سوموتومو

[معاشر الرجال]

السلام عليكم ورحمة الله وبركاته

كيفكم عسالكم بخير بشروني عنكم

بغيت اسالكم عن كفرات سوموتومو لددسن عريض او عادي

بكم الطقم وايش سلبياته وايجابياته

وشكراً

[معاشر الرجال]

لرفع الله يرفع مقداركم

[دحيم الفزعة]

السلام عليكم.

السوموتومو يمسحن بسررررعه

[sgl2002]

خذ دنلوب عز الله انه كفر لين وحلو ويعجبك بالنفود

[معاشر الرجال]

بيض الله وجيهكممم وانتظار باقي الاعضاء

[..D7oom]

خذ مشلان فرنسي

بالتوفيق

[حسن الشمالي]

جيدة
وانا قد جربتها

[جيبي جايزلي]

ما تنفع ولا بريال اسال مجرب سموتومو قبل 5 سنوات ممتازه اما صناعتها الان فشلت فشل ذريع واهم مشاكل كفراتهم التحبيل داخل الكفر التحبيل يعني يتتفخ الكفر من الداخل وما تشوفه من برا ويسبب رجه يعني من برا الله الله ومن جوا الله يخلف انحش من السموتومو نصيحه مجرب سنين طويله

[ابوعبدالله 93]

انصحك ببرجستن صبوره وتتحمل الكرف وتجلس معك

[الحيسوني-]

عليك باليوكوها ولا البرجستون

[abo aryam]

عن سابق تجربة ماتنفع ولا بريال قاسية وتزلق مع ان النقشة موجودة ولاحظت ان اصحاب البناشر يسوقون لها بشكل مبالغ فيه يمكن ربحهم فيه اعلى والله العالم . تحياتي للجميع

[عارف 30]

نصيحه لوجه الله
لا تقرب سيوميتو نهائي
قاسيه وتحبل من الداخل
انا مجربها (اسأل مجرب و لا تسال طبيب)
انا اشتريتها بعد ما مدحها لي صاحب بنشر وطلع كلامه تسويق فقط وما عنده خبره فيها
لا لا لا تقربها

[محمدعبدالمجيد]

اخور انا جربت كفرات واجد وانواع كثيره
بالنسبة لأفضل ماجربت كالتالي
الاول بدون منازع ميشلان فرنسي او الماني وبنفس مستواه كونتنينتال الالماني
الثاني يوكوهاما
برجيستون
فايرستون احس نفس البرجستون بالضبط
دنلوب
والباقي مشي حالك مثل هنكوك وماكسيس وغيرها تمشيها البناشر علينا وهي ما تسوى
قديم كان عندي كرسيدا سعر اليوكوهاما 180 ريال والهنكوك 80 ريال فرق مو صاحي بالسعر مثل الفرق الكبير بالجوده
ركبت مره هنكوك وماجلست 6 شهور الا وهي منفخة والسيارة ترج من كل الجهات
رحت لليمني اللي مركبها ( عشان الضمان)
وقعد يتفلسف هي ضمان شركه ولازم يشوفها مندوب الشركة وقال هي ضمانها سنه قلت ادري قال نشوف سعر الكفر ونقسمه على عدد الشهور
ونخصملك السعر ونركبلك جديد وتدفع الفرق قلت له تردها وتركب لي غير هالنوع وانا ادفع الفرق ولاتخصم من قيمتها ولا ريال
لأن لو كفراتك زينه مانفخت كلها وليه ماقلت لي هالكلام يوم اركبها
ولا رضى وبعدين قلت له بتخسر واجد قال هذا اللي عندي قلت بروح لغرفة التجارة قال روح وسوي اللي تبي
رحت وقدمت شكوى وعلمتهم بالسالفه قال لي الموضف عطنا ورقة الضمان يمكن مكتوب فيها اللي قاله لك
قلت مكتوب فيها ضمان لمدة سنة ضد الخلل المصنعي والنفخ والسلخ
وعلى طول طلع مندوب معي لمحل الكفرا بسيارة الدوله وجا اليمني وعلمه بالشكوى وقال خلاص اللي يبغاة بيصير واخذت غيرهم ودفعت الفرق عن النوع الثاني ولا خصم هلله من سعرها
وكان يبيع كفرات مستعمل وحصل مخالفه بعد 5000 ريال
ومنها ما اركب هنكوك

[معاشر الرجال]

بيض الله وجيهكم وكفيتو وفيتو

[خشير الذيب]

عندي على موترين اﻻن على جبب نيسان وكامري 15 حلوه ولينه وﻻكن اي مسمار يبنشرها النيسان اﻻسبوع الماضي بنشر والكامري اﻻسبوع هاذا مرتين وماتخدم مده طويله يعني تمسح بسرعه وسﻻمتك ان استخدامك بر تصلح لك في النفود والبطناج