اين حساس الحرارة للباترول

[مدرس بالغصب]

عندي باترول 95 الحراره تعدى النصف بعد تغيير كل شي بدون نتيجة تذكر شفت موضوع احد الاخوة لقى المشكلة من الحساس فالامبير يعطي قراءة غير صحيحه وين موقعه وهل تغييره سهل والحساس كم قيمته

[abw1122]

اخوي موقعه بعد كوع الماء الخارج من المكينه قبل بدايه خرطوش الماء
تحصله صغير يطلع من سلك واحد
وسعره في ٧٠ او اقل بشوي
عموما الي اعرفه انه مايخرب الا نادر
تاكد من العداد الي في الطبلون هو الي يخرب في بعض الاحيان

[أبوسعد111]

أخوي
إذا الحراره عندك على النص سواء مشيت او وقفت

فالله اعلم ان المشكلة براس الماكينه

لان عندي باترول 99
غيرت له الخراطيش كلها + المواصير كلها + الكوع + الطبات كلها + تسييخ الرديتر + البلف + الماء
وحرارته بعد الخط الثاني
:mad:

[مدرس بالغصب]

لاتخوفني يابو سعد تكفى

[مدرس بالغصب]

طيب كيف اعرف ان الحرارة مرتفعه من غير العداد الصوت طبيعي والمشي طبيعي والرديتر مايفور ولا شي

[شاص نيسان 93]

وش اللي غيرته في الموتر

[أبوسعد111]

اليوم سلمك الله بدأت بأول الحلول
و فكيت البلف
وجربت أتركه بماء مغلي
ولاحظت انه بطيء في الفتح والغلق
لعله هو سبب المشكلة
بأحرك السيارة كم يوم وأشوف الوضع لعل المشكلة تزول

جرب انت ولعل المشكلة ألي عندك مثلي
اهم شئ شيك على الخرطوش هل هو قاسي أم لين

ولعلك تستفيد من هذا الرابط
http://www.mekshat.com/vb/showthread.php?t=582946


بحفظ الرحمن

[طيار ارضي]

ي شباب ترا البلف اذا كان قافل يمنع دوران الماء من المكينه لرديتر وترتفع الحراره ويمكن يشعر الراس انت شيل البلف وجرب او غيره .. انا ضد شيلة البلف لانه يوزن الحراره سواء بالحر او البرد غيره اصلي افضل

[مدرس بالغصب]

ابشوف الي تقولون
اما التغيير فغيرت نص الكبوت الله لايخسر

[طيار ارضي]

طيب وش غيرت.؟

[sgl2002]

أخوي
إذا الحراره عندك على النص سواء مشيت او وقفت

فالله اعلم ان المشكلة براس الماكينه

لان عندي باترول 99
غيرت له الخراطيش كلها + المواصير كلها + الكوع + الطبات كلها + تسييخ الرديتر + البلف + الماء
وحرارته بعد الخط الثاني
:mad:





والله يبو سعد انك لعبت في موترك

الباترول عن تجربة وخبرة طويلة

من يوم يدخل الصيف لا عاد تفكر ان الحرارة ترجع تحت الخط الا لاصرت تمشي وبالليل ودرجة الحرارة من 35 وتحت

وغيرها بتشوفه فوق الخط بواجد قريب من الثلث

[sgl2002]

طيب كيف اعرف ان الحرارة مرتفعه من غير العداد الصوت طبيعي والمشي طبيعي والرديتر مايفور ولا شي

اذا بعد ماترتفع الحرارة تلقا الموية في قربة الرديتر والليات محجره فمعناها وجه الراس


اذا الموتر يتفتف والحرارة ع طول فمعناه الراس ودخنه بيضاء كثيفه مستمره



انت اذا ارتفعت الحرارة رح امسك الخرطوش العلوي اذا هو قاسي جدا معناه الحرارة موجودة واذا عكس معناه مافيه حرارة

واهم شي الرديتر لايكون نحاس!

