استفسار الله الايهينكم

[ابوريان 470]

اسعد الله مساكم
الي عنده خلفيه عن هيدروليك الجيب الفيكسار او جيب الكزس من مديل 98 الى 2007
هل الحساسات تخرب ولا وين موقعهن الى قدام والا الي وراء

[ابوريان 470]

الله الله ولا واحد على الاقل قال معرف ..

[أبو اريام]

اخوي الهيدروليك شغلته شغله والكثير من الناس مايعرفون له لكثرة ال gxr
اما مالكي لكزس وvxr اكثرهم يتوجهون للوكاله
بس انا اشوف انك ما طرحت مشكلتك بشكل مفصل علشان توضح الصوره


انت نزلت السياره ولا ارتفعت ولا ايش المشكله

[SGL]

http://www.mekshat.com/vb/showthread.php?t=274884
أخوي شوف هذا الموضوع وشوف الروابط الي فيه ممكن يفيدك تحياتي لك

[ابوريان 470]

اخوي الهيدروليك شغلته شغله والكثير من الناس مايعرفون له لكثرة ال gxr
اما مالكي لكزس وvxr اكثرهم يتوجهون للوكاله
بس انا اشوف انك ما طرحت مشكلتك بشكل مفصل علشان توضح الصوره


انت نزلت السياره ولا ارتفعت ولا ايش المشكله

اشكر اخوي ابو اريام على مرورك
المشكله وانا اخوك اول ما اشغل السياره اللمبه حقت الهيدروليك على n واذا مشيت شوي قعد يوزن نفسه ثم تنزل اللمبه على L فأنا اقول لايكون ان المشككه من الحساس لان اشوف وجه الموتر طاير فمدري وش ضربته واذا عندك خلفيه عنه يليت برقم لك اتواصل معك




http://www.mekshat.com/vb/showthread.php?t=274884
أخوي شوف هذا الموضوع وشوف الروابط الي فيه ممكن يفيدك تحياتي لك

اشكرك على مرورك اخوي sgl

[أبو اريام]

هلا اخوي ابو ريان ياليت اني اقدر افيدك وماعندي خبره فيه
بس انا كنت ابيك توضح المشكله علشان اللي قد صارت معه نفس مشكلتك يعطيك حل سريع

[دحيم الفزعة]

عنوان الموضوع فيه خطأ فاااااادح

[ابوريان 470]

عنوان الموضوع فيه خطأ فاااااادح

بس هذا الي الله قدرك عليك .......

[مدهوش]

لا تزعل على (دحيم الفزعة) فله وجهه نظر سليمة بإعتقادي...

اللي يقصده دحيم الفزعه ان عنوان موضوعك فيه خطاء ولا راح يساعدك بشيء لأن أهل الإختصاص ما راح يدخلون لموضوعك إلا بالصدفه فقط !!!

منتدى مكشات عااااااامر بالناس اللي عندهم خبرة في شتى المجالات وانا اثق تمامآ ان فيه اشخاص متواجدين الان لكن ما دخلو موضوعك (تدري ليش ما يدشون على موضوعك ؟؟؟)

لان المواضيع اللي تموت الحيل صارت كثيرة واصبح (بعض) الأعضاء وانا اولهم إذا شاف موضوع في الشريط المتحرك بعنوان (الفزعة - النجدة - انقذوني - مطلوب عاجلآ - استفسار لا هنتم) ما يفتحه لأنه راح يتفاجاء بعد الدخول ان الشخص اللي طلب الفرعه عنده نية يروح يغير بواجي سيارته ولا يعرف من وين يشتريها !!!

كان من الأولى ان تحدد بكلمتين او ثلاث كلمات تشير بشكل واضح لمكشلتك التي تواجهها الان وتحطها بالعنوان لكي يدخل عليها صاحب الإختصاص او من سبق مرت عليه المشكلة ويعرف حلها بشكل مباشر مثال على ذلك :


مشكلة في هيدروليك فكسار موديل 2003


اتمنى وجهه النظر وصلت بالشكل السليم والله يسهل امرك

[ابوريان 470]

لا تزعل على (دحيم الفزعة) فله وجهه نظر سليمة بإعتقادي...

اللي يقصده دحيم الفزعه ان عنوان موضوعك فيه خطاء ولا راح يساعدك بشيء لأن أهل الإختصاص ما راح يدخلون لموضوعك إلا بالصدفه فقط !!!

