لمبات الباترول الامامية غير موزونة، كيف اوزنها مالقيت مسمار الوزن

[sgl2002]

السلام عليكم ورحمة الله وبركاته


عندي شمعات الباترول الامامية 99 زينون اللي تجي شد بلد

لكن الوزنية معدومة الشمعة اليسرى لمباتها فوق مرتفعه والشمعة اليمنى لمباتها في الارض


وابغا اسوي لها وزن ، وش لون الطريقة او دلوني على كهربائي ممتاز في الرياض يوزنها صح

ودمتم سالمين

[بلاميعاد302]

اذا اهي نفس الفتك شف خلف الشمعه فيه مسمار مقاس عشرة لفة وشف هل بيتغير معك النور او لا معي الفتك انا اوزنه كذا

[sgl2002]

اللي عندي عدسات ولا حصلت المسمار


كل اللي حصلته دوائر بلاستيكية مدوره في اعلى الشمعات

[ابو يعقوب 2]

اللي عندي عدسات ولا حصلت المسمار


كل اللي حصلته دوائر بلاستيكية مدوره في اعلى الشمعات

السلام عليكم ..
الدوائر البلاستيكية هي حقت الوزن
تلقى وحدة فوق ووحدة تحت .. طبعاً وحدة توزن النور ع فوق وتحت
والثانية توزنه يمين ويسار ..
جب لك مفتاح رقم 8 أو أكثر وجرب ..
أنا معي الفتك ووازن النور بنفسي

[فتك08]

مسمار خلف الشمعة....لكن ناسي مقاسه يا 8 او 10
و أعتقد نفس الفتك

[sgl2002]

الله يعطيكم العافيه

اليوم فككت الشمعات في الحوش ولقيت مسمار الوزن ماهو موجود


رحت الصناعية القديمة ، £ صناعية كل ماتبغا تحصله ولا فيه شي مايتصلح £ رهموا لي مفتاح وزن والامور سهالات

[وطن العزة]

غريبه ما حصلت شي !!

أغلب السيارات تحصل مسمار الوزن (فوق أو تحت) بين اللمبه والصدام من جهة الركن فيه مسافه صغيره يدخل معها السكروب

ووزن يمين يسار له مسمار نفس المكان لكن من جهة الشبك

[sgl2002]

^^^

الشمعات كان بها دينمو رفع وتنزيل ومفكوك وبقى مكانه فاضي