سالفة:كراتين المرقوق..قوافي

[قوافي ( أم نهار )]

http://www.mezan.net/forum/salam/27.gif (http://www.al-7up.com/vb)
مشرفينا ، أخواني ، أخواتي ، زوارنا
السلام عليكم ورحمة الله وبركاته
حياكم واسعد الله أوقاتكم بكل خير
من مبطي زار الوالد حفظه الله ضيف والضيف هذا عزيز على الوالد بالحيل ..
الوالده اطال الله بعمرها كل ما جا تسوي مرقوق فقط لأنه ما ياكل إلا هو على لحم حاشي وتسويه زين حتى يقدر ياكل ،،ماله سنون ولا ضروس..
لكن المشكله كانت الوالده مسافره للعمره وانا أطبخ أيه لكن مرقوق :eek::eek::eek: لا ولا أعرف اعجن ولا أخبز..
ولا كان فيه مثل الان مطعم مثلوثه أو شعبي كود توصي طباخ او مالك إلا كبسة قواطي الصلصه..
قال الوالد قوافي تعرفين تطبخين مرقوق ؟؟؟
استحيت اقول لأ،، اول البنت بعمر 14 وماتطبخ تصير رفلا :)..
المهم بديت والبدايه لا مشكله وشبيت على قدري وجت المشكله :
الــــــــــــــــــعــــــــــــــــــــجــــــــ ــــــــــــــــيــــــــــــــــــــــــــن
حطيت الطحين بالباديه وصبيت الماء :eek: صار شوربه..
حطيت طحين زود تفتل وعيا يزين وبتلت ازيد ومن باديه لباديه اكبر لمين صار شبه عجينة مرقوق..
كورتهم وغطيته شوي وجا وقت الخبص ابي ارق تشققت زدت طحين واشوى تمت الرقرقه بشوي مطرسه لين قضت كل كوري وقصرت النار لمين يستوي الفجر لأنه وصلت الساعه 1 من الليل وانا ارق واحوس ،، وابوي يجي يطل بالقدر الريحه زينه تشق الراس بس متى يقضي ..
كل نص ساعه اشيل الغطا الاقي العجين طافح اشيل اللي على الوجه واحطه ابادية الدجاج همن قررت اغير القدر لأكبر وعلى هالحال لين وصلت 3 من الليل ،،ويالليل ما اطولك وبديت حط السفره وولمت كلش وتبسي يقعد عليه 7 انفار يالله يسد مرقوقي http://www.elebda3.net/img/msn/gif/eLeBDa3_702.gif ..
بديت حط العشاء بالتبسي،، وبسم الله يوم قال المرقوق :
طب طب طبب طبطبطبطبطhttp://www.elebda3.net/img/msn/gif/eLeBDa3_761.gif
انا ضاق صدري هذا مرقوق ولا كراتين يبيله إعادة نظر وان قطعته صار قواطي صلصه ويبيله ماء باقي دهر عشان يستوي ليه ما ضبط مثل امي مدري !!!!!!!!!!
قلط الرجال وابوي حاولت اتسمع الاخبار ما سمعت ولا شي تعشو وهم ساكتين ،،وجا الوالد واخذ كيس باغه كبير قال بياخذ شوي لكلب عنده بالبيت اعزكم الله من بقايا السفره،، واستغربت يوم جيت اضف العشاء ان التبسي فاااااااضي ما فيه ولا نتفه ..
قضو واكرمكم الله يابو فلان ويضحك هو وابوي وجا الوالد لمي بالمطبخ وقال :
اللللللللله ياقوافي مرقوق ماعقبه مرقوق ..
اناظر ابوي اكيد يبه !!! يقول ايه ( الله يجبر خاطره دنيا وآخره ،،ما يبي يضيق صدري الله يطول عمره يارب)..
مانمت من التفكير ولا كان فيه وقت و يوم جيت أطلع الصبح للمدرسه وواقفه احتري البنات اللي بيروحون معي رجليه الا وكيسنا عند برميل بترومين حق الزباله ولااااااااه مرقوقي :eek:
وتــــــســــــــــــــلــــــــــــم الأيدين ياقوافي :D


http://t1.gstatic.com/images?q=tbn:ANd9GcTxw0dzuAkufDN-StocEu5dj_NezgOV22fZRRcnEsbgPbW6DSodHg


لا توهقون مب صورة مطاريسي ،،كااااااان ودي يصير مثل مرقوق امي او مثل الصوره وتوبه ما عندي مرقوق لأحد،، مطااااازيز وبالفراده ،، لليوم ( فــــــشـــــل ) بكل الاوقات ..
تحياتي للجميع من أختكم
..قوافي..

