صورة من كاتلوج باترول لمعدل الحرارة الطبيعي ، هل نيسان انهبلت ام انها تستهبل ؟؟!!

[sgl2002]

لطالما بحثت وأردت التأكد من المستوى الطبيعي لحرارة الباترول 4500 بخاخ


وبعد البحث في كاتلوج باترول 98 سوبر سفاري بخاخ 4500 ، وجدت هذه الصورة تبين المعدل الطبيعي لحرارة الباترول ، المشكلة انه يبين ان المعدل الطبيعي هو حتى الشرطة التي قبل حرف H


هنا السؤال ، هل هذا الكلام صحيح ام هناك ملابسات في الفهم



( الشكر موصول للعضو محسن اليامي هو اللي صور هذه الصورة من كاتلوج سيارته )



http://www.mekshat.com/pix/upload06/images/2013/06/mk166247_picture.jpg

[صدى الاطلال]

على كذا تكون المكينة ودعت والله اعلم

[ملك الفكتوريا]

حتى في الفورد


على كذا لا أحد يغير رديتر ولا مراوح


الغريب ان الحرارة اذا وصلت ثلاث ارباع المكيف ما يبرد

[Sultan24]

والله يالغالي عندي فكتوريا ٢٠٠٦ قبل شهر ونص كانت الحرارة زي العسل ليل نهار في النص شديت العزم ومع مكيف وكلش سليم يوم جا ع نهاية الشهر شمت الراتب زي كل شهر مره بواجي ومره كفرات ومره زيت قير بنت الكلب وصارت الحرارة فوق النص بشرطه او شرطتين وقلت في نفسي على شحم بس كل راتب اخصم منه لها وماشيه الحين حول اسبوعين ومافيها شي ولا ناوي اصلحها واذا فيها خير تخرب <<< وصلت معه :D

[aeyashi]

انا مره في الحج وصلت معي الحراره في الباترول الفتك الى فوق النصر قرت من الخط الذى قبل الأخير
لكن الحمدالله لم يصبها أذى يعنى كلامهم صحيح

[aeyashi]

ياجماعه فين نحصل على كاتلوج الباترول الفتك 2002

[sgl2002]

اشكر الكل ع المرور


لكن اذا كلامهم صح فمعناه ان حنا ظلمنا الباترول يوم اذا ارتفعت حرارته عن الربع نروح نصلح ونخربط

[قرناس حائل]

حياك الله اخوي

سبق واني تكلمت بأحد المواضيع عن حرارة الباترول - بأحد الردود عن الأخوة -

وانا معاي 2009 4500 وقريت بالكاتلوج نفس ماقلت

تقبل تحياتي

[محسن اليامي]

العفو يالغالي ماسوينا شي

اتوقع قصدهم ان السياره لن يصيبها عطل طالما انها في هذا الحد ، وإلا فإنها تعتبر مرتفعه


توقع كذا :)

[manestar85]

العفو يالغالي ماسوينا شي

اتوقع قصدهم ان السياره لن يصيبها عطل طالما انها في هذا الحد ، وإلا فإنها تعتبر مرتفعه


توقع كذا :)

كلامك سليم فهذي النقطه أنا معاك100%

[aeyashi]

اشكر الكل ع المرور


لكن اذا كلامهم صح فمعناه ان حنا ظلمنا الباترول يوم اذا ارتفعت حرارته عن الربع نروح نصلح ونخربط



هههههه
الله يحفظك ضحكت على نفسي غيرت كل شىء والحراره عند الخط الثاني ألا ابغاها تكون بين الخطين لديتر جديد والدرج عندي مليان غطيان جديده وبلف جديد وخراطيش ممتازه وصيانه وكل شىء وبالأخير استسلمت للأمر الواقع ان الحراره طبيعيه تصدق بالله كلما شفت صاحب فتك الصق بجوار واجلس اناظر بالعداد مثل السارق اشوف كيف حرارته
واشوف حرارتي افضل منهم بكثيير

[aeyashi]

ياجماعه فين نحصل على كاتلوج الباترول الفتك 2002
سجل عندك شخص اخر اتعبه البحث عن كاتلوج الباترول الفتك 2002

[سفآري ربع]

سلام عليكم جميعآ
يعطيك العافيه اخوي sgl2002
موتري ربع 2003 sgl
والحمدلله كامل الكتالوجات موجوده بس ماخبر قريتها ومشكور ع التذكير

[a.w.T]

