تسجيل الدخول

مشاهدة النسخة كاملة : من يدلني على فني تكييف سيارة جيد وسعره معقول


PATHFINDER 4
15/06/2013, 04:39 PM
السلام عليكم
عندي مكيف الباثفندر 2004 مجملني 4 سنوات ماقصر
خرب علي قبل فترة ووديته لكذا واحد وللاسف خساير فلوس ووقت بدون نتيجة

وابي الله يعافيكم تدلوني على ورشة شمال الرياض صناعية العروبة او ام الحمام
شغلهم نظيف وفاهمين والسعر معقول مب يصلخنا فوق هالحر

الصناعية القديمة بعيدة وزحمة واخاف يحتاج ارجع له كل شوي وانا منب حوله

جزاكم الله خير
مخ سعودي
15/06/2013, 08:52 PM
انا ادلك على بكستاني في جنوب الرياض صناعية الموسى وميزته امين وسعره معقول اذا انت لك رغبه في رقمه ابشر بعزك
تنومه1
15/06/2013, 11:34 PM
دلنا على الباكستاني جزاك الله خير وهل جربته ووش سيارتك
..D7oom
16/06/2013, 03:17 AM
وعليكم السلام

كان عندي باث العام وبهذلني بالمكيف عبيته فريون كم مره وما ظبط الا لما وديته عند واحد وقلت له خذ الي تبي بس تصلحه واذا ما ظبط ما تاخذ شي والحمد لله ظبط معي والفني بالصناعيه القديمه. أنت من حقك تشترط عليه انه يظبطه لك او تعطيه شي بسيط اذا ما ظبط لان في ناس تتفلسف على الفاضي وهو يتعلم.

المهم ما ذكرت وش المشكله بالظبط؟
مخ سعودي
16/06/2013, 08:26 PM
دلنا على الباكستاني جزاك الله خير وهل جربته ووش سيارتك
نعم يالغالي اشتغل في سيارتي من نوع ماكسيما 2002 واشترطت عليه ثلاجه والحمد لله تبارك الله ان اخلص في شغله .
موقعه صناعية الموسى جنوب الرياض وهي الصناعية التي مقابل حراج بن قاسم تجي على يدك اليمين ووجهك شرق اسم الورشه المحترف وميزته متخصص في النيسان
عموما راح ارسل لك رقمه على الخاص والله يوفقك يالغالي
مخ سعودي
16/06/2013, 08:32 PM
حاوولت ارسل لك لكن الرسائل عندك فل ولايوجد مكان للتخزين
تنومه1
16/06/2013, 10:09 PM
مخ سعودي كثر خيرك وجزاك الله خير سيارتي جمس هل تتوقع انه يزينها.
ارسل الرقم على الخاص حذفت الرسائل القديمه
مخ سعودي
18/06/2013, 01:49 AM
والله اخوي تنومه مادري عنه في الجمس
لكن يعلم الله اني من تبريد المكيف اطفيه عز الظهر ماشاء الله تبارك الله
وسعره معقول وسمح وابشر برقمه على الخاص