[أبوسعد111]

والله يبو سعد انك لعبت في موترك

الباترول عن تجربة وخبرة طويلة

من يوم يدخل الصيف لا عاد تفكر ان الحرارة ترجع تحت الخط الا لاصرت تمشي وبالليل ودرجة الحرارة من 35 وتحت

وغيرها بتشوفه فوق الخط بواجد قريب من الثلث

أخوي سلمك الله
أنا ماغيرت كل ماذكرته سابقاً إلا بسبب تهريب بأحد الطبات الخلفيه وعلى كذا لازم تطلع المكينه من مكانها علشان نغيرها
وبسبب أن أخوي الله يصلحنا وإياه كان يستخدم ماء عادي أكتشفت ان كل المواصير والطبات مصديه وتحتاج تغيير وكذلك الخراطيش

أما موضوع الحرارة

ف للعلم
السيارة لها 12 سنه ولله الحمد ما لاحظت ارتفاع بالحرارة بعد الخط الثاني إلا بهذه الفتره أو في حالة السفر بفترة الصيف ظهراً وبسرعة 140 بالمكيف

علماً
بأنه في كتلوج السيارة مذكور ان من بعد الخط الثاني الوضع طبيعي إلى قبل الـ H

موفقين

[هات وخذ]

السلام عليكم
اخوي خذها نصيحه
اول شي لاتركب البلف
واذا مانزلت الحرارة يمك انها من انبير الحراره اللي في الطبلون وشلون تعرف انه من الانبير ؟؟
الجواب وانت مشغل السياره وانبير الحراره مرتفع حاول تصير عينك على الانبير وشغل وطف اي شي في الموتر مثل شغل المكيف وطفه او شغل النور وطفه او حط الولاع وشله ثانيه وناظر اثناء ذلك اذا انبير الحراره قام يتحرك مع هذه العمليات اعرف ان الخراب من الانبير
ترا هذا صاير معي وديته للكهربائ وزين الانبير وافتكيت من الحراره الكذابه

[مركز حراره]

اخوي اذا انت بلقصيم نفحص لك الحساس بجهاز الليزر بلاش بدال ماتغير وتخسر وممكن ماهو منه
سعر الحساس الاصلي 120 وقديما قبل كم سنه 35ريال

[مدرس بالغصب]

ماقصرتوا اشكركم بعنف

[مدرس بالغصب]

وديته اليوم لفلبيني واكد لي ان العدادات كلها ماهي مضبوطه يقول غير الطبلون ؟؟؟ وش الراي يارقاله

[طيار ارضي]

رح التشليح وخذ طبلون وجرب ان صلح معاك خذه وان ما صلح رجعه ..

[ابو فهد 1]

اخوي اذا انت بلقصيم نفحص لك الحساس بجهاز الليزر بلاش بدال ماتغير وتخسر وممكن ماهو منه
سعر الحساس الاصلي 120 وقديما قبل كم سنه 35ريال

مرحبا

وين محلك بالقصيم ودي امر عليكم

[sgl2002]

أخوي سلمك الله
أنا ماغيرت كل ماذكرته سابقاً إلا بسبب تهريب بأحد الطبات الخلفيه وعلى كذا لازم تطلع المكينه من مكانها علشان نغيرها
وبسبب أن أخوي الله يصلحنا وإياه كان يستخدم ماء عادي أكتشفت ان كل المواصير والطبات مصديه وتحتاج تغيير وكذلك الخراطيش

أما موضوع الحرارة

ف للعلم
السيارة لها 12 سنه ولله الحمد ما لاحظت ارتفاع بالحرارة بعد الخط الثاني إلا بهذه الفتره أو في حالة السفر بفترة الصيف ظهراً وبسرعة 140 بالمكيف

علماً
بأنه في كتلوج السيارة مذكور ان من بعد الخط الثاني الوضع طبيعي إلى قبل الـ H

موفقين

صح عليك يبو سعد هذي الحرارة الطبيعية


وعز الله انك ذكرتني بباترول 98 كان معي وكان راعيه الاول يعبيه موية تحلية وبسببها كلفني ثلاث الاف

[مركز حراره]

عنيزه -مقابل ورشة الحسون