رآآيكم (اف جي 13 عادي - فتكك ربع 13) وماخاب من آستشار ~

[الخلاوي 9]

سسلامم عليكم ورحمةة الله وبركاتهه "
آخباركمم يآلربع عسآكم طيبين !

آلعمومم يالربعع آنا محتار بينن هآلموترينن :
افجي 13 قير عادي + فتكك ربع 13 ..

فما آدري وش رايكمم وشش آصبر وآفضضل ممشى بآلببر وتححمل وكرفف وآآقل صيانهه !

علمنن آني مجرب آلباترول آلربعع القديمم كانن ممشاه جبار بالنفود وبالوعر وبكل مكانن لككنن عيبهه آلوحيد مابهه عزمم مرهه ويصرفف حيل ..

لكنن مدريي وشلونن آلفتكك هل هو يجممل او نتوجهه للاف جي اتمنى من الي مجربين هالموترينن يبدون رأيهم آذا مابهه كلاففه الله يعطيكم آلعافيهه :good2:

تحيآآتي لكمم ~

[Abo_Faisal_506]

من رائيي
الفتك الربع ماله مثيل ومواصفاته زينه وسعره عند العسيى وقابل للتفاض ١٦٤
فير تبتورنك وثلاجه ودفلك
وفي البر يبددع لأنه ربع ومكينته فتك

[sgl2002]

الفتك الربع ان قدرت عليه خذه

موتر مدينة وخط وبر


اما الافجي نظام تعليقه فاشل وغير مريح

[Mo_m3gooL]

النيسان الربع كان عيبه ضعف العزم فقط ولان بعد مكينة الفتك لا تشاور وخل عنك صندوق العده ذا الاف جي هههههههه

[الخلاوي 9]

ماقصرتمم عالردود يـ آلربعع بيضض آلله وجيهكمم "

والفتكك من آول ببالي لكنن قلت نشاور مجربينهه

[س.س.التميمي]

الله يرزقك باللي في بالك

[ميدو666]

رايي انا
اسال احد جرب الاف جي راحه وقوه وراسي مع الخط واللفات
انا شخص مجرب الاثنين فنصيحتي استاجر الاف جي من محلات تأجير واطلع عليه وانت قرر كل شخص يعطيك رايه حسب ميوله للسياره
جرب السيارتين واحكم

[الخلاوي 9]

بسس ياخويي يقولون الاف جي الققير العادي مهب ذاك الزود .. يبيلك تفصل آلدفعع آلرباعي وشغله !

[الخلاوي 9]

آللهم آمينن وياكك يالذيب ..

[a.w.T]

عند واحد من اخوياي اف جي 2013 قير عادي

طبعا الموتر ستااااندر جدا مافيه ولا ميزة حتى التكاية مافيه ودفع رباعي مستمر

والموتر من اخذه وهو فيه مشكلة بالقير والموتر ماكمل 4 آلاف , القير مايلقم

وكل شوي منزلة بالوكالة لما غيروله القير وتوه مطلعة , يقولون قيره فيه مشاكل

مثل ما قالولك الاخوان انت جرب الموترين وشف اللي يناسبك والعيسى بالرياض تقدر تجرب ربع الفتك

[محمد العطني]

آسف على الإزعاج
أنت تقول
فتك ربع أو إف جي
يعني الموترين شبابيات
الفتك إذا كان سعره 164

خذ لك لاند كروزر GX
وريح بالك

نصيحة خارج الموضوع
لكن حطه على بالك
وخله خيار ثالث

[sgl2002]

^^^

او ياخذ فتك صالون مكيفين وثلاجة


لكن صراحه الربع رهيب خاصة النيسان تقدر تركب معك ناس ومريح وخفيف بالبلد ونظامه مثل السيارات القديمة اللي ماعاد يجي مثلها

[ابوسند9]

