سؤال يا شباب كم يسوي جير

[اللماع]

يا شباب عرض علي جير شاهين 16 في 17 ابيض ينقل رابع الطير مجهول
و في المربط هل تنصحوني فيه و كم يسوي

[(هزاع)]

انصحك لاتشري الا على مشاهد طيار الطير والفحص الطبي
الا طيور الرجال الثقات اللي ذمتهم اهم عندهم من المال
والطير طيار وطبوع والريش ياتي بالمرتبه التاليه
ولاختل احد الشرطين الطير مايسوى نقله

[اللماع]

الرجال شرط علي السبق و الطير يرغب الحمام
و الطير جاه هدو و يقول ما اعرف علومه
و انا اول مره بنقل جير انا كانت عندي شهانه و جازلي ذا الجير و الطير من مزرعه اسمها ساره

[دولاار]

دام الطير مجهول فانصيحتي لك لاتاخذه قلبوه الرجاجيل قبلك
وفي هالزمن لاتشتري طير الا وانت شايف هدده بعيونك خل عنك كلاام راعيه
والله يرزقك بالطير الي ينومسك

[اللماع]

والله مدري
والله أني متوهق دورت ذا الطيور ولا لقيت و انا أبي طير قبل سهيل ولا عينت و انا ودي بالجيره لأني ما قد نقلتها

[ابرق الحرار]

اشتر وتوكل على الله

[خالد العطااوي]

وعزالله اني مثلك نفسي بجير ,,
لكن اذا قيمته رخيصه اشتر وتوكل ع الله ,, واذا ماعجبك بعه ,,

[عاشق القرناس1]

أخوي اللماع
ونا خوك يقول الشاعر :-
أبعد عن البنزين قدح الشراره

1-الجير كله ما يرغبونه الناس فكيف مجهول
2- بعدين ترا طبوع الأصايل يختلف عن طبوع التفاريخ
3-الجير يبيلك تتعب تعب أضعاف ألي سوته فيك الشيهانه
4-وترا الجير يبيله وزن هداد خاص (يعني يبيلك ميزان طيور)
بين قوسين
(أذا أطيره عجبتك وراعيها شرط المستشفى أشترها ولا تشارو)

[هزاع المطيري]

ونا رأييء من رأي اخوي عاشق القرناس
والله يرزقنا وياك ..

[اللماع]

لا هنتنو يا الي تجاوبتو معي

[mr.silver]

انا اشوف الجير اسبق من الوحوش
و لا يبيله شي لا بتتعب عليه ولا شي مثل مانقلت الشيهانه بتنقل الجير مثلها
ماتفرق النقل بين الطيور

[قنا النفود]

الجير متعب ماهو مثل البيتي

[قنا النفود]

الجير يحتاج الى مناطق برد شديده

[بو_غانم]

اذا سليم من الأمراض خذه وتوكل علا الله.

الجير شاهين فيه سبق ما بتشوفه فالوحوش ( شواهين و احرار).

هذا غير انه الجير المهجن ( جير شاهين او جير حر او بيور جير) يصيد للطرب والمتعه مب للجوع الشديد.

تقدر تهد مره و مرتين وثلاث ما عندك مشكله، ووزن الطير مرتفع يكون.

يعني مثلا هالطير الي عندك اخويه قياسه 16 في 17 ، ( اتوقع وزن الهدد حول 1100 )، لكن في الوحوش هالقياسات تلقا وزن الهدد 900 بالكثير.

[قنا النفود]

الله يوفق الجميع

[قنا النفود]

اﻷه يوفق الجميع يارب

[اللماع]

لا هنتو علي افاداتكم و ما تقصرون

[حزم الفيضه]

اشتر وربي بيرزقك والجير ان فعل عيفك الا صايل ولا يحتاج ميزان بس خله عديد وزهل الصيد وشركه ساره ناجحه

[اللماع]

حزام الفيضه لا هنت علي مرورك الطيب

[أخوحصه]

الله يرزقك بالجير الطيب

[اللماع]

أخو حصه جزاك الله خير و شرفني مرورك العطر

[moath2700]

عطاك العلم ابو مشعل ومابالحكي فايده ...وحذاري تاخذ على كلام رجال ماتعرفه اسال وشاور

الناس تغيرت يحسبون الغش مرجله ونوماس يتنومسون به ....ولا خص احد بعينه..((تكرم الرجال عن هالكلام ))لكن الحذر واجب

[اللماع]

لا هنت علي مرورك و شرفني يا موث