[راعي العجراء]

هلا ياقوافي
تسلمين ياقوافي ويسلم مرقوقك
تصدقين ريحته وهوقبل كم سنه طلعت مع الكمبيوتر
ويقولون ماهو زين ماتعشوا
اجل هالريحه منين جتنا يمكن تشابك بالخطوط وطلعت ريحة مرقوق الجيران
سالفه منتازه ياقوافي نبي سالفه الجريش كذلك سالفه العصيده
واعتقد ان هالوقت مافيه لامرقوق ولا مطازيز
وقتنا وقت الهمبرقع والفنوش مدري الفتوش والكبه الي مابعد استوت نيه
اسعدك ربي وين مارحتي ياقوافي
مع السلامه

[عابر الموج]

الف نعم فيكي الجود من الماجود بنات الوقت شبس في شبس ولاتجوزت زوجها المسكين مقاول مطعم كل شي ماعرف حريم اول وبس وخل الجيل التالي يزعلون تقبلي تحياتي

[خوي مخباته]

ههههههههههه والله ماقصرتي بيض الله وجهتس انتي مجتهدة ههههههههههههههههههه
ولكل مجتهد نصيب ههههههههههههههههههههههههههه والله عجزت اكمل الرد ههههههه
اجل لقيتيه عند ........ وانت رايحه للمدرسه هههههههه والوالد يقول خوش م ر ق وو ق
مشكوووووووووووررة اخت "" قـــــــــــوافـــــــــــــــــــــــي "" وبارك الله فيتس ,,
.................................. تحياتي وتقديري وإحتراماتي ...............................

[الدبا]

ههههههههههههههههه
انتي ما قصرتي حاولتي وحاولتي ولكن ما ضبط ما عتس
مشكورة يا قوافي

[قوافي ( أم نهار )]

هلا ياقوافي



تسلمين ياقوافي ويسلم مرقوقك
تصدقين ريحته وهوقبل كم سنه طلعت مع الكمبيوتر
ويقولون ماهو زين ماتعشوا
اجل هالريحه منين جتنا يمكن تشابك بالخطوط وطلعت ريحة مرقوق الجيران
سالفه منتازه ياقوافي نبي سالفه الجريش كذلك سالفه العصيده
واعتقد ان هالوقت مافيه لامرقوق ولا مطازيز
وقتنا وقت الهمبرقع والفنوش مدري الفتوش والكبه الي مابعد استوت نيه
اسعدك ربي وين مارحتي ياقوافي


مع السلامه






هلا ومرحبا وحياك ربي
تسلم الله يحفظك
الحمد لله طمنتني كان ضايق صدري على كراتيني لكن ادام الريحه طالعه لين الحين معناته اني شي وانا مدري:D
اللي تعشى برميل بترومين واقووووول ليه بترولنا واجد اثر السالفه باغات مسنده همن تحلل وتصير بترول يعني حنا مساهمين أساسيين..
لالالالا ماتشابك شي والريحه ذي كرااااا !! مرقوقي:good2:
جريش وعصيده :) ليه بس الاحراج،،طيب بسوي جريش وعصيده واعلمك وش صار بس لا تعلم احد،، اولاً بدل ماتحتري سالفة العصيده هذي اصلاً ما اعرف اسويها والجريش بشووووف حيثو أنني نفلائو والجريشي كثيرو..
شفت انه موب وقته وتبين اكتب عن طبخي حتى القاموس حذف مسماهن من اللغه العربيه..
الله يسعدك دنيا وآخره ويحييك ربي ..
اسعدني حضورك الكريم وردك الجميل بارك الله بك..
تحياتي وتقديري واحترامي
..قوافي..