وعليكم السلام
تبي تشوف الفرق ؟؟؟ امش بالاف جي140 وامش بالربع 200 وراح تعرف الفرق ؟؟
بالبر كلهم كويسين
اما الصيانه
اذا انت راعي بروقنص وتكسير ما انصحك بالافجي لان الاف جي اشوف مشاكل القير والكارونه واجد وموديلات 12 و 13
لذا انصحك بالفتك قيراوتو نشيط واهدء صوت مكينه ويكد معاك اكثر من القير العادي
والله يكتب اللي لك فيه خير وانت جرب الاثنين افضل قبل تشتري

[ابو مقعد511]

ربع فتك ،،،،،

وحش جبار ،،،

[رسلان الوايلي]

انا انصحكك بالفتك

[بومالك]

الافجي بالنسبة لي اعتبره موتر مناسب للطلاب اكثر ربع فتك شكله جاد ورسمي لكن كقة السعر للأفجي والجوده

متقاربين

[هدد9007]

ربع فتك وانت مغمض

[ابوعبدالله 93]

يخوك نصيحه لوجه الله خذ لك فتك موتر راسي ومتر لابغيته عطاك

[حبيتر]

شوف الرابط هذا واحكم
http://www.youtube.com/watch?feature=player_detailpage&v=c51RzvwS_mE

[مقلع الرمث]

فتك واستخير الله وبالتوفيق

[ال بريمي]

اخوي خذ مشورتي خل عنك الفتك والنيسان كله
خذلك ربع تايوتا 2009 ونازل وصدقني والله والله ماتندم موتر بر ومقناص وموتر جبار سراحه وان جيت للبيع
قسم بالله سعره فيه ماتندم بس لاجيت تاخذ عليك بالبريمي
هذي وجهة نظري وانت حر تقبل مروري
اخوكم ابو نايف

[محسن اليامي]

بالشكل والله الباترول الربع احلى من ال اف جي
اما الاداء والله مادري عنه

[الخلاوي 9]

بيضض الله وجيهكمم جمميع يالربعع ماقصصرتم عالردود والاراء ..

وآن شاآء آلله آبروحح لم آلعيسى وآشوفف الفتكك الربعع ومواصفاتهه آن جازلي آن شاء الله ولا وجهت للربع آلتيويوتا ~

تحيآاتي ..

[التعـ King ـديل]

فتك صالون مركبه ممتع وقيادته لا تقاوم

وعن تجربه

[أنصر نبيك]

آسف على الإزعاج

أنت تقول
فتك ربع أو إف جي
يعني الموترين شبابيات
الفتك إذا كان سعره 164


خذ لك لاند كروزر GX
وريح بالك


نصيحة خارج الموضوع
لكن حطه على بالك

وخله خيار ثالث


للعلم فقط لاند كروزر GX سعره ب 174 الف وأرى انه خيار ممتاز

[راعي الرود]

انا ماجربت الربع فتك

لكن سقت الاف جي على خط بس و لاحظت فيه عذروب

صوت الهواء على القزازه الاماميه + من الابواب , مهب صوت تنسيم لا صوت الهواء يضرب بالموتر بشكل مزعج

لان تصميمه مافيه انسيابيه قزازته الاماميه مافيها ميلان / جايه بشكل طولي | من ناحيتي انا ما ارتحت له حتى بالمرايه الوسطيه لو تشوف ماتشوف الا استبنه مدري وش فايده المرايه

الشيء الثاني الدفع الرباعي ما اعجبني لو تبي تسايف خطر احياناً تحتاج الدفع الخلفي في البر و هذي تختلف من شخص لشخص

[Mohammed A]

الربع الفتك يا اخوان مكينته مكينة فتك 4800 لاكن قيره قير 4500 على كلام احد الاخوه

[sgl2002]

^^^

طيب تدري انه افضل

عشان مايكون محشور مثل المديلات السابقة

[ابونبيل]

