.... استفسار بسيط من الصقاره ....

[معاد يمديك]

السلام عليكم ورحمة الله وبركاته
ومساكم الله بالخير

يالربع حبيت استفسر من حاجه وحده عندي ومالقيت إلها حل ..

عندي طير تبع جير وفكيته في مقيض كبير و واسع وقبلها رصغته عندي للعديه وبعدها فكيته بس الغريبه ان الطير تاح حذف ريشتين من الضواغط ( البيطان ) ولاا حذف شي من بعدها من شهر 4 الئ اليوم وهو في مقيض كبير و واسع وعطيته قبل الفك كورس وبعد مافكيته في الاسبوع مرتين ينعطا كورس لحذف الريش ولاكن ما حذف الئ اليوم إلا ريشتين من الضواغط ( البيطان ) ولا عرفت شو أسوي معه

حبيت استفسر من خوان شما ومن الصقاره وما يقصرون إنشاء الله خوان شما

والسموحه منكم

[عيد العازمي]

عليكم السلام ورحمة الله وبركاته

اخوي افحص مدهنت الطير


وبذن الله تنتهي مشكلته


وده حق رجال يعرف للمدهنه وخله يفحصلك مدهنته


واذا مسكره او خربانه خله يعالجه لك


الله يباركلك في حلالك انت ومن يقرا


تحياتي لك

[أبو فااارس]

المشكله ان الوقت تأخر عليك انا اشوف ان مالك الا حل واحد اقضب الطير وشف مدهنته إذا لقيتها مسكره وعصرتها ولا طلع منها زيت دقها ووزنه احتمال ان الطير يوخذ علفه منه والا نزر ونفسيته ماش انصحك تربط الطير بالارض وتدفه علف وتعطيه زيت كبد الحوت وانت الراي الاول والاخير لك..

[معاد يمديك]

بيض الله وجيهكم عالمعلومه الطيبه
وماقصرتو بيض الله وجيهكم

وإنشاء الله أني بقبضه وبفحصه

[جلاد الحباري]

يوجد مشاكل تعيق الطير عن حذف الريش اهمها وأكثرها المدهنه وهي اكثر المشاكل اللي تعيق الطير عن الحذف وما عليك هو

1_ تشيك على مدهنة الطير والكل يتوقع بنسبة 97 % ان المشكله منها
2_ تشيك على كفوف الطير لان الحفاه القوية او السدة قد تسبب في ان الطير يمسك الريش
3_ فحص الدم والتأكد من نقص البيوتين وقل المناعة فهذا يعيق بنسبة قليلة قرنسة الطير
4_ التأكد من وضع الاضاءة فلا بد ان يتم تقسيم تشغيل الاضاءة خلال اليوم ولا يتم ترك الطير في الظلام مدة طويلة ولا يمكن عمل الاضاءة مدة طويلة يتم تقسيمها بشكل منصف ولايهم الساعات بقدر ما يهم ان الطير يمر بالمرحلتين كل يوم
5_ مرض الطير ونزوله وعدم راحته في وضع المربط فان وجد العلف الجيد والتهويه الجيده والماء النظيف يرتاح ويحذف

[معاد يمديك]

السلام عليكم ورحمة الله وبركاته
صبحكم الله بالخير

ونرجع علئ الموضوع
اليوم قبضت الطير وفحصته في عيادة سويحان المعروفه عندنا في الامارات والحمد الله طلعت النتايج سليمه من كل شي
ولاكن الغريبه لين ذالحين ما حذف شي وإنشاء الله أن يتوح ويحذف الريش كله

بيض الله وجيهكم عالمعلومه الطيبه وماقصرتوو

[حزم الفيضه]

مرحبى الطير اكيد مغلق عده

نزل الطير بس تدريجي وبعدهاء ارفعه وبيحذف وحول تربط الطير لين يحذف والجير مبروك اذا حذف هل الريش كامل وسلامتك

[معاد يمديك]

بيض الله وجهك ومشكور عالمعلومه الطيبه وأنا بربطه ان إنشاء الله لين انزل وزنه وبرد ارفعه لين يحذف الريش وبعدها بفكه في مقيضه

[قلب ذيب]

ماقصروا الشباب . بس مادام عندك مستشفى سويحان , مستشفى معروف وذو خبره وطيوري كلها مقيضه عنده . اعتقد والله اعلم ان سبب عدم حذف الطير للريش هو نوع كورس حذف الريش , اترك الطير وسوف يحذف الريش مره وحده ولاتقلق . بالتوفيق .

[معاد يمديك]

بيض الله وجهك

وبيض الله وجيه الصقاقير الي عطوني معلومات مهمه
وبيض الله وجهك عالرد الطيب وإنشاء الله بقطع الكورس من آليوم .