وش رايكم كامري2011 أو هايلكس2011غمارتين

[هبوب الحجاز0]

السلام وعليكم ورحمة الله وبركاته
مساكم الله بالخير جميع
مما شاهدت من فائدة في هذا المنتدي وميزات عظيمة وتفاعل لتقديم النصايح للجميع
حبيت أستشيركم أن معي جيب نيسان 98 باترول أربع أبواب وصراحة تعبت معه مع الخط لأني أسافر مسافة 1200 وودي أغيره بسيارة صغيرة وأريح ومحتار بين كامري 2011 أو هايلكس 2011 غمارتين ومحتاج مشورتكم وياليت توضحون الميزات من ناحية الراحة في الخط وصرفية الوقود والتبريد. .
والله يجزا القائمين علي هذا المنتدي خير جزاء وأن شاء الله من زود في زود لهذا المنتدي الشامخ
والله يعطيكم العافية جميع
وتقبلوا خالص شكري وتحياتي

[السبيعي 503]

والله وانا اخوك اذا كان استعمالك في المدينه فقط لاتتعدا الكامري

اما كانك راعي طلعات بسيطه وكشتاات لاتتعدا الهايلكس


واذا الله سبحانه كتب لك في هذا الموترين بتفرق السماء عن الارض عن موترك في كل شي بنزين وسواقه


والله يوفقك لما يحبه ويرضاه

[المهند9]

السلام عليكم

اذا انت حق خطوط عليك بالكامري

الهايلكس برومشوار قريب

[ذيب الفيافي]

ماازيد على كلام الاخوان ... بالسفر الكامري تفرق والسيدان عموما من ناحية المركب وبالذات اذا كان معك عائلة ،،،، الهيلكس منهك لهم .... وبالمقابل الهايلكس يفيدك بطلعات البر واذا بغيت تحمل اغراض ....

وبالنهاية استخر ...

[ابوعبدالله 93]

انارايي من راي الاخوان ان كانك حق سفريات لالاتتعد الكامري اما حق طلعات فا الهايلكس

[الصخرة]

وعليكم السلام ورحمة الله وبركاته
في السفر ما فيه مثل الصغيرة - كامري - وغيرها
1- راحة.
2- توفير في الوقود.
3-عزل صوتي ممتاز.

ارشح الكامري

[ابونبيل]

الكامري افضل بالخط بس كانك تحب الطلعات خاصه انه كان معك جيب فالهلي يمكن يكون افضل

[مخ سعودي]

يعلم الله ان اسوء سيارة في السفر الكامري اصوات المكينه معك وازعاج اذا انت ناوي على صغيره حاول توسع خياراتك علما ان الكامري سعره غالي وبدون مواصفات وانا ماكتبت كتابتي هذه الا من تجربه سفر بها الله لايعيدها

[العميد 1]

اسمحوا لى اخالف الاخوان فيما ذكروا علماً انني دائماً استفيد من تجاربهم وخبراتهم
لكن الونيت صراحة بروبحر عائلية برية صندوق للعفوش كل شئ مافية مقارنة ولاتهون الكامري وغيرها من خواتها الصغار وسلامتكم

[sgl2002]

عليك بالكراون فكتوريا عز الله ما في الامريكي الا هي


تصبر وقطعها رخيصه

[راكب الشفر]

عليك بالكراون فكتوريا عز الله ما في الامريكي الا هي


تصبر وقطعها رخيصه

عز الله موتر مكده ومريح ماشاء الله
بس اهم شي يدور النظيف

[حجازي20]

والله وانا أخوك مدري وش وضعك انت راعي خطوط ولا راعي كشتات
لكن ان كأنك راعي خطوط وكشتات خفيفة خذلك يوكن ولا اكسبلورر

[N أبورغد N]

كان معك موتر رفيع لا تعود على الصغار طع الشور ان كان ولا بد خذ
باثفندر الشكل قبل الاخير 2006 الى 2012
عندك جيوب هيونداي و كيا ممتازة ومريحة اكثر من الياباني
عندك الفور اكسبلورر او اكسبدشن وابعد عن المديلات الي فيها مشاكل
ولوني مكانك صراحه بأحتار بين الباثفندر و جيوب الكوارية ولا يهون الاكسبلورر

[ابن عكاش]

اسمحوا لى اخالف الاخوان فيما ذكروا علماً انني دائماً استفيد من تجاربهم وخبراتهم
لكن الونيت صراحة بروبحر عائلية برية صندوق للعفوش كل شئ مافية مقارنة ولاتهون الكامري وغيرها من خواتها الصغار وسلامتكم
:good2: الكامري ماراح تخدمك اللا على الزفلت
هايلكس غمارتين يخدمك في كل شي

[ابن كديميس]

وعليكم السلام .
اذا كنت راعي سفر و العمل خارج منطقتك
لا والله عليك بالكامري
واذا كنت راعي طالعات بر وسفر احيانن
لاوالله عليك بالهايلكس.

[سيف الحمالي]

يا طويل العمر الهيلوكس يقضي كلها بر و رسميات بس مشكلته للي بيمسك به خط القير عادي قروشه عاد

[أنصر نبيك]

عليك بالكراون فكتوريا عز الله ما في الامريكي الا هي


تصبر وقطعها رخيصه


عز الله موتر مكده ومريح ماشاء الله
بس اهم شي يدور النظيف


عز الله راحة مابعدها راحة أما إذا فكرت بالهايلوكس فخليك على موترك أبرك
الهايلوكس بيكسر عظم عظمك وخاصة في السفر الطويل في الراحة لاتدور بعد الفكتوريا
أبداً وخاصة في الياباني مقصورة واسعة وكراسي مريحة جداً أنا أشهد اني مجربه وصار
لي بايع أكثر من عشر سيارات ماندمت على شيء منها مثل ندمي على تفريطي
بالفكتوريا