هههههه
الله يحفظك ضحكت على نفسي غيرت كل شىء والحراره عند الخط الثاني ألا ابغاها تكون بين الخطين لديتر جديد والدرج عندي مليان غطيان جديده وبلف جديد وخراطيش ممتازه وصيانه وكل شىء وبالأخير استسلمت للأمر الواقع ان الحراره طبيعيه تصدق بالله كلما شفت صاحب فتك الصق بجوار واجلس اناظر بالعداد مثل السارق اشوف كيف حرارته
واشوف حرارتي افضل منهم بكثيير


هههههههههههههههههههههههههههههههههه
والله انك مثلي ياشيخ انا مابقى شي ماسويته غير البلف والخراطيش و طرمبة الماء والغطيان
وآخر شي طقيت له رديتر جديد بـ 1500 وابيها بين الخطين وعيت , كل ذا وفوق الربع بشعره وغالبا عالربع ,,


بالنسبة للكتلوج انا معي كتلوج فتك بالدرج لفتك 2007
وفتحته وموجود مثل اللي بالصورة فوق ويختلف قليلا
يعني الحرارة الطبيعية بين الشخطة حقت الربع و ثلاث ارباع

[بريق اللجين]

الا والله انهبلت الامريكي ماتوصل كذا بس بالربع اذا في كل مشوار تصيدك زحمه وبتوصل فوق النصف بعد سنه او سنتين بتودع الماكينه
معي نافارا لها 3 شهور يوم بديت الجد معها وصلت الحرارة تحت النصف بالمكيف وادخل المنتديات والعرب تشتكي افكر اتخلص منها لاني ماني مخلص اقصادها الا وقد ركبت فيها كم مكينة

[sgl2002]

خسرت نفسك الله يهديك ياصاحب الفتك

الفتك
والربع الباترول من ٢٠٠٥ وفوق نادرا جدا تبقى الحرارة بين الخطين لان رديتره صغير
ودايم الحرارة على الشرطة الثانية ووراها


واذا تبيها قبل الشرطه ركب رديتر حق باترول ٤٥٠٠ الكبير او رديتر لاندكروزر ٩٧ وبعدها بتشوف الحرارة اغلب الاوقات بين الخطين

[ابوبدران 11]

يااخوان والله نفس الصوره قاريها في كاتلوج باترول 1990
وش السالفه يعني? ???
انا اودي اي واحد معه باترول علي يده من وكالته من 97 وتحت يعلمنا
كم كانت حرارته اول ما طلعه من الوكاله يعلمنا
الحراره القصوى في اشد الحر انتضررر } - :

[ابوبدران 11]

يااخوان والله نفس الصوره قاريها في كاتلوج باترول 1990
وش السالفه يعني? ???
انا اودي اي واحد معه باترول علي يده من وكالته من 97 وتحت يعلمنا
كم كانت حرارته اول ما طلعه من الوكاله يعلمنا
الحراره القصوى في اشد الحر انتضررر } - :

[abo naser 1]

معي 99 4500 بخاخ الحرارة مابين الخطين وفي أقصى الظروف سرعات عالية مع التكيف أو وقوف مع تكيف بعز الظهر تلامس الربع من الأعلي ماتعداها مروحة بلد

وكذلك 95 كربريتر مراوح كهرباء في الخط على 180 مع التكييف ودرجة الحرارة في الخارج 48 الحرارة الثلث وبدون مروحة للمكيف رديتر بلد مصدي وملحم أستخدام 4 سنوات

[MSAN]

طبيعي جدا..

واذا تجاوزت الخط الي قبل الأحمر راح تطفي السيارة لحالها.. نظام لحماية المحرك من الحرارة الزائدة

سبق وحصلت معي في باترول سوبر سفاري موديل 1999 مكينة 4500 بخاخ.. وصلت الحرارة لقبل الخط الأحمر وللأسف ما أنتبهت لها.. فجأة طفت السيارة لحالها..

طلع لي من الليات انفقع وماشي عليه ولا أنتبهت الين طفت السيارة لحالها.. وقفت السيارة وثاني يوم جبت عدتي وشريت لي وركبته وكنت اظن ان المكينة ودّعت.. ركبت اللي وعبيت موية.. وشغلت السيارة ومافيها الا العافية.. وعليها إلى اليوم السيارة مع أخوي ومافيها أي مشكلة ولله الحمد..

[abo naser 1]

طبيعي جدا..

واذا تجاوزت الخط الي قبل الأحمر راح تطفي السيارة لحالها.. نظام لحماية المحرك من الحرارة الزائدة

سبق وحصلت معي في باترول سوبر سفاري موديل 1999 مكينة 4500 بخاخ.. وصلت الحرارة لقبل الخط الأحمر وللأسف ما أنتبهت لها.. فجأة طفت السيارة لحالها..