[الجرح الحزين]

وعليكم السلام ورحمة الله وبركاته
هههههههههههههههههههههههههههههههههه
يابعد عمري عمرتس وانا أخيتس زين منتس الي سويته
ولا بنات هذا الوقت لو تقولين لها تشب لك الفرن تقول ما أعرف زين منها تسوي لتس بيض
الله يحفظ الوالد مثل أبوي المسكين أي شي تسوينه حتى لو ماهو زين يقول زين ويمدحه كثير
محدا يعلمتس الصحيح غير الوالده الله يحفظها
بس تسلم يدتس على الطبخه
صدق ماعلمتينا الوالده وشو قالت ولا للحين ماعلمتوها
تقبلي تحياتي ياخيتي

[قوافي ( أم نهار )]

الف نعم فيكي الجود من الماجود بنات الوقت شبس في شبس ولاتجوزت زوجها المسكين مقاول مطعم كل شي ماعرف حريم اول وبس وخل الجيل التالي يزعلون تقبلي تحياتي






حياك ربي وياهلابك
والنعم بحالك وبيض الله وجهك اليوم ودوم واشكرك كثير على ردك الجميل وثنائك الاجمل..
بنات هالوقت عايشين زمانهم،، ولكل وقت ناسه،، اعانهم الله عليه وعلى انفسهم..
ما أعرف!! هذي مشكلة المشكلات،، ولكن يظل الرجل سيد المنزل و الموقف والتفاهم زين..
وخل الجيل التالي يزعلون
:D:D:D ( لا تعليق ) :D:D:D
اشكرك على حضورك الكريم والمميز بارك الله بك وحفظك
تحياتي وتقديري واحترامي
..قوافي..

[النبهاني]

وعليكم السلام ورحمة الله وبركاته
حيا الله قوافي
صراحه احسبك تطبخين هرش
بس هذي ضريبة العلم والدليل هالصحين الا الا
ذكرت سالفه بالايام الخوالي يوم بيروت كانت مرباع ومدهال العرب
واحد اقلع من هنا يوم وصل المطار عاد هو عجل وتقهوى من قهوتهم المعروفه
واظنه كثر والله يكرمكم جاب غديه وشافه هكالواحد قال يخرب بيته اكل كراتين
الضعيف كان غداه قرصان
سلمتي أخيه

[وحيد قلاسكو]

هههههههههههه عداك اللوم وماقصرتي واكيد الجميع مقدر جهدك حتتتتتتى لونه ماينكال ههههههههههه :D

[الوافي.]

زين سويتي في بطن ابوتس ولا بطن رجلتس

[خالد العطااوي]

عليكم السلام ورحمة الله وبركاته ,,
والجوود من الماجود صدز < ويازين زمان اول بس :(
وسالفه مابعدها سالفه ,,
ونحتري ابداعاتك ,, :D

[قوافي ( أم نهار )]

ههههههههههه والله ماقصرتي بيض الله وجهتس انتي مجتهدة ههههههههههههههههههه




ولكل مجتهد نصيب ههههههههههههههههههههههههههه والله عجزت اكمل الرد ههههههه
اجل لقيتيه عند ........ وانت رايحه للمدرسه هههههههه والوالد يقول خوش م ر ق وو ق
مشكوووووووووووررة اخت "" قـــــــــــوافـــــــــــــــــــــــي "" وبارك الله فيتس ,,


.................................. تحياتي وتقديري وإحتراماتي ...............................



حياك ربي ابو حمد
وجهك ابيض اليوم ودوم حفظك الله..
لكل مجتهد نصيب،، ونصيبي أحلى نصيب رضا الوالد،، و يكفيني تشجيعه لي وهو ماتعشى لا هو ولا ضيفه..
ايه لقيته عند برميل البترومين واثارينا نشارك بانتاج النفط وحنا ماندري..
الوالد لو اقول من هنا لبكره ما أوفيه حقه الله يطول بعمره ويحفظه..
العفو وبارك الله بك وبحضورك الكريم وردك الجميل..
تحياتي وتقديري واحترامي
..قوافي..

[ابأ محمد]

هذى المحاوله اكيد طلعت لك قلب وتعلمتى زين

والوالد لو كمل معروفه ورماه بعيد عن البيت كان ياسلام مشت عليك وترتفع معنوياتك

ياليت الجيل الجديد يحافظ على المؤروث الشعبي القديم ولو مره باالشهر يسوى شى قديم وشعبي

بارك الله فيك ونفع بك

[قوافي ( أم نهار )]

ههههههههههههههههه



انتي ما قصرتي حاولتي وحاولتي ولكن ما ضبط ما عتس


مشكورة يا قوافي



حياك ربي وياهلابك
ان شاء الله سعاده دائمه برضى رب العالمين..
اهم شي رضى الوالد والحمد لله راضي ومبسوط اني حاولت وما قصرت ،، الله يعظم أجر والدينا والمسلمين ..
العفو اخوي الدبا انا من يشكرك لحضورك الكريم وردك الجميل بارك الله بك وحفظك..
تحياتي وتقديري واحترامي لشخصك الكريم
..قوافي..

