الله لايهينكم وين ينباع الجاكيت الجيشي..؟

[أبو سيف السيف]

الله لايهينكم يالربع الجاكيتات الجيشيه وين تنباع ..؟ عجزت وانا ادور ومالقيت

يعني لازم نفصل والتفصيل اضاهر انه ممنوع والا لا ..؟ اللى يخبر لى يقولي تكفون

ومشكورين ألف شكر مقدماً

:good:

[شاص]

تلقاه سلمك الله عند الشيبان اللي يبيعون الملابس العسكرية بالبطحا (مستعمل وجديد) عقب محلات الساعات على يمينك وجهك شمال بوسط السوق

[تركي الضرغام]

السلام عليكم


هلا أخوي أشكرك على هالموضوع
أنا عانيت من هالمشكله ورحت للي يبيعون بالبطحاء قبل فترة بس مهنا شي زين يعني تصدف مرة ومرة مهنا شي على طلب الواحد
بس على كلام واحد من الشباب حقين المحلات يفصلون بس بالدس وأنا ما جربت هالشي ويقول أدهن السير يسير

ودي إذا أحد عنده علم عن محل يفصل ولا يبيع ترى الشتاء على أبواب

وأشكر أخوي على هالموضوع.

[أبو سيف السيف]

تسلم والله اخوي شاص لاهنت واغديني امر عليهم اليوم

**************

هلا والله تركي ان شاء الله يبون يفدوننا انا وياك وعزالله الشتاء جاي وماثل الجاكيت الجيشي

[عاشق القنص]

الظاهر ماينفعك الا ادا معاك فيتامين ((و))
انا عندي والحمد لله موفق الي ابيه محصله
اتمنا افهمت

[عاشق البران99]

هذا الله يمتعك بطاعته ماتلقاه يباع في السوق كذا أما بالدس أو إذا تعرف أحد في ...... يدبر لك واحد .

[فتى التويم]

فيه بس ان قيمته 200


هو يم جهة المعارض اللي في النسيم

على شارع سعد بن الوقاص

ان ماخاب ضني

والمحل حق الدخيل

[التكريتي]

أنا شاريه العام ب 70 ريال بلا دس بلا بطيخ تلقاه بالمحلات حقت البدل العسكريه بأخر شارع الميه مخرج 15 ورا صناعيه النسم جهه خشم العان ويعطيك معه قبعه بد

[أبو سيف السيف]

الله يجزاكم ألف خير والله

مشكور ألف شكر وأخيراً لقينا بعد عناء طويل

لاهنتوو وعساكم دوم سالمين

تحياتي للجميع

[ابوعزيزm]

أكثر محلات الملابس يبيعونه . .

وإذا جاء الشتاء يكون موجود بكثرة

رح أشر القماش من أي محل وفصلة عند أقرب خياط لكن متوفر بمحلات الملابس

[كحيلان 11]

انا شفته عند الرمايه اللي في سوق الزل
لونين جيشي اخضر وجيشي اشهب

[راعي الهـــدد]

ياخي قبل كم يوم شفته عند الرميح يبيعها


الا اذا كنت تقصد شي غير الي شفت


الي شفت جكيت مموه


اذا تقصد نفس حق الحرس الوطني فهذا باب وله جواب


دمت طيبا معافى

[أبو ستري]

موجود في محلات بيع الملابس وتفصيل الملابس العسكرية بكثرة , والزين بــ 200 :)

[راعي الهـــدد]

سؤال موجه للجميع


وبالخصوص صاحب الموظوع


وش ميزت الجاكيت الجيشي الي تقول


يعني وقفت عليه

اذا كان فيه ميزه علمونا نشتريه لو بالف ريال

ودمتم طيبين

[بواردي الدلم]

اقرب محل ملابس عسكريه يفصل لك
بس اهم شي البطانه اللي جوى فيه نوع يفك بطقطق كانه نايلون ومن جوا صوف او قطن لايفوتك هذا دوا البرد
نفس اللي يصرف للعسكر

[عبدالرحمن السالم]

بيض الله وجيهكم ومشكور لك يا ابوسيف على فتحك للموضوع هذا

من زمان وانا ادور عليه لاهنتوو ياجماعه ..

تحياتي للجميع ،،،،،،،،،،،،،،،،،،،،،،،،،،،،،

[راعي المجاهيم]

الغالي ابو سيف السيف ولا يهونون الجماعه



الجاكيت زي ماقلت وفرو يعني يدفي مرره فقط 160 ريال من ذئب الصحراء اللي بعد العويس

في العليا

[راعي الهـــدد]

اخوي راعي المجاهيم


رحم الله والديك


وش ميزت هالجكيت


وش وصفه هل هو مموه من برى


يعني نفس الي يلبسون الحرس الوطني الجيشي البني فاتح وغامق


او غيره


ارجو التوضيح

[vx6]

مضبوط كلام اخوي التكريتي وانا بعد مفصله منهم الي بآخر خط المية تفصيل وعلى الطلب ومن داخل فرو بــــ 70 ريال

[شروكي ربع]

اخوي العزيزي ولا يهونون الباقين ..


تلقاه في شارع الوزير , هناك صفت محلات تفصيل ملابس عسكرية ..


تلقى جميع الاشكال والاصناف والالوان وجااااااااااااااااااهزة , بلا تفصيل بلا خرابيط وجميع المقاسات ..


والاسعار من 100 وطالع حسب اللي تبي , انا شاري واحد ب 120 بس رهيب مره ..

لا يفوتك واسأل كل المحلات لا تشري من اول محل ..

أول شي يقولك ب 170 وينزل معك الى 100 نصابين ..

وعشانها ممنوعة يغالون فيها ..


هذا اللي عندي واتمنى اني افدتكم ..

[cruise]

احسن شي الامريكي حق الجوية مموه اخضر ..............

[compaq]

اخوي Vxr

باي محل درت عليهم بس ماحصلت نفس النوعيه

[الرس رسك]

السلام عليكم ::

انا فصلته بــ 200 ريال عند محل بشارع الاربعين لا عادت عليه حتى تفصيله دمار :mad: ؟؟؟
لكن نصيحيتي للي ما فصلوا يدورله فيتامين (و) على ما قالو ازين وجاهز وكامل ؟؟؟
والي سأل وش مميزاته :
به اربع مخابي (جيوب) يصك بالطق (الطقاق) يحفظن اغراضك خاصة بالبر تعرف الاغراض كل شوي طايحه منك . وشكله جميل الصراحة ولا لا ياجماعة _؟