شي عجيب لهوات البر والكشتات بيت متنقل في حوض الوانيت

[khalaa2u]

صباح الخير اليوم جاتني موافقة احد المصانع الامريكيه اللي اراسلها بخصوص نوع من البيوت المتنقله ولكن هذا النوع يركب في حوض السياره من ورا ويتسع بمساحة النوم من شخصين الا 6 اشخاص وميزته سهل الفك والتركيب ومجهز بكل شي من مطبخ واسرة نوم ودورة مياه وطاوله طعام وكراسي ومن احد مميزاته انك تقدر تفكه في اي مكان وتخليه على الارض لان له قواعد تثبيت وخفيف على الموتر والانواع المتوفره هي للسيارات التاليه

جي ام سي 1500 و 2500 و 3500

فورد F150 &F250&F350

دودج 1500 و 2500 و 3500

الاسعار من 20000 ريال الا 40000
وفيه مستعمل بعد والله انها ممتازه لاخيام ولاغثا

أخوكم الخالدي من الشرقيه


شوفوا روابط الصور تحت والله الله بالردود<?xml:namespace prefix = o ns = "urn:schemas-microsoft-com:office:office" /><o:p></o:p>







http://www.mekshat.com/pix/upload/images20/mk17287_014.jpg

http://www.mekshat.com/pix/upload/images20/mk17287_015.jpg

http://www.mekshat.com/pix/upload/images20/mk17287_016.jpg

http://www.mekshat.com/pix/upload/images20/mk17287_017.jpg

[أبو فراس]

السلام عليكم ورحمة الله وبركاته

اخوي ياليتك حطيت صور من داخل الكرافان لانه هو المهم

[أبو سيف السيف]

ياعزوتي غير الخيمه لاتاخذ

[صليب الرأس]

ممتاز لوسمحت ولا عليك امر ممكن ترسل لي عنوانهم ايميل / موقع اكون شاكر لك
ايميلي هو
ashk4@hotmail.com (ashk4@hotmail.com)

ودمممممممممممممممممممممممتم

[ابوظبي 987]

السلام عليكم ورحمه الله وبركاته


اليكم الصور بعد اذن اخي khalaa2u

1
http://www.mekshat.com/pix/upload/images20/mk17287_014.jpg

2
http://www.mekshat.com/pix/upload/images20/mk17287_015.jpg

3
http://www.mekshat.com/pix/upload/images20/mk17287_016.jpg

4

http://www.mekshat.com/pix/upload/images20/mk17287_017.jpg


موضوع جيد.. ومشكور

[بن فيصل]

موضوع جيد ومشكور وما قصرت يامال العافيه

[رحالة الخليج]

( أش طيب أشي حلو أشي لأنه ما في منه ) مشكور أخوي على هذا الموضوع بس لو تحط عنوانهم الالكتروني أو الإيميل ؟

[ابرق الكبريت]

( أش طيب أشي حلو أشي لأنه ما في منه ) مشكور أخوي على هذا الموضوع بس لو تحط عنوانهم الالكتروني أو الإيميل ؟

http://www.campcountryrv.citymax.com/Home.html

[ابرق الكبريت]

سؤالي:::
هل توجد هذه في السعودية!!ومعروضة للبيع؟؟؟
أو انت ناوي تستوردها

أو ماذا؟؟؟؟؟؟؟؟؟؟؟؟؟؟؟

[منتعش]

والله حلوة
بس ما تحس بأن سعرها شوي غالي !

[khalaa2u]

السلام عليكم ورحمة الله لايهينكم على الردود جميعا
اخي ابو فراس صبرك علي شوي بس وابشر بصور الكرفان من داخل
صليب الراس ابشر بالخير
عود حي الله لايهينك انا لو اعرف انزل الصور زي مانزلتها انت كان احط 50 صوره عموما جزاك الله خير
رحالة الخليج فالك طيب ابشر بالخير
اخي ابرق الكبريت انا ناوي اجيب وحده او ثنتين من امريكا وانا جالس اراسل جنوب افريقيا بعد لان في جنوب افريقيا تنصنع للشاص النيسان و للشاص التويوتا وللهايلكس وللددسن وللسيزو و يبغى لي وقت لين انزل لكم صور وابشرو اني بفتح محل انشاء الله للسوالف هذي وراح اجيب معدات عمركم ماتخيلتوها من ظمنا قلص عربه يتحول الى خيمه وماطور وكل شي عجيب صبركم علي
اخي منتعش السعر على الخدمات والله ماهو شي يعني في السعوديه البيوت السحب فاضيه بدون عفش وشغل اي كلام اقل شي ب 16000 بينما هذا مؤثث اثاث كامل ودورة مياه اعزكم الله ومطبخ وخزان مويه وووووو الخ فضلا عن الخفه في الوزن
في الختام اتمنى للجميع التوفيق واتمنى منكم الدعاء لي التوفيق وجزاك الله خير

