لغزي عن اسمٍ بالعرب ذاع صيته............الحل:فريم...حله:ابوصالح الخلاوي

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز خفافي اتمنى ينال رضاكم


لغز ومن مرماع موته هقيته=حتى ولو ثوب الغطو به تكبع
مابين ربع له سهامٍ مميته=وكلٍ على ذبح الغطو ماتشبَّع
لغزي عن اسمٍ بالعرب ذاع صيته=لو كان ماله عندهم اي منبع
من قال ابي وصفه انا له نطيته=ياما على الطرَّاف شفته تربع
ان راح منه الذيل طير لقيته=ون راح راسه حي سيره على اربع



ماله عندهم اي منبع . اي اصله غير عربي

مع تحيات ابو ماجد

منتديات مكشات . خيمة الالغاز

[صقر السديرات]

صح لسانك ابو ماجد
بيض الله وجهك
اتمنى تكون بعافية
دمت بخير

[ابو ماجد 2]

صح لسانك ابو ماجد
بيض الله وجهك
اتمنى تكون بعافية
دمت بخير

هلا بك يابو فيصل
صح بدنك يالغالي
وانا بخير مادمنا نتواصل مع هالوجيه الطيبه
شرفني مرورك وانتظر مرماعك

[algomiri1@]

وعليكم السلام ورحمة الله وبركاته
صح لسانك ابو ماجد
محاوله واعتبره مرور ورد السلام ولي رجعه ان شاء الله وش رأيك بساهر

[ابو ماجد 2]

وعليكم السلام ورحمة الله وبركاته
صح لسانك ابو ماجد
محاوله واعتبره مرور ورد السلام ولي رجعه ان شاء الله وش رأيك بساهر

صباح الخير يادختور القميري
صح بدنك وسلمت من الشر
والرمعه مالك لوى يالغالي

[قوافي ( أم نهار )]

عليكم السلام ورحمة الله وبركاته
صبحك الله بالخير ابو ماجد
صح لسانك
،،،،
لورنس العرب
الطير : نورس
حي ابو اربع: سنور
تحياتي وتقديري واحترامي
..قوافي..

[علي الثاني]

وعليكم السلام ورحمة الله وبركاته.
صح لسانك يابو ماجد وعز الله انك احكمت واوهمت ومانقول الا سلمت ودمت
ورمعة خفيفة:
جواز السفر والمعنى لايخفى عليك

[ابو ماجد 2]

عليكم السلام ورحمة الله وبركاته
صبحك الله بالخير ابو ماجد
صح لسانك
،،،،
لورنس العرب
الطير : نورس
حي ابو اربع: سنور
تحياتي وتقديري واحترامي
..قوافي..


هلا بك اختنا العزيزه
واسعد الله جميع اوقاتك
صح بدنك
مالك لوى
والمطلوب ليس اسم لشخص

[ابو ماجد 2]

وعليكم السلام ورحمة الله وبركاته.
صح لسانك يابو ماجد وعز الله انك احكمت واوهمت ومانقول الا سلمت ودمت
ورمعة خفيفة:
جواز السفر والمعنى لايخفى عليك

صح بدنك يالغالي
شرفني مرورك وكلماتك الطيبه
والرمعه مالك لوى
انتظر مرماعك القادم

[أبو صالح الخلاوي]

صح لسانك يابو ماجد وتسلم

بعد الدخول عدة مرات على اللغز

لقيت هاالرمعة:-
ـــــ فريم ـــــ
( فري , ريم)؟؟

[ابو ماجد 2]

صح لسانك يابو ماجد وتسلم

بعد الدخول عدة مرات على اللغز

لقيت هاالرمعة:-
ـــــ فريم ـــــ
( فري , ريم)؟؟


مازلت عند قولي
انت والدكتور لكم الباع الاطول في حل الالغاز الفترة الحاليه
ان فاتك مافات الدكتور وان فات الدكتور مافاتك
كفووووووووو كفوووووووووووووو كفووووووووووو
كفوووووووو كفوووووووووو
نعم
فريم


http://t2.gstatic.com/images?q=tbn:ANd9GcTYXGKTw2NWhOnTxlnZlK0rLnBD6Jw-KwVgnMh9lve6Wjr6Ef3rRbPAwvQX

ويقصد فيه الاطار او البرواز
والمسمى غير عربي ولكن درج على السنة البعض
وماقصرت بشرح مارميت اليه بلعب الحروف
فري طائر
ريم صغير الغزال ويمشي على اربع
صح لسانك ملايين

[ذيب الفقارة]

كفووووووووووووو كفووووووووووووووو كفووووووووووووووو

أبو صالح الخلاوي

وصح لسانك زعيمنا

أبو ماجد

تحياتي

[أبو صالح الخلاوي]

تسلم يابوماجد وصح بدنك
وراعي الفنية يصير حول البراويز والفريمات

وتسلم ياالذيب وصح بدنك

[ابو ماجد 2]

كفووووووووووووو كفووووووووووووووو كفووووووووووووووو

أبو صالح الخلاوي

وصح لسانك زعيمنا

أبو ماجد

تحياتي



هلا بك يابو عدنان
وصح بدنك يالغالي
شرفتنا ودائما مشرفنا

[ابو ماجد 2]

تسلم يابوماجد وصح بدنك
وراعي الفنية يصير حول البراويز والفريمات

وتسلم ياالذيب وصح بدنك


سلمت من الشر يابو صالح
ههههههههه
الفنيه راحت
مثل ماراح فن الشيلات عن بعض ناس