السلام عليكم///موضوع مناقشه اسعار السلاح//(((شي غريب اخوكم راعي قزاز)))

[راعي قزاز]

السلام عليكم/ كيف حالكم. ان شاء الله طيبين.)))) ي الربع انتم ماتلاحظون ارتفاع السلاح والله ميصير :( الحين كلن يعطك سعر من مخه وتقوله ليش غالي يقول ارتفع السلاح ؟!!وقفف ب النقطه هاذي والله موقع برنو خشو عليه وتشفون كلامي والله ان البرنو موديل السنه ب 1700 ريال يوم تحسبها ب الدولار //وان البنلي اخر وحده ان زلت ب 4200 ريال بعد ماحسبنها ب الدولار///. حرررررام ي جماعه والله اول اني اشتري ام سيلان ب 2000/او 2500 والحين ب 4000 سوم بعد يقولك الشكوه الله///عندي خرازه برنو شريتها ب 3500 والحين يبعونها 8000و 9000// ليش ليش الي يقهر ان التجار ارفعو الاسعار وكلينها وهم مع احترررررامي :؛:كذابين ولاواحد صادق يقول ارفعو. كذاب.))))وارجو من الاخوان يدخولن على/1برنو-- - /2بنلي--3بيكال وغيرها من شركات))) اخوكم// راعي قزاز//:)

[راعي قزاز]

والله بس لو مافيه لعب التجار كان انا وكل واحد معه بنلي والله مو كل احد يقدر يشتري اسلاح ب ٢٢الف. وهي من الشركه ب ٤٢٠٠ طيب زودو شوي مو دبل دبلها ١٠ مرات. (((((الشكوه الله))))

[تساهيل1]

شي طبيعي

مافيه وكيل

يعني السلاح كله مهرب ....تهريييب
ناس لهم وساطات في المنافذ و الوزارات ويهربون السلاح
ويحطون اسعار على مزاجهم..بتقول لا مثلا....!

شف الساكتونات الهوائي سعرها تقريبا ثابت
ليش....؟
لان لها وكاله

ارجو ان الصوره وضحت

وبالتوفيق

[النرجسي]

المشكلة لاحيات لمن تنادي لو نجلس سنة نتكلم مافية فايدة رح للكويت وتشوف الاسعار كيف الفرق الله يعين بس هذي السوق السودى مافي سعر ثابت اذا زاد التشدير ترتفع الاسعار استغلال طبعاً

[هموووس]

انت شفت اسعار القناصات من عيار الام سقستين والجثري
سعر اخو الجديد منها يوصل 30 ويمكن يزود
والمرهم 14 وانت طالع
والله جد اسعار تجيب الجلطة

[اكسجيين]

الموضوع سبق وتم النقاش به مرارا وتكرار ولافيه فائدة الاسعار يحكمها الطلب فااذا كان الطلب يفوق العرض فتوقع اسعار اكبر واكبر هذا في السلع المسموحه فما بالك بالسلاح، اما مقارنة الاسعار هنا وهناك فهي غير منطقية ابدا لسبب اولا واخيرا (( المخاطرة)) لنفترض مهرب السلاح سياخذ على كل قطعة مكسب 1000 والي بعده مثلها والي بعده مثلها لحد ماتوصل للبائع التفريد وهنا يرفع على كيفة حسب الندرة وحسب الطلب والسوق ، اتذكر الستوقر قبل ان تشتهر وتاخذ سمعة بالنت وبالخارج ايضا كانت ب 5500 ريال ثم ارتفعت الى 7500 والان اكيد اكثر وقس على ذالك القطع القديمة تتداول بين الناس وكل شخص يبيع ياخذ مكسبه وهي بالاساس قطعة اثريه مصدية اكل عليها الدهر وشرب لاتصلح للاستخدام

[الضرغامي]

الله يعين ويرحمنا برحمته
الحين يالله تاخذ قرض عشان تشتري بريتا او بنلي وزودن ع القرض تصير مقرود وتمر من عند تفتيش ويصادرونها

