افيدونا بخصوص اختبار حرس الحدود

[بو دانة]

السلام عليكم ورحمة الله وبركاتة

اخواني عندي اختبار رخصه قيادة قارب الثلاثاء بعد بكره

" المواقع مافيها اي معلومه "

ولا عندي اي فكره عن قيادة القوارب ولا حتى العلامات البحريه

ياليت احد يتكرم ويعطيني معلومات عن العلامات البحريه ( البويات) و قانون منع التصادم ومعدات السلامه والاسعافات الاوليه وطرق ارسال اشارات الاستغاثه

وكيف طريقة تنزيل القارب للبحر مسحوب بسياره ( تيلر )

يعطيكم العافيه

[ابو عبدالرحمن القرش]

شوف هذا الموضوع

http://www.mekshat.com/vb/showthread.php?t=562278
وهذا ردي فيه


بعطيك بعض التعليمات العامة في قيادة الطراد ان شاء الله تفيدك

اولا:

تشغيل الطراد عادي مفتاح سويتش تشغيل عادي

وعندك مبدل السرعات (التعشيق) في ثلاث مراحل

تعشيق على قدام علشان يمشي الطراد الى الامام وتقدر تزود السرعة بالتدريج
وفي النص يوقف الطراد
وفي الخلف يرجع الطراد على وراء

نجي لقانون منع التصادم

في كل قارب سلمك الله ثلاث انوار ملاحية
اخضر واحمر وابيض

اللون الاخضر يكون في يمين القارب
واللون الاحمر يكون في يسار القارب
واللون الابيض خلف القارب

طيب وش فائدة الانوار الملاحية

الانوار الملاحية مثل الاشارات المرورية

اولا اذا انت ماشي في البحر وصادفت قارب من جهة اليمين يبغى يقطع من امامك

تكون الاولية له للمرور يعني انت توقف وهو يمر


واذا كان على يسارك هو يوقف وانت تمر

*****
اذا تقابلت مع طراد وجها لوجهه انت خذ يمين وهو ياخذ يمين
*****
اذا اردت ان تتجاوز قارب امامك تجاوز من اليمين عكس نظام السيارات انك تتجاوز من اليسار
*****
لو لاسمح الله كان معك احد في القارب وسقط في البحر على يمين القارب تحاول تلف يمين وتقترب بالقارب والعكس يسار تلف يسار
والسبب علشان ماتجي المحركات عليه (الرفاس)

نجي لطريقة خروج الطراد من المرفاء او المرسى
ترجع للوراء وتحاول تعكس اتجاهك بحيث ماتضرب المكائن في المرسى او الرصيف

يعني لو الرصيف او المرفاء علي يمينك حاول ترجع يسار اقصى درجه
والعكس علشان المكائن ماتضرب في الرصيف

وبعدين عدل الطراد وعشق للامام وانطلق

طبعا هناك علامات في البحر من اجل السلامة
يعني كيف تعرف الاتجاهات وكيف تعرف حالة القارب الي امامك وش وضعه واقف ولا عطلان ولا مشعب وغيرها من الامور
لكن اعتقد انها غير مستخدمه عندنا يعني قوانين دولية وتنفع للقاورب الكبيرة

وللمعلومية قانون منع التصادم اكثر الناس لايتقيد به
لذلك نصيحتي لك كن انت العاقل في البحر يعني قدر الامور

ان شاء الله اكون افدك
وتقبل تحياتي

[الدوسري 222]

ماقصرت يابو عبد الرحمن كفيت ووفيت بارك الله فيك
وبالنسبه للاخ ابو دانه ترا اسهل من قيادة القارب مافيه ولا تصعب الامور . ومن المفترض يابو دانه تتمرن بالقارب قبل الاختبار اهم شي المطابق وكلها سهاااااااااااااااااااالات . الله يوفقك يابو دانه وتاخذ الرخصة .