[قوافي ( أم نهار )]

وعليكم السلام ورحمة الله وبركاته





هههههههههههههههههههههههههههههههههه
يابعد عمري عمرتس وانا أخيتس زين منتس الي سويته
ولا بنات هذا الوقت لو تقولين لها تشب لك الفرن تقول ما أعرف زين منها تسوي لتس بيض
الله يحفظ الوالد مثل أبوي المسكين أي شي تسوينه حتى لو ماهو زين يقول زين ويمدحه كثير
محدا يعلمتس الصحيح غير الوالده الله يحفظها
بس تسلم يدتس على الطبخه
صدق ماعلمتينا الوالده وشو قالت ولا للحين ماعلمتوها


تقبلي تحياتي ياخيتي


هلا وغلا باختي الغاليه ويا مليون مرحبا وما يسدون
ان شاء الله ضحكه وسعاده دائمه
هذا زمانهم والله يعينهم عليه ..
الله يطول بعمر كل غالي ويحفظهم يارب ويرحم الحي والميت منهم..
لا اااا تراتس ظالمتهم شوي ،،وش بيضه يقرفون من ريحته،، يعني سندويش جبن ويخق علينا منهم :D
الله يطول بعمر الوالده ما قصرت معي بشي كل اللي تعرفه علمتني اياه ..
تسلمين يالغلا كله..
وش قالت الوالده؟؟
قالت ياطويلة العمر بعدي بنتي والغدا باتسر مرقوق وانتي اللي ترقينه ورقيته:):););)
الله يجزاك خير على حضورك الكريم وردك الجميل بارك الله بك وحفظك..
تحياتي وتقديري واحترامي
..قوافي..

[قوافي ( أم نهار )]

وعليكم السلام ورحمة الله وبركاته




حيا الله قوافي
صراحه احسبك تطبخين هرش
بس هذي ضريبة العلم والدليل هالصحين الا الا
ذكرت سالفه بالايام الخوالي يوم بيروت كانت مرباع ومدهال العرب
واحد اقلع من هنا يوم وصل المطار عاد هو عجل وتقهوى من قهوتهم المعروفه
واظنه كثر والله يكرمكم جاب غديه وشافه هكالواحد قال يخرب بيته اكل كراتين
الضعيف كان غداه قرصان


سلمتي أخيه



حياك ربي وابقاك ابوسالم
هرش مره وحده عشانه ابطى يعني :D الشكوى لله..
هالصحين كان حلم ان يكون صحيني لكن جبر الخواطر على الله والوالد ماقصر الله يطول بعمره..
:D:D:D العلوم رايحه وطي مع القهوه :)
اييييييييييه تطور القرصان مع القهوه وصار كراتين اشوى اللي ما صار قرطاس ولا ورق قص ولزق ذاك اللي دبلو كبدنا فيه بالمدراس عاد تقص الخضراء حبحر والحمراء طماط والبنيه لحمة حاشي والسوداء ليمون اسود :eek: شكلي اروح انام ازين،،كني بديت اخربط ..
تسلم اخوي الله يحفظك ويجزاك خير على حضورك الكريم وردك الجميل واشكرك على مداخلتك الجميله..
تحياتي وتقديري واحترامي لشخصك الكريم
..قوافي..

[قوافي ( أم نهار )]

هههههههههههه عداك اللوم وماقصرتي واكيد الجميع مقدر جهدك حتتتتتتى لونه ماينكال ههههههههههه :D


حياك الله وياهلابك
ان شاء الله سعاده دائمه برضى رب العالمين
تسلم اخوي الله يحفظك ،،حاولت يصير مرقوق صار اشباه :D الله يعظم أجر والدينا والمسلمين ويرحم الحي والميت منهم..
الوالد الله يحفظه مقدر وفرحان اني حاولت ما قلت لأ ،، ابوي دايم التشجيع خصوصاً لين صار الوحد ماعنده خبره او صغير سن..
لو شايفه كان كرهت المرقوق :eek: ريحه فقط ..
اشكرك لحضورك الكريم وردك الجميل حفظك الله..
تحياتي وتقديري واحترامي
..قوافي..