[سندباد الخليج]

حلوه والله بس عشرين الف واربعين الف تخليك تعشق ام 750 الخيمه عطايا الرحمن

مشكور وماقصرت

[khalaa2u]

السلام عليكم جبت لكم بعض صور الكرفاان من داخل واسمحو لي على القصور

http://www.mekshat.com/pix/upload/images20/mk17287_m2.jpg

http://www.mekshat.com/pix/upload/images20/mk17287_m4.jpg

http://www.mekshat.com/pix/upload/images20/mk17287_m5.jpg

http://www.mekshat.com/pix/upload/images20/mk17287_m7.jpg

[مسير عليهم]

مشكور على المجهود

[ساقان]

اذا هو كامل الاثاث يعتبر سعره جيد
اما اذا الهيكل فقط بها الاسعار فاعتقد انه غويلي شي

[khalaa2u]

اخي ابو ملاك شكرا على المرور واكيد هذي الاسعار كامل مكمل يعني من الى

[كحيلان 11]

والله مهوب بسيط ...
مشكور يالغالي....

[أحب النفع]

اخوي ماهي اخبار مراسلتك مع الشركة تراني أنتظرك على أحر من الجمر

[فلاجكو]

مشكور وهذى لو عندى كان اسكن فيه على طول وكليوم حاره وسلامتك .........

[aamd01]

الله يعطيك العافيه عجل علينا بالأخبار

[ZONE-III]

غير ملائمة لنا من عدة نواحي بل هي تصلح لطلعات البحر
وهي لنفرين في الغالب:D

في رأي طبعا

واللي حاب يشوف أشكالها يكتب في محركات البحث عن الصور

((( camper truck )))

وللأخ الكريم صاحب الموضوع ان احب أن ارفق له بعض الصور عن كيفية صنعها في أحد المصانع فليخبرني

[البيـرق]

للرفع............وين يمكن نلقاه مليت وانا ابحث عنه في النت وما لقيت شي

[اصيل نجد]

صراحه مشكور علي التقرير بس ماعتقد انه يناسب طبعنا يعني انت خابر البر وناسه ولعب وفرفشه هاذي تصلح لواحد اما كاتب او شاعر يجلس بهدو ويسحب القلم لكن مثلنا لعب وركض ومزح وصيد وهيصه وصراخ ماظن يمشي معنا فالخيمه ليس لها بديل الشوق للخيمه تحس انك كاشت اشكرك اولا واخيرا وهاذي مجرد وجه نظر من اخوك وصراحه فيه ناس تحب هالون من البيوت تحياتي لك .

[sultan911]

الصراحه روعه بس يالخالدي اذا فتحت المصنع خلني اول واحد يشتري منك واكيد اول زبون له خصم خاص
وعلى فكره الي يقول ماهي مناسبه بقول ليش ماتناسبنا انا اطلع مع الربع ويوم يجي الليل كلهم يروحون يدورون شقق مفروشه علشان الحشرات والدواب يخافون منها ولكن لو الواحد عنده مثل هذي تقدر تطبخ لو كان فيه هواء او مطر او اي شي يخرب عليك الطبخه وتقدر تنام وانت امن من الحشرات ومن الدواب والله حلو

[النداوي HZ2AF]

جزاك الله خير أخوي الغالي
وأن كان مثل الي في الرابط أسفل عز الله
أنه روعة وأربعين ماهي كثيرة الناس تنفق
على هواياتها أكثر من كذا وفي أشياء أقل
من هذه



http://www.truckcampermagazine.com/




تقبل مرور أخوك النداوي

[المتوكل]

الحقيقه هذا ما نبحث عنه والسعر مناسب جدا جدا 000000
لكن هل هذا السعرشامل اجور الشحن لنه اتوقع ان اجور الشحن مرتفعه جدا

[ابورايف]

شي جميل
الله يعطيك العافية
وتقبل مروري

[قمرنا]

ماذا عن مقاس للجيب الشاص؟
ومشكور أخوي
والله يوفقك,,,,

[الصمان 2]

الله يعطيك العافية على هذه المعلومات .








.

[فارس القبيلة]

الموضوع قديم ياناس

[AUDIO]

بيت ممتاز دخل مزاجي ,

هذا يصلح تبطح به انت والمعزبه ,

داخليه الصراحه ناعم , بعض الكشاته خشن يمكن اتمخش من شطوب رجليه .:d

مشكور اخوي على الطرح .

