برمجة كمبيوتر اللاند كروزر

[بن معدل]

السلام عليكم مساكم الله بالخير اللي يعرف ورشة تبرمج كمبيوتر اللاند كروزر في الزلفي او القصيم او شمال الرياض لا يبخل علينا الله يجزاه خير وكم يبرمجونه

[MSAN]

هلا بك ياخوي..

اذا انك تقصد برمجة تعديل.. فـ الي أعرفه انه ما يتبرمج.. يتغير كمبيوتره بكمبيوتر رياضي اسمه هالتك أو نوع اخر اسمه موتِك


وش نوع البرمجة الي تبيها بالضبط..؟؟؟

[بن معدل]

والله يالاخو فضت البطارية وزادت الدعسة وصار الموتر ضغطه فوق الواحد وديته للكهربائي يقول يبيله برمجه وطبعا فصلنا البطارية يزين شوي ثم يرجع لوضعه

[الكارثة]

اذا تقصد بالضغط هو نفسه rpm نظف التروثل وخله بروحه يرجع وكالة

انا صارت عندي واستمرت اسبوع تقريبا ورجع كل شي طبيعي

لاندكروزر 8 سلندر

[ابوراكان تبوك]

والله يالاخو فضت البطارية وزادت الدعسة وصار الموتر ضغطه فوق الواحد وديته للكهربائي يقول يبيله برمجه وطبعا فصلنا البطارية يزين شوي ثم يرجع لوضعه
طيب فك السلكين ال + و - من البطارية واشبكهم في بعض وافتح السويتش وفر المفتاح للآخر كأنك تشغل السياره وارجع اشبك البطارية وجرب
هاذي طريقة res تصفير الكمبيوتر

وصوت السياره مايرتفع أصلا الا اذا الدينمو ما يشحن اذا ارتفع صوت السياره ورجعت لمشكلتها اتركها شغاله وافصل احدى اصابع البطارية اذا طفت مشكلتك دينمو

وعندك تماتيك المروحه يسبب نفس المشكله اذا خرب انت سوي الطرق اللي ذكرتها لك بالاول وخله آخر شي وافحصه احتمال ثقيل زياده او العكس لانه كان عندي جيب ربع 2005 ارتفع صوته وبعد فتره اكتشفت ان الخلل من تماتيك المروحه

[ابو ســــاره]

لا تسوي به شي خله لحاله يبرمج نفسه ويزين .
سبق تعطل عندي بعد ما فصلت اصابع البطارية وزان من نفسه برمج نفسه بدون تدخل برمجة .

[بن معدل]

اذا تقصد بالضغط هو نفسه rpm نظف التروثل وخله بروحه يرجع وكالة

انا صارت عندي واستمرت اسبوع تقريبا ورجع كل شي طبيعي

لاندكروزر 8 سلندر
يعطيك العافيه نضفت الحساس له يومين المشكله موجودة



لا تسوي به شي خله لحاله يبرمج نفسه ويزين .
سبق تعطل عندي بعد ما فصلت اصابع البطارية وزان من نفسه برمج نفسه بدون تدخل برمجة .يعطيك العافيه يابو ساره نبي نصبر عليه ونشوف


طيب فك السلكين ال + و - من البطارية واشبكهم في بعض وافتح السويتش وفر المفتاح للآخر كأنك تشغل السياره وارجع اشبك البطارية وجرب
هاذي طريقة res تصفير الكمبيوتر

وصوت السياره مايرتفع أصلا الا اذا الدينمو ما يشحن اذا ارتفع صوت السياره ورجعت لمشكلتها اتركها شغاله وافصل احدى اصابع البطارية اذا طفت مشكلتك دينمو

وعندك تماتيك المروحه يسبب نفس المشكله اذا خرب انت سوي الطرق اللي ذكرتها لك بالاول وخله آخر شي وافحصه احتمال ثقيل زياده او العكس لانه كان عندي جيب ربع 2005 ارتفع صوته وبعد فتره اكتشفت ان الخلل من تماتيك المروحه
والله يبو راكان جربنا طريقتك شبكناهن في بعض وزان يوم طفيت السيارة وشغلتها رجعت المشكلة