[قوافي ( أم نهار )]

زين سويتي في بطن ابوتس ولا بطن رجلتس










حياك الله
لا بطن ابوي ولا بطن رجلي
( ابطن الزباله )
تحياتي
..قوافي..

[قوافي ( أم نهار )]

عليكم السلام ورحمة الله وبركاته ,,
والجوود من الماجود صدز < ويازين زمان اول بس :(
وسالفه مابعدها سالفه ,,
ونحتري ابداعاتك ,, :D

حياك الله اخوي خالد العطاوي وياهلابك
نعم الجود من الماجود ،،صدز
اول كل شي فيه زين ابتداء من العادات والتقاليد والمعيشه والطيبه وكل ما فيه جميل وبسيط..
تسلم الله يرفع قدرك دنيا وآخره
الابداع بحضورك ومرورك الكريم وردك الجميل بارك الله بك وحفظك..
تحياتي وتقديري واحترامي
..قوافي..

[حمد69]

وعليكم السلام ورحمة الله وبركاته
ياالله حيها
كفو يالنفلا والله هبة ريح يقوافي..
هذا عشاء ولا سحور:D المهم ما أصبح جايع
لو ريحتي نفستس وسويتي له عصيده كان اسهل لك ولهم خصوصا الضيف
ما عنده مثل :Dهالضريسات..
امي تخبرني تقول اول إذا جاهم ضيف بنص الليل
ويا كثر من يسيرّون بنصوص الليالي ما عندهم وقت
ولا ساعة ولا اتصال ولا شيء ولا يخبرك متى جاي وربما ما تعرفه ولا شفته..
تقول ابوي يقومها تسوي عشاء.. ودايم يقول الضيف
ما يبات جافي إلا عند الهافي..
المهم ما يصبح جايع...
بس الحين لو واحد قوم حرمته الساعة 1أو2وقالها عندنا ضيف قومي سويله عشاء
إيش شعورها وردة فعلها..
لو الحين الحمدلله حاتم ( المطاعم) على يمينك ويسارك
كفو كفو يا قوافي موقف مشرف وما خذلتي الوالد
والتبسي او الببسي هههه كفاهم وزاد حتى مرتادي البراميل (القطاوة تسحرون)
دامك الله في حفظه
أخوك حمـــد

[فهد الهلالي]

احسنت ِ قوافي على هذا الابداع من السوالف الطيبه
وامل استمرارك يا شعلة المنتدى
تحياتي

[دلهميز]

الحمد لله لم افوت اي حكاية للسيدة قوافي ابقاها الله لنا في هذا المنتدى علما بارزا ورمزا مميزا

[قوافي ( أم نهار )]

هذى المحاوله اكيد طلعت لك قلب وتعلمتى زين

والوالد لو كمل معروفه ورماه بعيد عن البيت كان ياسلام مشت عليك وترتفع معنوياتك

ياليت الجيل الجديد يحافظ على المؤروث الشعبي القديم ولو مره باالشهر يسوى شى قديم وشعبي

بارك الله فيك ونفع بك


حياك الله وياهلابك ابأ محمد
ما طلعت لي قلب طلعت لي كفوف تقل دفوف لمين تعلمت الرق:D
ارتفعت معنوياتي لأنه ما حسسني إلا بالسنع وهذا لحاله يكفي،، وصدق لو بعد جادع الكيس بعيد كان ياسلام ..
ان شاء الله الجيل الجديد فيه خير وهذا زمانهم وكلهم تغيرو مع تغيير الوقت مثل كل شي حولنا اول غير والحين غير،، ولو طلب منهم تعلمو و ماقصرو،، او على الاقل حاولو..
امين ويبارك بك وبحضورك الكريم
اسعدني ردك المميز
تحياتي وتقديري واحترامي
..قوافي..