فرق السعر بنها كبير سعر الفتك الربع اذا صحيح الكلام الي فوق انه بحدود ال 160 خذ لك جكس من الخليج ترا مواصفاته اطلق من الافجيه والربع وموتر مايحتاج وسيع وصبور وشيك
اما اذا انت ماتبي غير هالموترين اشوف ان الافجيه افضل من ناحية ركاب وشنطه يعني الربع ماتقدر تركب اهلك براحه مثل الافجيه
وارجع انصحك بالصالون اللند او الفتك ترا ابرك

[هاوي نياسين]

سعر الفتك الباب عند العربيه في الامارات القير العادي الفل السفاري ب 139 الف والتبترونك ب 142 الف طبعا 2013 والمسعود اغلى بشوي والي خاطره في الموتر ياخذه من الامارات لانه سعره في السعوديه مبالغ فيه والاسعار في الامارات تغيرت بسبب هبوط الين وطبعا الدفعات الجديده وصلت كلها بسعر ارخص من ال 2012 لكن عندكم في السعوديه ماسكين على الاسعار القديمه لانهم ماخذينها بسعر عالي وعلى فكره الفتك الباب والفتك الحوض مكينه وقير 4800 لكن كرونه 4500 وطبعا هاي الي مخلي الموتر مريح في الخط ومب حاشر في خامس والي يبي يتاكد يشوف بنفسه البليته الي في البانه ويشوف رقم الدفرنش ورقم القير وطبعا انا اتكلم من تجربه لاني امتلك فتك طويل 2009 وامتلك فتك باب 2012 واعرف الفرق بين السيارتين .

[عاشق الvx]

الربع زين لكن حرام ادفع 164 على ربع
هالقيمة تجيبلك فتك 4 ابواب
او تزيدها شي بسيط وتاخذ بطل الدروب se
الربع مايستاهل هالقيمة وش فيه زود !!!

[AbdulAZiz M]

والله الإف جي الـ 13 قير عايدي للرجال راعي المقانيص هو المنوه ،، موتر بفضل الله آمن في الطرق المعبده

انظمة البر متوفرة فيه ( دفلوك " هزاز " ) ونظام A-trac

اكبر من الفتك ويشيل اكثر

تانكيين بنزين تمشيك حدود 1000 كم

اقوى من الفتك كمكينه

وان كانك ماسك على الربع عندك ربع التويوتا 2010 وطالع والله يا مكينته خطيرة واقتصاديه في البنزين بعكس 4500 efi

[الصافي9]

سعر الفتك الباب عند العربيه في الامارات القير العادي الفل السفاري ب 139 الف والتبترونك ب 142 الف طبعا 2013 والمسعود اغلى بشوي والي خاطره في الموتر ياخذه من الامارات لانه سعره في السعوديه مبالغ فيه والاسعار في الامارات تغيرت بسبب هبوط الين وطبعا الدفعات الجديده وصلت كلها بسعر ارخص من ال 2012 لكن عندكم في السعوديه ماسكين على الاسعار القديمه لانهم ماخذينها بسعر عالي وعلى فكره الفتك الباب والفتك الحوض مكينه وقير 4800 لكن كرونه 4500 وطبعا هاي الي مخلي الموتر مريح في الخط ومب حاشر في خامس والي يبي يتاكد يشوف بنفسه البليته الي في البانه ويشوف رقم الدفرنش ورقم القير وطبعا انا اتكلم من تجربه لاني امتلك فتك طويل 2009 وامتلك فتك باب 2012 واعرف الفرق بين السيارتين .

مشكور .........

[بايكال]

اخي صاحب الموضوع

الموترين الفتك الربع واﻷف جي.....كلهم مواتر الصراحه ما يحتاج...

ومن رأيي الشخصي إذا كنت ما تفرق معك المساحة الداخلي للسياره ..

أختر أيهم انسب من ناحية السعر ﻷن أسعار الموترين مبالغ فيها...

وإحرص على المواصفات المرغوبه وقت البيع...