[راعي قزاز]

تساهيل///وضحت جزاك الله خير

[راعي قزاز]

النرجسي// صادق انت لنا سنه ونقول ونفعل //الحل المجتمع يقطع شري السلاح الغالي وخلص بي نزلون غصب محد يشتري عندهم. الي عنده اسلاح يضبه هم كذابين ونصابين التجار

[الخرب الازرق]

المشكله الفشق قبل اسبوعين كان من 2000إلى 2100تقريبا والحين ارتفع الدستة 140 :confused: يعني الصندوق 2800 ويمكن تحصل ويمكن لا
يعني رح لسوق الغنم وخذ 3 تيوس احسن من الرمي
و الله شي يقهر :mad:

[راعي قزاز]

اكسجين كلامك//سليم بس مهو لدرجه هاذي صدقني لعبه والبيكال. شريتها منهم ب ٤٥٠٠ ريال والان شف كم ي رجال ((((((يحكمها الطلب فا اذا كان الطلب يفوق العرض فتوقع اسعار اكبر واكبر هاذا>>تدري وش الحل يقطعون الشرا منهم خلاص وينزلون غصب))))))))بس ماحولك احد والله ما اشتري بهاذي القيمه ابد

[راعي قزاز]

الخرب الازرق/// تدري ليه لعبه منهم يقلون مقطوع وهو عندهم ب كثر وينزله ويقول انقطع وارتفع ههههههه لا لو تلاحظ قبل موسم الصيد ينقط كم يوم ويجبون وقلون ياالله جبنا وارتفع هههههه الشكوه الله التاجر معه بنلي شريها ب ٤٥٠٠ من الشركه والفشق ب ٢٠ ريال وحنا الله اعلم بنا بس سوق الغنم اشرف منهم ومن اسلاحهم ههههه المشكله انهم يجبون ببلاش مافيه تهريب ولا غرابيط طيرات خاصه ورح يشترون ب تراب الفلوس ههههه

[الشمروخي]

سوال ياشباب لو عرضت شوازن باسعار اول مثلاً بيكال الان بعشره جديد لو بيعت بسعره قبل سنتين بخمسه
وعدد البياكل اللي عندك 20 بيمشن بظرف اسبوع او لا

اذا لا فلكم حق تتذمرون وماتنلامون
اذا بيمشن بظرف اسبوع فمالكم حق لانه لو اي واحد منكم عنده عشرين بيكال ومشن بهالسرعه بيطمع طبيعي لانه بيشوف نص اللي شروهن منه يبعون على سته وسبع وثمانيه وتسعه ويمشن لان الشعب معهم دراهم ويشرون فطبيعي بيقول عشره

هذا الوضع ياشباب العالم تشتري غصب ليه لان معهم دراهم والدليل سيارات لاهي مممنوعه ومتوفره كثر التراب واشكال والوان ومستعمل واجد النظيف واكسنت انا يامكلمك شاريه قبل كم سنه ب24 جديد الان بخمسين
فما بالكم بسلاح منقطع من الشام واليمن طبيعي غالي وللمعلومه اذا سلاح صيد كشوزن اي شوزن تمشي وتصيد فلاتتضايقون اشتروا ام بطه حفر جديد مايتعدى سته وهذي الدنيا ياخوان الشكوى لله ناس تركب لكزز 2013 وناس ربع نيسان 93 مهب لازم بنلي او برتا اي شي تقدر عليه

[الشمروخي]

واذا تبون الحل قاطعوا الكل سوى سلاح او غيره
طبعاً الحل فاشل ببلد اهله معهم دراهم امورهم حليله والقرض تاخذ ميه وتسدده ١١٢٠٠٠ يابلاش ناس اعرفهم اول مستحيل يشتري سياره جديده الان اللي مامعه جديد غريب كم مدرس تعين وكم عسكري تعين وكك شركه وظفت الوظايف من سنتين وهي سالكه والبنوك فارجع اقول شعب صعب يقاطع وهو نص النعمه تكب ماتوكل الله يعزه