[قوافي ( أم نهار )]

وعليكم السلام ورحمة الله وبركاته




ياالله حيها
كفو يالنفلا والله هبة ريح يقوافي..
هذا عشاء ولا سحور:D المهم ما أصبح جايع
لو ريحتي نفستس وسويتي له عصيده كان اسهل لك ولهم خصوصا الضيف
ما عنده مثل :Dهالضريسات..
امي تخبرني تقول اول إذا جاهم ضيف بنص الليل
ويا كثر من يسيرّون بنصوص الليالي ما عندهم وقت
ولا ساعة ولا اتصال ولا شيء ولا يخبرك متى جاي وربما ما تعرفه ولا شفته..
تقول ابوي يقومها تسوي عشاء.. ودايم يقول الضيف
ما يبات جافي إلا عند الهافي..
المهم ما يصبح جايع...
بس الحين لو واحد قوم حرمته الساعة 1أو2وقالها عندنا ضيف قومي سويله عشاء
إيش شعورها وردة فعلها..
لو الحين الحمدلله حاتم ( المطاعم) على يمينك ويسارك
كفو كفو يا قوافي موقف مشرف وما خذلتي الوالد
والتبسي او الببسي هههه كفاهم وزاد حتى مرتادي البراميل (القطاوة تسحرون)
دامك الله في حفظه
أخوك حمـــد




الله يحييك ويبقيك اخوي حمد
الله يحفظك ويبيض وجهك اليوم ودوم ويجمل ربي حالك على جمال ثنائك..
هو عش سح:D،، لا مانام جايع قصدي الكيس اللي جمب برميل بترومين ولا الضيف
مدري عنه :good::eek:..
تدري ان العصيده اسهل بكثير ،،وليتني كنت اعرفها،، كان ارتحت،، من الكراتين والاحراج،، والضيف زلطه بدل ذالجلوف اللي ماتنعلك ولا بقطامه..
كلام الوالده الله يحفظها صحيح وهذا كان بكل مكان ..
الحين مابي اقول وش بالحين من خيبة أمل كبيره بثلثين المتغيرات فأنا أعتبر التغير ثلاثة اثلاث
ثلثين سيئين وثلث حسن..
شعورها يعتمد على رجلها اللي هو زوجها وش هو معودها عليه..
(ياربي ياربي عسا ما يزعلون مني الحريم ) بس من جد رجلها ثم رجلها(زوجها) ..
هذاك قلتها المطاعم ،،صارت اكثر من عدد البيوت غير التنوع واسهل ومب لازم ضيف نص الليل حتى بالاوقات العاديه اذا الوجبه كبيره الله يسلم المطعم واحيانن حتى لو خفيفه وبرضه فيه للأن بيوت ماتوجب ضيفها إلا من طبخ ام العيال كبرت او صغرت الوجبه وتراهم كثير،،بس ناس خربة على ناس..
كفوك الطيب وشرف الله مقدارك دنيا وآخره..
اووووه التبسي يكفي ديره ..
اشكرك لحضورك ومرورك الكريم وردك المميز والجميل بارك الله بك وحفظك..
تحياتي وتقديري واحترامي
..قوافي..

[قوافي ( أم نهار )]

احسنت ِ قوافي على هذا الابداع من السوالف الطيبه

وامل استمرارك يا شعلة المنتدى

تحياتي


حياك ربي وياهلا ومرحبا مشرفنا الفاضل ابو محمد
الله يرفع قدرك ويجمل حالك دنيا وآخره..
الابداع انتم أهله وحضوركم الكريم جمل السالفه وانار متصفحي ..
اشكرك كثير والله يجزاك خير ..
الاستمرار أنتم تقفون خلفه بتشجيعكم وثنائكم بارك الله بك وحفظك فهو الداعم الاساسي لتواجدنا واستمرارنا بهذه الخيمه الحبيبه..
تحياتي وتقديري واحترامي لشخصك الكريم
..قوافي..

[قوافي ( أم نهار )]

الحمد لله لم افوت اي حكاية للسيدة قوافي ابقاها الله لنا في هذا المنتدى علما بارزا ورمزا مميزا


حياك الله وياهلابك اخي الفاضل
دلهميز
اشكرك رفع الله قدرك دنيا وآخره وبارك بك وبنفسك الكريمه..
تتشرف قوافي وحكاياتها وسواليفها بك اخي الكريم ..
الله يبقيك ويحفظك دوم ..
اسعدني ثنائك المميز وردك وحضورك الكريم..
تحياتي وتقديري واحترامي
..قوافي..