[البنديرة]

السلام عليكم و رحمة الله /بالنسبة للاخوة اللي سألوا هل يركب على الجيب الشاص او لا
من خلال احد الروابط بالموضوع اللي تفضل احد الاخوان بوضعه وجدت صورة شاص علية نفس المنزل المتنقل اللي الحديث يدور عنه.http://www.truckcampermagazine.com/index.php?option=com_easygallery&act=photos&cid=316&Itemid=67
من رأي الشخصي اجد ان فكره حلوه مناسبه من عدة نواحي:
- سهلولة التركيب على الحوض وسهولة فكه.(يوجد في زوايا المنزل المتنقل عبارة عن رافعه مثل العفريته تنزل وتثبت على الارض)
- بعضها ممكن يكون فيها عدد 2 اسرة
- و دواليب لحفظ الملابس
- مغسله +مكان للاستحمام مع سخان الماء اللي يشتغل بالغاز او الكهرب
- مطبخ صغير + دواليب لحفظ الاواني والمواد الغذائيه+ ثلاجه صغيره
- ممكن يكون هناك بعض الاضافات مثل التلفاز او اجهزة الملاحه او كومبيوتر
- طبعا راح يكون متوفر فيه ماطور لتوليد الكهرباء لتشغيل الاجهزه الموجده داخل المنزل وخارجه
- وراح يكون فيه مكان لاسطوانة غاز لاغراض الطبخ او استخدمها للاستحمام كما هو معمول فيه في بعض الدول العربيه
- لنفرض انه عندك ونيت جمس غمارتين تقدر تسوي برنامج سياحي لاسرتك تاخذهم جوله بالمملكه وذي سهلة وصدقني ماراح ينسونها ابد نظراا لتوفر كل شيء بهذا المنزل
- يوجد منه انواع ومقاسات لك لسياره فيها حوض
من عيوبه:
-اللي اراها انا من وجهة نظري سعره ممكن يكون غالي لا نه انا لاعلم عن سعره
- نظرة الناس للجديد عندما تقتنيه - يعيب عليه صغره في اسيعاب عدد من الاشخاص كأسره مكونه من 4-5 افراد(ممكن ابو العيال ينام بره جب لك خيمه او نم تحت البيت للي شاف الصور)
في النهايه ستجد عندك صندوق عزبه كبير فيه كل شيء ( لا تنسى قدر الظغط)
تقدر تفكه متى ماتبغى وتركبه متى ماودك لبق بالريوس (واكرب الصواميل) ويازين طلعت البر والله لو تفرش دفاك حدر الموتر .تقبلوا تحياتي من الغربه لي ثلاث سنين مارحت للبر وادعوا لنا بالتوفيق واسف على الاطاله
-

[بن هدهود]

حلوه ولها جوها

[majed_sg]

البيت هذا موجود على رابط الإباي .. ويوجد منه الكثير مستعمل

http://motors.shop.ebay.com/i.html?_nkw=camper+truck&_sacat=&_trksid=p4506.m270.l1313&_odkw=camper&_osacat=0&bkBtn=

[صلفان.نجد]

البر يبي ذابل الريق صبار... ماهوب لاهبت يدور ذراها!!!!! هذا يمكن يناسب مكشات العوائل, والسعر مع هالتجهيزات مناسب.

[بدوى وحضرى]

الله يمسيكم بلخير جميع ياخوى الخالدى ودنا بصور للكرفان من الداخل وهل به ماتور كهرب وكيف ينزل من السياره بلبر ومشكور وماقصرت

[بدوى وحضرى]

:l :s :f :c :lr وش اليوم منها الصور

[النيساني]

مجهود تشكر عليه يأبن العم
وعساكـ عالقوة.

[alwssam6]

http://smiles.majidsr.net/images/thanks/get-6-2009-ky9km165.gif

[رعد الصحراء]

إذا التجهيز كامل أشوف إن السعر ممتاز جداً

[abo-rashed]

مشكور على الموضوع الجميل ولاكن اعتقد ان الخيمه جو ثاني .

تحياتي لك .

[الميمونى تو]

هلا بالنشمى

[الميمونى تو]

ضايق خلقى وانا اخوك

[فتى مرات]

مشاء الله .. من الدااخل روعه ...
ذا لو يجي كان ما طلعت منه اببد ..
بس ما احس انه يناسب تطلع بتكشت تلقى مكان ازين من الي انت جالس فيه..
والله دلع ...
بس السؤال هل ان سعره بيوصلك بها السعر ... ولا تنسى الجمارك الله يخليهم ويحفضهم كم بياخذون ...!.. ؟

[عشقتك يامكشات]

وهذا يا اخوان رابط يوتيوب لها والله الصراحه رهيبه


http://www.youtube.com/watch?v=cZH3hS_xUvA

[سنوركل]

حلوة جداً بس كم اوزانها