتاخذ نصه انا اقول يبيع اصلي ويبيع غيره واي سمعه تتكلم عنه احمد ربك يعطيك وجه هذي وكلات السعوديه والعرب بلدان العالم الثالث على قولهم


كلامك صحيح باوربا بامريكا عندنا رح اشتر من اي وكاله شف يبيع اصلي ويبيع غيره سوى سيارات وغيره والكلام ينطبق عليهم والوكاله اللي تقول عنه شارين منه فيابر غير اصليه واصلي بعد وتشكاتهم الخارجيه نصه باكسانيه وكذالك مواصير البلجيك اللي عندهم والبنلي ٣٢ باكستانيه كذلك

[بيكال الوشم]

والله ماقول الا كل خير و انا صراحة تعبت من الكلام
اقوله وكالة بنلّي يرجع و يقولي يبيعون مواصير باكستانية

الله يعين و يوفق

[الشمروخي]

لاتتعب نفسك ولا شي ماصوره ذي باكستانيه واكبر دليل انه بيعت اخر علمي به بفلنجته ب٣٠٠٠ فلنجه اصليه حقت ايقل ٢ بكم وماصوره اصليه بكم اذا انت شاري حقت ريفال ب٣٧٠٠ لحاله ولو معه فلنجه فلنجه الريفال رخيصه جدا
ورح موقع بنلي دور ماصوره ٣٢ ان لقيت ارسل رابط ولك مني اكبر عذر

[بيكال الوشم]

ھَھٍھَھٍھَھٍھَھٍھَھٍھَھٍھَھٍھَھ الشمروخي يخيي يا فلذة تسبدي
والله ان واحد شاري ماصورة بلاك ايقل فاكها من سوبر بلاك ايقل ٢ بفلنجتها ماخذها بـ ٢٣٠٠


المهم ماعلينا
متى تزورني نرمي ؟
عندي لك مقطاع يهبلك من زينه

[الشمروخي]

عارف ونا خوك قبل ٤ سنوات ماصورت اكستريما ٢ اصليه ب١٤٠٠
اذا عندهم الان بهالسعر بعطيك دبل حقه وماصورت ايقل ٢ بدون فلنجه هذا سعره اول والفلنجه حقته سعره غالي ماصورت الباكستانيه ٣٢ بفلنجه ب٣٠٠٠ اخر علمي عندنا نزل نصه بالكويت والريفال اللي شريته انت ب٣٧٠٠ تباع بالميت خمسه عندنا ابتل اشرح لك خلاص بطلع معك ومعي صحيفه وقلم اشرح لك هههههههه الله يوفقك

[المتلولس]

بنلي حد الماصورة 30 انش اما اللي تجي 32 انش انا شريتها قبل سنه ونص مهب اصليه حتى الفلنجه حديده ضعيف وخفيف غير شد البلد

[هدد 444]

طيب شف الختوم اللي بماصورة السوبر بنلي الاصلية .... وناظر الماصورة اللي تمدحها وتقول ايطالية واصلية
وهي باكستانية وعندنا خبرها ومجربينها تجريب ... كثرة الكلام ماينفع ... اذا لقيت بها ختوم الوكالة البنلي نعطيك اللي تبي ....

هذا الصورة للماصورة الاصلية من شركة البنلي نفس اللي عندي بالضبط ... لكن حاليا مركب ماصورة بلجيك اصلية

http://im33.gulfup.com/Cjwfi.jpg (http://www.gulfup.com/?thXvjb)