مشكلة المكيف

[مسافر بلا عنو]

عندي هايلوكس موديل 97 غمارتين GLX

المكيف فيها تبريده ضعيف خصوصاً مع السفر يعني لو مشت السيارة مشوار يضعف تبريد المكيف ويكون تبريده اشبه بهواء يطلع مع ريش المكيف يعني هواء عادي

عكس لما تكون في البلد يكون تبريده افضل

ماهي المشكلة وماهو أفضل فريون احطه للسيارة

[..D7oom]

حياك الله اخوي مسافر

لما يضعف التبريد يضعف معه الهوا والا لا؟

[skymagna]

عليكم السلام ..

اذا كنت ماشي فخط سريع وسخن عليك المكيف جرب هذي الحركه .. حط السياره على الفاظي . وادعسلها كم دعسه خفيفه .. اذا اشتغل الكمبروسر وبرد المكيف يعني المشكله عندك فالكمبروسر ضعيف . ويحتاج تغيير

بالتوفيق

[مسافر بلا عنو]

المكيف الهواء البارد حقه يتحول الى هواء عادي كأن الفريون ماهو شغال

[بريق اللجين]

شف لك فني مكيفات ممتاز وتثق فيه وخله يفك ثلاجة المكيف ومكانها خلف درج الراكب يطلعها ويغسلها وينظفها وينظف مواصير التكييف ويعبي الكمبروسر زيت تقريبا نصف بياله وله زيت يباع مخصص له ويعبي لك فريون اصلي امريكي وخذ لك تبريد ماشاء الله ترجع وكاله
سبب ضعف التبريد عندك تكون الثلاجه متعبية من الاتربة

[-حرب الشمالي-]

يمكن يكون عندك مشكلة في كلتش الكمبرسر او جلد البيبان عندك تعبانة لما تسافر يدخل الهواء ونت طاير
او الثرمستات عطلان مايفصل يوم تثلج الثلاجه

[MSAN]

خذ العلم ولا تتعب نفسك كثير..

صارت معي في مكيف شروكي هبل بي.. اذا السيارة واقفة يبرد تماااااااام.. واذا مشيت يفصل الكمبريسر ويصير هواء عادي ماهو بارد...

كل واحد يفتي لي فتوى جديدة... الي يقول غير كمبريسر والي يقول عب موية المساحات والي يقول لي غير البوري :D

في الأخير طلعت مواسير التبريد الي يتحرك فيها الفريون متوسخة ومقفلة الفلتر الداخلي


لازم تنظف مواسير التبريد وتغير الفلتر الداخلي الي داخل مواصير الفريون.. فلتر صغير كأنه (قلم).. وضيفته يفلتر الفريون من الشوائب.. اذا تقفل الفلتر يصير الكمبريسر مايقدر يسحب فريون ويبرده اذا صار دوران المكينة أسرع..



الحل/
تنظيف مواصير الفريون ورديتر المكيف من الداخل مع تغيير الفلتر الصغير.. قيمته تقريبا 12 ريال.. بعد كذا عب زيت وفريون أصلي.. وشغل..



بالتوفيق

[استحملك]

بوإبات التكيف داخل الطبلون