موفق اخوي

[ابوسند9]

والله الإف جي الـ 13 قير عايدي للرجال راعي المقانيص هو المنوه ،، موتر بفضل الله آمن في الطرق المعبده

انظمة البر متوفرة فيه ( دفلوك " هزاز " ) ونظام A-trac

اكبر من الفتك ويشيل اكثر

تانكيين بنزين تمشيك حدود 1000 كم

اقوى من الفتك كمكينه

وان كانك ماسك على الربع عندك ربع التويوتا 2010 وطالع والله يا مكينته خطيرة واقتصاديه في البنزين بعكس 4500 efi
اخوي عبد العزيز
من قال ان مكينة الاف جي اقوي من الفتك؟
تبي طعوس وممشاء ردميات وطرد الفتك بلا منازع ويكفيك ان الفتك دفرنس امامي عكس الاف جي
واذا كان الاف جي فيه دفلك ترى الفتك فيه دفلك
الشي الاخر كان معي اف جي 2009 والله انه مزعج بالخط خصوصا بعد سرعة 140 صوت الهواء من كل مكان غير عزل الصوت اللي فيه صفر
الشي الاخر والله انه كان معي زميل لي ومشى معاه 100 الف والله العظيم لو تشوف الرفارف الداخليه متقصصه 10 سانتي مع كل جهه يعني لو معاه السياره للحين كان صورته لك
كذالك اللي اعرفه انا ان تاتكي البنزين للاف جي اصغر تانكي با العالم ويتعبى فل بنزين اخضر من 30 الى 35 ريال اللى اذا كان الجديد جاء تانكيين
وانا اقول كلامي هذا من تجربه اخوي عبد العزيز ولو تجرب الفتك كان عرفت كلامي

[الخلاوي 9]

آلله يجزاكم خخير يآلربعع مآقصصرتم جعل والديكمم الجنهه #
واناآ يعلمم آللهه ما آرتحت للاف جي مثثل آآلفتكك ..
والي يققول خذ جكسس واللهه انني خابر انه موتتر جبآر وبه حقه .. لكنن آآبيلي جيب ربع للمقانيص والحرآت والتمشي ب النفود سوآء ربع نيسسآآن او تيوتآآ , طيب يآخوان لآهنتم وش آآلي يصبر ويجور اككثر مع الحرآآت والطرد والمقانيص ولاتخافف عليهه بآي مكان التايوت ولا آلنيسان واعذرونا طولت عليكم لكنن آلواحد ماودهه يآخذ موتر ويتوهقق .. لاهنتمم

[صياد الجبل]

والله يالخلاوي شف الصقاره وراعين السلق وراعين الطرد ولحق الاجوال .

مواترهم . ربع باترول سواء من الجديد او القديم . او جيب تويوتا جي اكس . او فتك ابو اربع ابواب .

ولو تنزل لك يوم ايام شبك الصقور في الساحل وشف اهل الصقور وش موارتهم راح تطلع مثل الي قلتلك عليهم

لكن شف المواتر الي ذكرتها الي هي ربع تايوتا ونيسان

الربع التويوتا مابتاخذ راحتك بالطرد بحكم انه ينقاز وسريع الانقلاب

والنيسان موتر ممتاز بتاخذ راحتك بالطرد ان كان انك صقار ولا راعي اجوال

وان افضل انك تجرب الموترين قبل شرائها وتشوف

[بايكال]

آلله يجزاكم خخير يآلربعع مآقصصرتم جعل والديكمم الجنهه #
واناآ يعلمم آللهه ما آرتحت للاف جي مثثل آآلفتكك ..
والي يققول خذ جكسس واللهه انني خابر انه موتتر جبآر وبه حقه .. لكنن آآبيلي جيب ربع للمقانيص والحرآت والتمشي ب النفود سوآء ربع نيسسآآن او تيوتآآ , طيب يآخوان لآهنتم وش آآلي يصبر ويجور اككثر مع الحرآآت والطرد والمقانيص ولاتخافف عليهه بآي مكان التايوت ولا آلنيسان واعذرونا طولت عليكم لكنن آلواحد ماودهه يآخذ موتر ويتوهقق .. لاهنتمم

السلام عليكم

من وجهة نظري الفرق بين الربع نيسان وتايوتا ....الربع الفتك أريح في البر..نشاطة ماهو بسيط ابد..وأوسع..لاكن الزجاج الخلفي ماتستفيد منه ..أقصد الراكبين ورى مايقدرون يرمون .
والربع التايوتا الجديد .نشيط ماعليه كلام.وتقدر تفتح الزجاج الخلفي..بس بالبر متعب شوي..