[( ابو سدين )]

بالتوفيق ان شاء الله
الاختبار موب صعب مثل ما ذكروا الاخوان, و خلي اتكال على المولى عز و جل

[ذوالجناح7]

المفروض في كتاب مطبوع يعطونيك منه نسخه


يحدد لك الأشياء المهمه لك وفيه العلامات والأشارات وغيره


إن شاء الله أمورك طيبه.....:good2:

[بو دانة]

بيض الله وجهك ورحم الله والديك يابو عبدالرحمن ولايهون كل من رد ماقصرت كفيت ووفيت

وان شاءالله مثل ماقالوا الاخوان سهالات

[BO Abdullatif]

بو دانة لا تنسى الله لا يهينك تنقل لنا تجربتك لأني أنا بكون بعدك بسبوع انشاءالله

[بو دانة]

ابشر يابو عبداللطيف بس الله يستر ونعدي بالاختبار

[اسير الخبر]

السلام عليكم

ابو دانه اختبارك وين

اى قطاع منزل طرادك انت ؟؟؟

[بو دانة]

القطاع الشرقي وابشركم خلصت واخذت الرخصه راح انقل لكم معلومات الاختبار والاجراءات بس ارجع البيت

[Kaiba KSA]

القطاع الشرقي وابشركم خلصت واخذت الرخصه راح انقل لكم معلومات الاختبار والاجراءات بس ارجع البيت

مبارك يا ابو دانة وموفق خير ...

[مجنون عجلان]

وعليكم السلام ورحمه الله وبركاته
الف مبروك على حصولك على الرخصه
واسال الله ان يجعلها مفتاح خير لك يا ابودانه
تقبل تحياتي واحترامي اخوك ابو محمد

[بو دانة]

عليكم السلام ورحمة الله وبركاتة

الله يبارك فيكم ويسعدكم ماقصرتوا .

الاختبارات سهلة جداً.

الاختبار يشمل فترة اولى من 8 الى 9 صباحاً اختبار سباحه " غالباً يكتفي بالسؤال " تعرف تسبح ؟

الاختبار الثاني من 9 الى 10 وغالباً يتأخر من 11 الى 12 وهو الاهم اسئلة + اختبار قياده

الاسئله هي : مالاجراء المتبع اذا جاك قارب قاطع من يمينك " توقف وتسمح له بالمرور او تهدي السرعه وتروح يمين بحيث يمر هو من يسارك "

المهم اي شي يقطع عليك من اليمين له الافضليه والعكس من اليسار لك الافضليه

اذا جيت تطوف طراد من اي اتجاه ... طبعاً تروح انت من اليمين بحيث يكون هو يسارك

اذا تواجهت انت وقارب وجهاً لوجه تكسر يمين وهو نفس الشيء يكسر يمين

اذا وصلت سرعة الرياح 27 يمنع دخول القوارب .

البويات ماسئلني عنها ولكن لها الوان الاخضر والاحمر معناته ممر قوارب والاخضر يمين والاحمر يسار

والاحمر والاسود .. تخص الميناء وممنوع الاقتراب منها

الاعطال والاشارات : ليلاً إستخدام الإضاءه ونهاراً مرآه عاكسه لضوء الشمس

اسئله من هالشكل سهله وبديهيه

اختبار القياده اما يكون بالفرضه تضطر تنزل القارب للبحر ولابد يكون معك واحد من الشباب يساعدك بالتنزيل

وقبل تركب لابد تظهر للمسؤول عن اختبارك انك تتبع وسائل السلامه ... خذ معدات السلامه كامله معك والبس سترة نجاه شغل قاربك واتمشى فيه لفتين ويقولك خلاص ارجع .

" في الوقت الحالي الاجواء حاره فالعسكري مو فاضي يطلع للشمس اما يختبرك بالقارب حقهم بالورشه او يقولك ماله داعي اذا هو مروّق "

انا اختبرني بالورشه مانزلت بقاربي

وبالتوفيق للجميع

[الشرقي 1]

1000 مبروك على حصولك ع الرخصه
واسال الله ان يجعلها مفتاح خير لك

[اسير الخبر]

الف مبروووووووك حصولك ع الرخصه

بصراحه اجراءات حرس الحدود شى يرفع

الضغط وشى يشيب منه الراس

لكن ياجماعة الخير نصيحه للى يبى يخلص

بسرعه حرس الحدود بالقطيف يروح لشخص

اسمه عادل النجار رجال كفو ومايقصر

بلا اختبارات بلا هم عطه اوراق الطراد

الصباح اليوم الثانى رح خذ دفاترك ورخصك


تحياتى للجميع

[بحراوى 1]

الف مبروك حصولك على الرخصة