طلع لي من الليات انفقع وماشي عليه ولا أنتبهت الين طفت السيارة لحالها.. وقفت السيارة وثاني يوم جبت عدتي وشريت لي وركبته وكنت اظن ان المكينة ودّعت.. ركبت اللي وعبيت موية.. وشغلت السيارة ومافيها الا العافية.. وعليها إلى اليوم السيارة مع أخوي ومافيها أي مشكلة ولله الحمد..


حصلت معي قبل عمل صيانة أنفجار لي وقطعت مشوار40 كيلو والحرارة قبل H بقليل وسويت صيانة كاملة والحمد لله زي الوردة

[أبوسعد111]

ياجماعة الخير
المكتوب بالصورة

تنبيه :
إذا اشار المقياس فوق المدى الطبيعي أوقف السيارة في الحال.

هذه الزبدة

على كذا إذا وصل الامبير بآخر المدى الطبيعي وقف

وعن تجربه : الباترول إذا صار الانبير بوسط المدى الطبيعي بتحس بثقل بالعزم وتغير بصوت الماكينه

لا زالت الحيره في امر الكتلوج :confused:

[كبسولة2]

صراحة ماعندي علم بالنيسان

بس اذكر مع احد الشباب باترول سفاري 2003

وكانت حرارته بين الخطين وسقته مرة من الرياض للمدينة

وقت صيف اذكر حرارته على خط الربع وإذا وقفنا والسيارة تعمل

لمدة ربع ساعة تتعدى الربع وتثبت

[Wa7ed NJD]

اكثر من كتلوج سياره قد شيكت عليه وحصلت انهم حاطين الى ماقبل ال H طبيعي ، لكن فعليا جربتها بسيارتين اذا ارتفعت فوق النص ثقل الموتر واذا بدت ترتفع تدريجيا فوق النص بدا ينتع الموتر نتعه خفيفه وتحسه كااااتم بالحيل

الزبده : لاتحوس بالموتر وتجلس تركب وتشيل الا اذا شفتها تطلع فوق النص ، غير كذا طبيعي .

[K 7 E L A N]

ياخوان معي ددسن ياباني فاكه وكاله كان اذا ارتفعت حرارته توصل للخط الثاني
والحين وانا امشي بالشتاء تصير على الخط الثاني واذا كنت موقف الموتر ومشغل المكيف توصل لفوق الخط بشوي
وشرايكم هل هو طبيعي

[sgl2002]

طبيعي هذي حرارة الددسن البخاخ

[ابوعبدالله46]

سبق ان وصلت معي بفتك على H كنت ملغي مروحة شد بلد ومركب مراوح كهرباء واتعطلت وانا ما دريت وما شفت شي منه

[بدوي جنوبي]

الموضوع هذا ان شاء الله يفيد

تحدي مع حرارة سيارتي اليوم (http://www.mekshat.com/vb/showthread.php?t=129175)


الكل يعلم ان مقياس الحرارة (الانمبير)
يقيس حرارة الماء داخل المحرك
وليس حرارة المحرك نفسه .

سؤال :
أيهما أعلى حرارة الماء او المحرك ؟

[K 7 E L A N]

المحرك يابدوي جنوبي
وليتك ترد على حرارة ددسني بالرد اللي قبلك

[عابد عبود]

مشكلتنا ما نقرا ولا نحب نقرا المفروض الواحد اول مايشتري السياره ياخذ الكتلوج وينبطح وهاك يا مذاكره وحفظ بكذا الواحد راح يتجنب الكثير من الاعطال والمشاكل لانه خلاص صارت عنده فكره كامله عن السياره

[sgl2002]

انا جربت الدخول بالنفود اكثر من مره بعد ماشفت الصورة هذي بالكتالوج وانا موتري باترول

وكان ايام الصيف وحر شديد والمكيف شغال بدون تنسيم

وبعد مده طويله ارتفعت الحرارة لين وصلت ورا النص بواجد ومشيت لين ماطلعت للزفلت ورجعت طبيعيه ولاتاثر الموتر بشي

[بدوي جنوبي]

طبيعي يا كحيلان. .
اذا الماء والمراوح وغطاء الرديتر تمام
لا تشيل هم ...

أرسلت من GT-I9082 بإستخدام تاباتلك

[ولد حربmaged]

حرارة الباترول الطبيعيه بعد شرطة الربع واللي في الكاتلوج صحيح يرتفع مع الوقوف في الصيف مع المكيف اهم شي يكون الخراطيش والليات كلها سليمه وانصح اي واحد مع باترول يغير الخراطيش ويشيك عليها مع بداية كل صيف والماء يحط ماء مرسيدس علبه والباقي ماء مقطر بكذا تحافظ على مكينة موترك