هل يركب كربريتر الاندكروزر على الباترول

[خشير الذيب]

السلام عليكم ورحمة الله وبركاته وبعد
قريت على مكشات ان كربريتر الاندكروزر ال95 يركب على الباترول
ياليت تفيدونني هل احد ركبه والا له تجربه معه
لان كربريتر التويوتا ارخص من كربريتر النيسان حسب ماقريت

[الكارثة]

فكرة ممتازة والله يوفقك

لكن اذا ما حصلت جواب تقدر تكتشف بنفسك بس فيها تعب شوي

انك تشوف الكربيتر نفس القاعدة ولا لا على ما اظن حتى لو مب نفس القاعدة

تقدر تفصل قاعدة ويركب عصب عنه

وتحياتي لك وبالتوفيق

[abo naser 1]

نعم يركب ويركب له قاعدة
فيه سوري في الصناعية عرض علي تركيبة وضمانه
بس موقعة صعب الوصف

[قناص*07]

يرهمون كربريتر الالتيما و يضبط بس يفرق في العزم

[حاميش]

ركب كربريتر بلد أفضل لك من التعديل والتفصيل

أغلى بالسعر ولكن نفس القاعده ونفس كل شي

[اسدهم]

عندي نفس المشكله عندي باترول مديله2003 محوم تسبدي اذا طفيته بس شوي يعني زي. اعبي من المحطة او واقف. اصلي امشي شوي تقل واحد ماسكه. وبعدين اول مااشغله في اي وقت. يطلع مع الشكمان دخان اسود يعني مشرق

[MSAN]

نصيحة غيره بكربريتر رياضي إيدلبروك وريح راسك

[خشير الذيب]

ركبت ايدل بروك عيا يصفي مقاس 650

[MSAN]

الكربريتر الي ركبته جديد والا مستعمل..؟


اذا انه جديد فـ هو يجي موزون جاااهز.. لا تلمسه ولا تلف فيه ولا مسمار

[abo naser 1]

ركبت ايدل بروك عيا يصفي مقاس 650


أعتقد المقاس كبير بدون تعديل بكام وبعدين الي يجينا يامجدد يا تقليد ماتشوف الأصلي
ماسبق تجربته منقول اللكلام من الزملاء

[MSAN]

أعتقد المقاس كبير بدون تعديل بكام وبعدين الي يجينا يامجدد يا تقليد ماتشوف الأصلي
ماسبق تجربته منقول اللكلام من الزملاء



هلا بك أخوي... الكام مايفرق في الكربريتر أبدا ولا له أي دخل بكمية الوقود الي يحتاجها المحرك..

يتغير احتياج المحرك للوقود بتغير الأر بي إم و بتغير الستروكر (البساتم والكرنك)...

كلامك صحيح ان الكربريتر أكبر من احتياج مكينته..


طريقة حساب كمية الوقود cfm الي يحتاجها المحرك:
إذا كانت إزاحة المحرك(حجم المحرك) تساوي 4500 CC وأقصى أر بي إم فيه هو 6000 تكون كالتالي
نحول الـCC إلى CID (حجم المحرك بالسنتمتر المكعب إلى حجم المحرك بالإنش المكعب)
4500CC = 275CID
المعادلة هي:
حجم المحرك بالإنش المكعب ضرب أقصى أر بي إم فيه تقسيم رقم ثابت (3456)

يعني موترك اذا كان حجم مكينته 4500 وأقصى أر بي إم فيه هو 6000 فالمعادلة كالتالي:
275 * 6000 = 1650000
1650000 تقسيم 3456
يساوي تقريبا 477.43 CFM

المحرك يحتاج إلى كربريتر مقاسه 477.43 عند سرعة دوران 6000RPM

أكثر من كذا مالها أي لزمة ولا راح تفرق كثير.. بالعكس يمكن يغرق بنزين




بالتوفيق