منتدى مكشات عااااااامر بالناس اللي عندهم خبرة في شتى المجالات وانا اثق تمامآ ان فيه اشخاص متواجدين الان لكن ما دخلو موضوعك (تدري ليش ما يدشون على موضوعك ؟؟؟)

لان المواضيع اللي تموت الحيل صارت كثيرة واصبح (بعض) الأعضاء وانا اولهم إذا شاف موضوع في الشريط المتحرك بعنوان (الفزعة - النجدة - انقذوني - مطلوب عاجلآ - استفسار لا هنتم) ما يفتحه لأنه راح يتفاجاء بعد الدخول ان الشخص اللي طلب الفرعه عنده نية يروح يغير بواجي سيارته ولا يعرف من وين يشتريها !!!

كان من الأولى ان تحدد بكلمتين او ثلاث كلمات تشير بشكل واضح لمكشلتك التي تواجهها الان وتحطها بالعنوان لكي يدخل عليها صاحب الإختصاص او من سبق مرت عليه المشكلة ويعرف حلها بشكل مباشر مثال على ذلك :


مشكلة في هيدروليك فكسار موديل 2003


اتمنى وجهه النظر وصلت بالشكل السليم والله يسهل امرك

يسعدني مرورك اخوي / مدهوش
واما اخوي دحيم الفزعه ما زعلت منه ولا يحزنون الا بالعكس كل المتواجدين في ذا المنتدى والنعم فيهم جميعاً

واشكرك جدا على ردك وماقصرت ووجهة النظر وصلت وبيض الله وجهك

[مدهوش]

شكرآ لتفهمك يا ابو ريان والله يسهل امرك

عمومآ لعلي افيدك بشيء لو ما توصلت لحل من احد الأعضاء راح ادلك على رجال بالقصيم يعمل في مجال الهيدروليك وراح تستفيد منه بإذن الله

[ابوريان 470]

شكرآ لتفهمك يا ابو ريان والله يسهل امرك

عمومآ لعلي افيدك بشيء لو ما توصلت لحل من احد الأعضاء راح ادلك على رجال بالقصيم يعمل في مجال الهيدروليك وراح تستفيد منه بإذن الله

الله يعطيك العافيه ويجزاك خير ياخوي على مرورك وحرصك وانا بنتظارك

[مدهوش]

اذكر واحد من الزملاء قبل 5 سنوات معه جيب لكزس موديل 2004 تقريبآ

المهم وحنا بالقناص جانا الرجال وموترة طايح مع مقدمه السيارة فقط وكأنه منزل الهيدروليك لآخر شي ويوم سالته قال خرب علي مدري وش فيه.

بعد ما رجعنا شفته بعد فترة وسالته قال ابشرك الأمور طيبه وسهالات رحت يم ورشة خالد الشيبان وطلع الموضوع حساس نظفه لي ورجعت الأمور طبيعية (حسب علمي هيدروليك الفكسار واللكزس جيد الأداء وما يخرب بسهولة)

ما اعرف الحقيقة وين موقعك لكن اذا لك رغبه بالمحاولة مع هالورشة وتشوف وش عندهم ارسلي رقمك على الخاص وانا اتواصل معك واعطيك الوصف.

[ابوريان 470]

اذكر واحد من الزملاء قبل 5 سنوات معه جيب لكزس موديل 2004 تقريبآ

المهم وحنا بالقناص جانا الرجال وموترة طايح مع مقدمه السيارة فقط وكأنه منزل الهيدروليك لآخر شي ويوم سالته قال خرب علي مدري وش فيه.

بعد ما رجعنا شفته بعد فترة وسالته قال ابشرك الأمور طيبه وسهالات رحت يم ورشة خالد الشيبان وطلع الموضوع حساس نظفه لي ورجعت الأمور طبيعية (حسب علمي هيدروليك الفكسار واللكزس جيد الأداء وما يخرب بسهولة)

ما اعرف الحقيقة وين موقعك لكن اذا لك رغبه بالمحاولة مع هالورشة وتشوف وش عندهم ارسلي رقمك على الخاص وانا اتواصل معك واعطيك الوصف.

بيض الله وجهك يالغالي .... // المشكله ماقدر ارد على الخاص عشان المشاركات عندي مهيب واجد وانا واعوذ بالله من كلمت انا حاس انه الحساس هو الخربان بس ما ودي اتطبطب واعفل الشغله كلها . ياليت توصفلي ورشة الشيباني ولا عليك امر

[مدهوش]

ورشة الشيبان (انا ما ادري وين انت ساكن ومن وين بتجي) لكن خل سوق التمور الجديد على يسارك ووجهك شمال بتجيك الإشارة اللي جمب سوق التمور لف يمين من الإشارة بيكون وجهك شرق الآن

امش لين تجيك اول إشارة لف يمين من عندها واطلع لين يجيك دوار خذ من عند الدوار يسار وامش تقريبآ 2كلم تجيك الورشة على يسارك ومشهورة لو ضيعت بالمنطقة شوي أسال اي واحد عن ورشة (الشيبان).

بالتوفيق