الفزعة باترول ربع ما يشتغل

[عابر سبيل 2]

الاخوة الافاضل
لي زميل معه باترول 2009ربع وفجأة في البر ما اشتغل مع انه يدق سلف
المهم تورطنا وجا واحد جزاه الله الف خير وصلحه .
فتح مجموعه فيوزات جمب الدركسون وسوى حركة بالفيوزات واشتغل .
اذا احد يعرف ويش سوى بالضبط يفيدنا وهل في حلول واحتياطات لها المشكلة علما إن سيارتي باترول ربع 2010 .

[محسن اليامي]

ياهلا
فيه خمس كتاوتات تحت الدركسون واحد منهم حق طرمبة البانزين

اتوقع حركه او ضربه بسكروب وشتغل

[بومالك]

حياك الله اييه هذا الله يسلمك عطل معروف ومشهور بالباترول وهو تعطل كتاوت طرنبة البنزين

ابحث في المنتدى عن تعطل كتاوت بنزين الفتك المشكله حتى بالفتك لكن امره بسيط

[بحر الخليج]

نعم هذا كتاوت طرنبة البنزين واشتر الاخضر موجود عند قطع الغيار يطول فتره اكثر من الازرق لكن يخرب بعد تقريبا 6 شهور يعني ننتظر الحل وانا اخوك مثلك لكن اذا عرفته مضبوط ما يعطل ترى اذا تعطل اضرب بيدك على الديكور من جهة الفيوز وانت تدق سلف ويشتغل
وهذا رابط لعله يفيدك اكثر
http://www.mekshat.com/vb/showthread.php?t=128742

[sgl2002]

كتاوت طرمبة البنزين بسيطه

ركب كتاوت اخضر جديد عند نيسان

[عابر سبيل 2]

الله يجزاكم خير
افدتوني وماقصرتوا

[escape_man]

خرب علينا بالدهنا وبعدها راعي الموتر مايمشي الا بكتاوت سبير بالدرج

[عابر سبيل 2]

اشكركم على تجاوبكم بس شيكت على الفيوزات ووجدت لونها كلها أخضر مو أزرق
هل هذا يعني انهم حلو المشكلة في موديل 2010
ملاحظة
سيارتي باترول ربع نص فل خليجي

[محسن اليامي]

نعم اذا أخضر خلاص دربك خضر :D:D

مافيه المشكله ان شاءالله بالتوفيق

[بحر الخليج]

شف وانا اخوك كلها تخرب الازرق والاخضر لكن الاخضر يطول مده توصل الى 8 شهور وحولها لاني مجربها كلها موتري ربع 2009 وثل ما قالو الاخوان خذ معك كتاوت احتياط ب50 ريال وتوكل على الله

[S A F A R I]

انا صار لي نفس مشكلتك بالضبط ورحت لورشة ابو صالح التركي والغى شي اسمه كتاوت احسن من انك تركب كتاوت وعقب فتره تخرب