مشكله بالفورد يا اهل الخبره

[آآآبو سعود]

السلام عليكم عندي مشكله وابي راعي اصحاب الخبره عندي جراند ماركيز 98 اذا مشيت عليه وبدل القير جميع تبديلاته وريح بآخر نمره اذا زودت بالابنص شوي يقطع او يرتج خفيف واذا رفعت رجلي عن الانبنص مافيه شي وش المشكله ؟ غيرت البواجي والصفايه ونظفت الكويلات والثلاجه ولا فيه فايده ؟

[مركز حراره]

المشكله والله اعلم انه بلقير لو المحرك فيه مشكله كان يكون بكل النمر

[عبادي464]

اتوقع احد الكويلات تعبانه دايم تصير بالفور

[ابشر بسعدك]

غير زيت القير كامل مع الطنجرة وفلتر قير ورح يضبط فقط
التكلفة
شغل اليد خمسين ريال مع سعر الفلتر والوجه واثنى عشر علبة زيت قير كلها ماتتجاوز مائتين وخمسين ريال الى ثلاث مائة ويضبط موترك

[آآآبو سعود]

اغير الطنجره بوحده ثانيه ولا قصدك افرغ الزيت اللي بالطنجره

[m1122gl]

احد الكويلات فيه ضعف خذ العلم

[بن الزايد]

غير صليب الاثنين في عمود الكردان

[آآآبو سعود]

تم تغيير زيت القير مع الفلتر ولا فيه فائده نفس المشكله

[أبوأسامه...]

غير صليب الاثنين في عمود الكردان


نفس الكلام وعشان تأكد ادعس بنزين خفيف وخلك مثبت وامسك فرامل استخم ارجولك كلهن وعشق قدام و ورا وراح تأكد من انه صليب فيهه فضاوه

[سمينا انت]

هل يوجد لمبات والعة في الطبلون

[آآآبو سعود]

فيه لمبه صفراء حقت التشييك والعه . بس برمجها لي عامل الورشه وطفت والمشكله ماتغيرت وبعد ساعتين اشتغلت اللمبه وهالحين شغاله

[أبوأسامه...]

اجل عندك احد الكويلات فيها مشكله او تهريب ماء من الثلاجه وينزل على الكويل تاكد

[آآآبو سعود]

للرفع للرفع واللي يعرف كهربائي متخصص بالفورد بالرياض لا يخلينا

[تركي المشعان]

ريح راسك اخوي وأفحص كمبيوتر
وتقبل مروري

[آآآبو سعود]

فحصت 4 مرات ولا يطلع شي بالفحص هذا اللي جنني

[جارنشيا]

ابو سعود
انا كان عندي ماركيز 98 وهالكلام قبل عشر سنوات وصارت عندي نفس المشكله
وبالنسبه لكلام الاخوان يوم يقولون الكويل او تهريب مويه من الثلاجه
لو فعلاً صحيح كان صار التقطيع بأي سرعه او بأي تبديل مو شرط التبديله الاخيره

المهم ارجع للموضوع
موتري كان جديد وقتها ماشي 30 الف وصارت فيه هالمشكله واورقتني بصراحه وخاصه ان الموتر جديد
ومريت ست او سبع ورش وكل اصحابها يقولون القير فيه مشكله ولازم يتوضب
ادري انهم نصابين وتركتهم
وبالصدفه احد اصحاب محلات قطع الغيار دلني على شاب سعودي وكان يعمل بتوكيلات الجزيره
وترك الوظيفه واشتغل لحسابه
ومريته وقلت له المشكله بكل تفاصيلها وقالي حط الموتر على حفره وكشف على القير من تحت
وعطاني ورقه فيها اسم حساس للقير وقالي جيبه من قطع الغيار وجبته وكان سعره ب 35 او 40 بحدود هالرقم
وركبه بدال العطلان
ووراني العطلان يقول هو مافيه مشكله ويمكن لو يفحصونه كمبيوتر ماراح يبين معهم
بس الحساس جاي علىه وصخ وزيت وهذا السبب اللي خلاه يقطع بالقير
وانتهت مشكلتي والتكلفه قيمة القطعه فقط
لانه رفض قيمة التركيب الله يوفقه اينما حل