ملاحظة جديرة بالاهتمام

[سليمان الصقر]

مرة كان معي كابرس 91 صابونه كنت اذاسافرت عليها ورجعت ألاحظ على الصدام الخلفي والدبة غبار ناعم مره وشكله غريب فعلا غبار مو طبيعي وفعلا يلفت الانتباه المهم راحت الايام والسنين والسيارة صارت من نصيب حدى أخواني مع الوقت السيارة صار فيها ونة كرونه مع الوقت زاد الصوت وبعدها غيرنا كامل الدفرنش من التشليح بمبلغ وقدره ومشت الامور .
وقبل تقريبا سنة لا حظت نفس الغبار على موترى الثاني جي اكس آر 2001 على الصدام الخلفي والباب الخلفي للشنطة قلت يمكن من الخط والسفر المهم قبل يومين سافرت وبالطريق قمت ألا حظ صوت ونة كرونه خفيفه وصلت الديره وعلى طول للصناعية شييكت على زيت الدفرنش لقيته ناقص بشكل كبير المهم عبيته زيت رقمه تسعين لكن ما زالت الونه موجوده بالموتر .
وبعد ما تكرر الموضوع معي مرتين أدركت أن الغبار اللي يلزق بالموتر ورى سببه تهريب في زيت الدفرنش . فانتبهو لمواتركم ياجماعة الخير وحبيت أفيدكم بهاذه الملاحظة البسيطة والتي قد يكلف إهمالها الكثير والكثير .
وبما أني فتحت الموضوع ودي استشيركم وش السواة هالحين الموتر فيه ونة كرونه وعبيتها زيت ولا راحت وش رايكم يالربع وش أسوي

[أبوشريدح]

اولا جزاك الله الف خير

ثانيا ليس هنالك اي علاقة بين الغبار وتلف الدفرنش
ثالثا زيت الفرنش ليس 90
رقم 90 مخصص للقير
الرقم الصحيح للدفرنش هو 140

رابعا الله يخلف عليك بخير

[كاشت بالبر]

القير .. له زيت خاص وهو API GL-4

الدفرنس .. له زيت خاص وهو API GL-5

ولازم تستخدم اللزوجه المناسبه

واللزوجه المناسبه تختلف حسب السياره .. ولازم لازم تستخدم لزوجه مناسبه حسب الموصى بها بكتالوج السياره ( دليل المالك )

وأنصح قبل السفر أن الواحد يشيّك على زيوت السياره بشكل عام وخاصة زيت القير العادي و يشيك على زيت الدفرنس
( لازم تكون السياره على أرض مستويه ومستقيمه أثناء فحص مستوى الزيت ؛ وأثناء تعبئة الزيت )

زيت المكينه اذا كان ناقص بشكل كبير = يضر ويعدم المكينه ويسبب تآكل شديد

زيت القير اذا كان ناقص بشكل كبير = يضر ويعدم القير ويسبب تآكل شديد

زيت الدفرنس اذا كان ناقص بشكل كبير = يضر ويعدم الدفرنس ويسبب تآكل شديد

والخ...

اذا ناقص تزيده بزيت مناسب وبلزوجه مناسبه

[بحرالقلزم]

ماعندك أي مشكله ان شاء الله الحل موجود
غير زيت اصلي وحط معالج اصلي ولكن قبل هذا كله
اذا تبي الطريقه الصحيحه
راجع دروس اصيل حجازي وكبسوله2 ولايهون الباقين:good2:

[ابوراكان تبوك]

الغبار فعلا ليس دليل على ان الرايش حق الكرونه هو اللي على الصدام انت عندك تهريب من الصوفه ويرش على الصدام ويلصق فيه السافي وهذا هو اللي حاصل زيت الدفرنس مجرد ما يهرب تشم راحته اول ماتنزل من السيارة والكرونه أصلا حساسة لو كان الزيت ناقص ماتصدق تخرب

[egil4949]

كلام الاخ صحيح وعلمي لانة لم يبداء الزيت بتهريب ونمزج مع الرمل الناعم ينتج غبار ذوشكل غريب وذالك من خليط الزيت والغبار واذا وجتة بالخلف افحص زيت البككس وشكراً

[hsdt]

مشكور اخي سليمان على التنبيه
ملاحظة في مكانها وكلالمك صحيح

[عنزي من نجد]

أتوقع يكون عندك تهريب بسيط مره ومع التراب والوسخ يجمد ويلبد عند مكان التهريب وإذا مسكت خط مع الحرارة يبدأ يذوب وتلاقي آثاره على خلفية الموتر

[سليمان الصقر]

موتري بعد ما حطيته على الحفره ونزلت أعاين الوضع لقيت لي تبخير طالع من الدفرنس ورايح فوق وينتهي ببلاستيكه للتهويه المهم اللي هذا لقيته مفصول من عند الدفرنس وعليه ترسبات كأنه شحم ناشف فعرفت العله وهي ان الزيت تبخر من خلال فتحت اللي المفصول . وبعدها اقتنعت تماما أن وجود هذا الغبار الغريب يعني هناك تهريب بزيت الكرونه .

[ابوعقيل81]

شكرا على الموضوع بصراحة استفدت منه ومن ردود الشباب