ومن ناحية البيع في الوقت الحالي اشوف الموترين كلهم سعرهم بالبيع زين..

وموفق اخوي

[ابوسند9]

اخوي الخلاوي
شف طال عمرك اذا انت راعي حرات ووعر
فا انا انصحك بالفتك الربع دفلك قير اوتو وللعلم تراه نشيط والقير الاوتو واصبر من القير العادي والمكينه مرتاحه عكس القير العادي بسبب الكوارين
فلو تجرب تاخذ فتك مستعمل وفيه زميل لي اشتراه من الامارات فل ماشي 45 الف اوتو اخذه ب108 الف والحين يسام منه 125 الف
لذا لو اشتريت ركب ياي استرالي وكفرات بالون واذا دخلت الحره والوعروالبر نزل الهواء ل 18 منها ارتاحت السياره وارتحت انت وتنسى شي اسمه بنشر واطرد على كيفك صدقني ان تدعي لي كل ما ركبت السياره
ويكفيك بالفتك انك ما تشيل هم الخطوط بالسفر لكن اكرر كلامي القير الاوتو امتع قياده من العادي وفيه من النشاط ما يكفيه ولو تجي للقصيم تشوف اهل القنص عندنا كلهم باترول في باترول
وكلامي هذا مو من تعصب لكن والله لو فيه افضل من الباترول للمقناص والطرد والراحه اني لا ابيع موتري اليوم قبل بكرى
والله ييسر امرك وامر الجميع

[الخلاوي 9]

بيضض الله وجهك يبوسند جععلك ووالديك الجنهه يالذيب
وبرضه الاخ بايكال ماقصصرت يالغالي الله يسعدكك خابر الفتكك ازين من كل النواحي الاسالفة التحمل والصبر متخوف شوي من الفتكك فقطط ..
خوفي انن الباترول يتكسر بالوعر ولايتحمل الحرات .. ولا خابر انه انشط من الربع واريح وارسى واوسع وكل ششي بس زي ماقلتلك خوففي انه مايتحمل التكسير والطرد !!

[sgl2002]

^^^

انا استغرب من اللي يقول يتكسر

ممكن في مديلات ٩٧ وتحت

بس الجديد انا اعارض

انا معي ٩٨ لو تشوف وش انا اسوي فيه يشيب راسك

ولاتفكك

طبعا تسمع قرقعه بسيطه بحكم قدم المديل

[الخلاوي 9]

^^^^^
والله ي بعدي آني مجرب الباترول الربع مديل 2000 موتر عز الله مايرده شي لا بالوعر ولا النفود لكنن كان عيبه مكينتهه مابها عزمم والكربريتر مشكلهه ولا والله انهه ططير شلوى مايقول لا وين ماتغدي بهه ..
بسس مدري الجديد مثثلهه ولا خوفك حساس ويتعطل بكك فجأه هذا الي مخوفنيي من الفتتك فقطط

[AbdulAZiz M]

