مساعدة: افضل ورشة في حايل - مشكلة تكايات مفخرة 8v

[R O W A F]

السلام عليكم
كيف حالكم جميعاً

اخواني ابغا افضل ورشة في حايل تصلح لاندكروزر مفخرة 2009 8v
طلع صوت تكتكه في اخر المكينة من يسار
ولفيت الجوف كله ما احد يصلحه
يقولون احتمال تكايات البلوف
رحت عبداللطيف جميل يقول احنى مانغيرها لحالها لازم نفك ونشوف وشغل اليد 6000
ومهندس الصيانه حق الشركة يقول انصحك صلح يرى ..

المهم بطلع لحايل اذا في ورشة ممتازة انزل السياره عندها ،
ومايمنع اذا بالقصيم فيه ورشة افضل ومجربة
لان صراحه كل ما اجي ورشة يقول ما اصلح ثمانية سلندر ..
واذا احد عنده رقم ورشة مايمنع يفيدنا
------------
وابغا شغال ممتاز لان انا يومياً امشي 300 كيلو في السيارة ل ظروف العمل ..

ومشكورين جميعاً

[فتك08]

وش لزوجة الزيت اللي تستخدم؟
وش درجة اللزوجة الموصى بها للمحرك في دليل المالك؟

[R O W A F]

اخوي السياره لها ثلاث سنوات
اغير في الصيف كاسترول gtx 20/50
وف الشتاء خفيف 10/30
المشكله حصلت وانا ماسك خط
لان يومياً امشي فعز الظهر و السرعه لها دور

[ابوراكان تبوك]

المفخره دايم تحل صواميل الكزوز مع كثرة الاستخدام والبطانيج ويطلع صوتها كأنها تكايات تأكد منها تحتاج شد فقط واذا كان تكايات موضوعها بسيط ان شاء الله وماتضر السيارة بس صوت يمديك تزينها بأي ورشه خارج منطقتك

مووووووووووفق اخوي