[ماجنووم]

^^^ كلام صحيح ألف بالمئة

[راعي قزاز]

السلام ي شمروخي بس هاذا مايعني ان التاجر يرفع الي يشتري البيكال ب ٥٠٠٠ ويبيعها ب اغلا ب شوي عادي بس لو التاجر مارفع محد يشتر من الي يتكسب البلا كله من التجار هم الي يلعبون بس الشكوه الله والله ابي شوزن مسوره يقولي سوم ٤٥٠٠ مثلا اشتريها ب ٥٠٠٠ حرام (((((كلامك سليم)))اشكرك ي غالي على جهودك

[أبوصالح9]

راعي قزاز شكله ماعمره خطم الحلبي من فوق راسك وانت بالشعيب قاعدن تغدا - اذا صار لك هالموقف صدقن بتقول جعل السلاح ينقطع مهب يرتفع سعره

شكلك ماعمرك دخلت السوق وشفت الفرافير اللي يدورون مسدسات وشوازن - الله يرحم حالنا وحالك

لو علي انا وصلته 50 الف من البلا اللي نشوفه - اجل تخيل بزر ما خط شنبه يشري مسدسين تركيات قدام عيني - وش تتوقع بيسويبهن - راعي قزاز تراه سلاح مهب لعبة - انت رجال تبي تقنص وتعرف السلوم لكن لاصار السلاح بيد بزر لو يشوف كيسة طايرن به العجاج ورمى ، تبي تقول وراهم يغلون السلاح

منول تشوف القوانيص بالشعبان على عدد اصابعك وكلن عارفن محله وصيده والحين لا اقبلت على الشعيب تمشي وانت مدنق ماتدري منين بيجيك الحلبي - لاصارت سيارتك بيضاء وشافك من بعيد يحسبك غرنوق حدر

وراعي الصيد يعرف الزمان والمكان اللي يلقى فيه سلاحه وصناديقه بسعرن معقول

فمان الله

[راعي قزاز]

ههههههههه حياك ي ابو صالح. مهو مشكلتنا الوراعين))) خلهم لعن جاهم ورع يعطونه من راسهم سعر يهج هههههه. شكراا على تعليقك)). اخوك٪{{راعي قزاز}}

[سابرالضلع]

كلام صحيح اخوي مئة بالمئة بس يقولك راعي السلاح اذا ماانت مشتري فيه غيرك يشتري وهو صادق ومستحيل تقعد عنده السلعة ما تنباع راح يبيعها بالسعر اللي يبيه بس حنا كل ماقالوا لنا ارتفع السلاح صدقناهم
تقبل مروري

[الشقردي 205]

مــن جــرب الــحــاجــه عــذر كــل مــحــتــاج ..
نــاسـن عـطـاهـآ الـلًـه ونــاسـن حـرمـهـا ..


الله كريم ..

[راعي قزاز]

{{{{{{{صح الساااااانك}}}}تحياتي لك ي الشقردي/// سابر الضلع مع التحيه

[أبيك]

لان مافيه وكيل ... وكيل السلاح عندك (( السوق السوداء )) اضافة الى جهل كبير من شريحه من الشباب بالسلاح .. يشري القطعه ب 6000 وهي ماتسوى 1500 واذا جاء يبيعها وساوم الناس عليها يقول ماجابت راس مالها ... إضافة الى منتديات بيع وطلب السلاح فهي عامل رئيسي لارتفاع السلاح ..

[راعي قزاز]

صحيح بس المواقع بيع السلاح الي هو ١بنلي--٢برنو--٣بيكال.--(؛:بتراب الفلوس يبعونها//وسالفت تهريب وسوق سودا مهو صحيح. طيرات خاصه ويجبون من المصانع بس لعب منهم (((((الشكوه الله))))شكرااا