اخوي عبد العزيز
من قال ان مكينة الاف جي اقوي من الفتك؟
تبي طعوس وممشاء ردميات وطرد الفتك بلا منازع ويكفيك ان الفتك دفرنس امامي عكس الاف جي
واذا كان الاف جي فيه دفلك ترى الفتك فيه دفلك
الشي الاخر كان معي اف جي 2009 والله انه مزعج بالخط خصوصا بعد سرعة 140 صوت الهواء من كل مكان غير عزل الصوت اللي فيه صفر
الشي الاخر والله انه كان معي زميل لي ومشى معاه 100 الف والله العظيم لو تشوف الرفارف الداخليه متقصصه 10 سانتي مع كل جهه يعني لو معاه السياره للحين كان صورته لك
كذالك اللي اعرفه انا ان تاتكي البنزين للاف جي اصغر تانكي با العالم ويتعبى فل بنزين اخضر من 30 الى 35 ريال اللى اذا كان الجديد جاء تانكيين
وانا اقول كلامي هذا من تجربه اخوي عبد العزيز ولو تجرب الفتك كان عرفت كلامي

هلا بالغالي انا اكلمك من تجربه ولا زال معي اف جي وكاله موديل 2009 والحين ماشي اكثر من 250000 ما واجهة مشكله الا وحده فقط ونه في الدفرنس والخطأ اني غيرت الزيت حق الدفرنس مرتين .. والحمدلله غيرت الكرونه على الضمان ولها ثلاث سنوات ماشيه حلاوه ..

الاف جي والفتك الباب اذا بنتكلم عن الامان .. من يتفوق ..
انظمة البر من يتفوق
قوة المكينة من يتفوق .. لا تقول فتك معدل ومن هالكلام انا اقول شد بلد الموترين
الاف جي من 2010 وفوق صار مريح جدا وتقريبا اريح من اللاندكروزر
الجديد 13 نزل بتانكيين

اذا تقول الرفرف ينكسر .. لان الموتر دفرنس مستقل وصاحبك ما ضمن موتره من الضربات والجروف .. ويكون كل الحمل على الرفرف .. مثل التويوتا والنيسان الربع .. الضربات تأثر في الدفرنس وفي جرم الدفرنس الامامي لان الضغط عليه .. كل شيء اذا ما استخدمته بالطريقة السليمه يخرب

تم الإرسال من جهازي GT-N7100 بواسطة تاباتوك 2

[sgl2002]

^^^^^
والله ي بعدي آني مجرب الباترول الربع مديل 2000 موتر عز الله مايرده شي لا بالوعر ولا النفود لكنن كان عيبه مكينتهه مابها عزمم والكربريتر مشكلهه ولا والله انهه ططير شلوى مايقول لا وين ماتغدي بهه ..
بسس مدري الجديد مثثلهه ولا خوفك حساس ويتعطل بكك فجأه هذا الي مخوفنيي من الفتتك فقطط

عز الله انك صادق

وان بغيت الشور خذ لك باترول 2009 مكينه 4500 بخاخ

مكينه صبورة وماتتعطل وعزمها حليل

انا استخدم هالمكينه وجايزتلي لاني ماني براعي مراقى ولا سباقات

مكينة الفتك مشكلتها صيانتها غاليه ، والحساسات اللي تقول مافيها خوف ومافيه الا كتاوت الطرمبة نادر مايتعطل

لكن ترى انا بعت مرتين بترولات واخذ بدالهم شاصات تويوتا

والله ما اكمل شهر الا وانا بايعه من ثقل التويوتا ويرفع الضغط ولايعطيك عمره وقيره ماهو مثل قير النيسان في الفزه والسلاسه

والافجي صدقني لامنه دق بطنه الارض لاتحسبه باترول يفز ويطلع

الا بتحصل كفراته تلعب الاربع وهو تاكي ع الدعاسات



دور لك 4500 بخاخ باترول ارخص وازين ومكده

[الخلاوي 9]

^^^^^^

واللهه انها تدور براسي ي طويل العمر انيي فكرت بها .. لكن تخبر يالامير ودنا ب الجديد

وانتت الصادقق مامثل الباترولل .. خلنن ندور واحد ان شاء الله ان كانن لقيت ب الحمراني ولا المعارض اصفار ماتوقع به بجدهه لكن ندور ان شاء الله

وجزاكمم الله خير جميع يالربعع اعذرونا تعبناكمم .. جعلكم سسالمينن

[الخلاوي 9]

والله يالخلاوي شف الصقاره وراعين السلق وراعين الطرد ولحق الاجوال .

مواترهم . ربع باترول سواء من الجديد او القديم . او جيب تويوتا جي اكس . او فتك ابو اربع ابواب .

ولو تنزل لك يوم ايام شبك الصقور في الساحل وشف اهل الصقور وش موارتهم راح تطلع مثل الي قلتلك عليهم

لكن شف المواتر الي ذكرتها الي هي ربع تايوتا ونيسان

الربع التويوتا مابتاخذ راحتك بالطرد بحكم انه ينقاز وسريع الانقلاب

والنيسان موتر ممتاز بتاخذ راحتك بالطرد ان كان انك صقار ولا راعي اجوال

وان افضل انك تجرب الموترين قبل شرائها وتشوف



انني خابر ي صياد بسس انا ما اقصد ابيه للساحل بس ابيهه للوعر والحرات والنفود والخطوط وكل شي عرففت .. وابي الي قليل خراب ولايوهقكك بالطلعات البعيدهه

والله يجزاكك خير توني انتبهه لردك اعذرني يالامير

[سراب النصر]

اما سعر الفتك الربع 164 الف , !!!

انا شاري فتك 2006 صالون سفاري 2 , الي تحت السوبر على طول , فاكه من المعارض اصفار , 127 الف ,

والله يا لعب اسعار ذا المواتر من تالي !!!!!!!

[الحربي01]

ياللي تسئل عن مكينتك اللفتك اناا اعرف مكاانيكي والله يقول بفممه مكينت اللفتك اققل خراااب من المكاين الثانيه تبي اللدلليل عند اللي يرهموون اكثر ترهيمهم مكينت فتك لانهاا جباره غض اللنظر الافجي مايتغارن مع اللفتك يمكن تغارنه مع اللقديم اللي هو مكينت4500 مع الجديد ماله سوووق

[ابوقشعان]

حلووووووووووو
الفتكك

[شاق النفد]

تبي تنسيم البيبان والكلتش اللي يحترق علطول خذ اف جي
تبي موتر كفو في كل شي خذ ربع فتك

[طالب شايب]

ياخوي النيسان بيقعد معاك سنة سنتين كويس بعدها يبدا يهربد ولا انسى صرفية البنزين ومشاكل الكمبيوتر اللي في الباترول لكن الاف جي موتر تحطه على يمناك ان بغيت بر ان بغيت خطوط رساوة وشكل كلاسيكي جذاب .. هذي وجهة نظري ولك الاختيار

[A s K a D]

من باب الفائدة فقط

الافجي قير عادي يجي دفع رباعي مستمر و ان فصلته فترة ويطق دفرنسة !

الربع فتك سعرة اقل من 160 !!!!!!!!!!

فكرة بالاكستيرا افرود ؟

[صياد الاحساء]

كنت استخدم اف جي 2011 فل وبعته عشان نضام تعليقه الفاشل والبريك حقه فاشل مع المطب يشتقلaps ويفصل البريك كم مره بقيت ارح فيها اما الفتك خذ ولا تشاور

[االملتاع]

خذ لك فتك ربع شكله احسن بواجد وعملي يتحكل الكرف

[السليطين]

الافجي مدري وش الزين فيه ..
اول شي لاسواقه ممتعه ولا شي . تقعد بالمرتبه يالله تشوف الخط .. مرتبته نازله ..
وبعدين بطنه نازل السيوف صعبة عليه شوي .
اما مكينته مهيب حقة جور .. ماتعيش مع شد العزم ..

خذ الفتك وتوكل على الله

[ابو حمود f]

كلها جيوب ما يحتاج انا جربت الاف جي موتر بالبر يعطيك

بس مشكلته يصرف شوييي اما عزم يعطيك

الباترول في الشكل احلى برايي والعزم الجدييد يعطيك ع كلام الناس

وانت وذوقك موفق